¹ Elyo Yesu amtapile ukubafunda mu mapinda. Alilandile, ''umwaume alibyele ibala lya myangashi, abikako no lubango ukulishingulusha, elyo aimbile nomwimbwa umwakukamina umwangashi. Alikulile no lupungu lwakwa kalinda elyo asonkeshe ibala lyamyamgashi kuli bakalima wa myangashi. Elyo afumine aya pa lwendo. ² Na panshita iyakulinga alitumineko umubomfi kuli bakalima wa myangashi mukupokako ifisabo fimo kwibala lya myangashi. ³ Lelo balimubulile, ba mupumine no kumutamfya ukwabula nangu kamo. ⁴ Nakabili alitumine kuli bo naumbi umubomfi, nao balimucenene ku mutwe no ku musunga nsoninsoni. ⁵ Nakabili alitumineko naumbi, nao uyu wine balipeye. Ba sungile nabambi abengi mu musango umo wine, ukupumaula no kwipaya nabambi. ⁶ Alikwete umuntu umo nakabili uwakutuma, umwana uwakutemwikwa. Ewali uwakulekeleshako uo atumine kuli bo , atile ' Bakamucindika umwana wandi.' ⁷ ''Lelo bakalima wa nyangashi balandile kuli umo no mu nankwe, 'Uyu e mpyani. Iseni , lekeni tumwipaye ne cabupyani cikaba cesu.' ⁸ Balimikete, no kumwipaya, noku muposa kumbali yebala lyamyangashi. ⁹ Eico ninshi umwine webala lya myangashi akacita ? Akesa nokonaula bakalima wa myangashi no kupela ibala lyamyangashi kuli bambi. ¹⁰ Tamwabelenga iyi mboni? 'Ilibwe ilyo abakukula bakene elyo bacitile ilibwe lya luceshi. ¹¹ Ici cafuma kuli shikulu, elyo cabune mu menso yesu.'' ¹² Panuma ya ici intungulushi sha ba Yuda shafwaile ukwikata Yesu pantu balyumfwile ati alandile ipinda pali bo Lelo balitinine cinkupiti ico balimushile no kuya. ¹³ Elyo batumine bamo aba falise nabena Helodiya kuli ye muku musembeleka mu mashiwi. ¹⁴ Ilyo baishile balandile kuli ye, ''Kafundisha, twalishiba ati tausakamana amatontonkanyo ya muntu , elyo iwe taubula ulubali pakati ka bantu. Iwe mu cine ufunda inshila shakwa Lesa. Bushe cansambu ukutula umutulo kuli Kaisale nangu iyo? kuti twatula nangu iyo?'' ¹⁵ Lelo Yesu alishibile bu mumbimunda bwabo no kulanda kuli bo., ''Cinshi ico mulenjesesha? Mpeleni Dinari pakuti njiloleshe?'' ¹⁶ Baletele imo kuli Yesu. Alandile kuli bo, ''Cimpasho cakwa nani ici ne mishilwa ishi?'' Batile, ''Fyakwa Kaisale.'' ¹⁷ Yesu alandile , ''Peleni kuli Kaisale ifintu fyakwa Kasaile na kuli Lesa ifintu fya kwa Lesa.'' Balipapile. ¹⁸ Elyo aba Saduki, abalikulanda ati takwaba ukushuku balishile kuli ye. Balimwipwishe, ukulanda ati, ¹⁹ ''Kafundisha, Mose atulembele ati, 'nga cakuti wabo afwa asha umukashi ku numa, lelo takwete umwana, umutnu afwile abula umukashi wakwa wabo, no ku kusha ulubuto lwawa wabo.' ²⁰ Kwali ba wabo cinelubali;ulwakubula akwete umukashi elyo alifwile, tashilepo ulubuto. ²¹ Elyo uwa bubili abulile umukashi no kufwa, nao tashilepo ulubuto no wa butatu mu nshila imo ine. ²² Bonse cinelubali tabashilemo lubuto. Pakulekelesha no mwanakashi nao alifwile. ²³ Mukushukuka, ilyo bakema nakabili akaba umukashi wakwa nani? Pantu bonse ba wabo cine lubali bali mubulile ngo mukashi.'' ²⁴ Ysu alandile , ''Bushe tauli e mulandu mwalubila, pantu tamwaishiba imboni nangu amaka yakwa Lesa? ²⁵ Pantu ilyo bakema ukufuma kuba fu, taba kope nangu ukupelwa mu cupo, leo bakaba nga Malaika mu mulu. ²⁶ Lelo ukulosha kubafwa aba bukishiwa, ta mwasoma mu citabo cakwa Moe, mufya tantinkwa palwa cimpusa. Ifyo Lesa asosele kuli ye nokulanda ,'Ndi Lesa wakwa Abulamu na Lesa wakwa Isaki na Lesa wakwaYakobo? ²⁷ Te Lesa wa ba fu, lelo uwaba lole. Mwaliluba sana. ²⁸ Umo pali ba kalemba alishile no kumfwa ukulanshanya kwabo, alimwene ati Yesu abasuka bwino, Alipwishe, ''Lifunde nshi ilya cindama pali yonse?'' ²⁹ Yesu ayaswike, ''Ilya cindamanili , umfwa , Icalaeli, shikulu Lesa wesu, shikulu abafye umo. ³⁰ Ufwile ukotemwa shikulu Lesa obe no mutima obe onse, no mweo obe onse, na mano yobe yonse, na maka yobe yonse. ³¹ Ifunde lyabubili nili, ufwile ukotemwa umwina mupalamano obe nga we mwine.Takwaba limbi ifunde ilyakula ukucila aya.'' ³² Kalemba alandile, ''Cisuma kafundisha! walandafye icishinka ati Lesa abafye umo, nakabili ati takuli umbi uwaba ulubali nankwe. ³³ Ukumutemwa no mutima obe no kumwishibisha konse na maka yonse, no kutemwa umwina mupalamano nga wemwine cena cakulishapo ukucila pelambo ne fyakupela ifya koca.'' ³⁴ Ilyo Yesu amwene ati alimupela icasuko ica mano, alandile kuli ye, '' Tauli ukutali ukufuma ku bufumu bwakwa Lesa.'' Panuma ya ifyo takwali uwatalile epusha Yesu amepusho nakabili. ³⁵ Ilyo Yesu alikufunda munkungu she tempele, alandile, ''Ninshi ifyo ba kalemba balandila ati, Klishitu mwana wakwa Davide? ³⁶ Davide umwine , mupashi wamushilo, alandile, 'Shikulu alandile kuli shikulu wandi, ikala ku kuboko kwandi ukwa Kulyo mpaka mpange abalwani bobe icinyantilo camakasa.'' ³⁷ Davide amwitile 'shikulu', nomba cinshi ico Kristu engabela umwana wakwa Davide? '' Na cinkupiti umukulu aliletemwe ukumfwa kuli ye. ³⁸ Mukufunda kwakwe Yesu alandile, ''Cenjeleni naba kalemba, abatemwa ukwenda mu mikansu itali no kulabaposha mu cende sha fiasankano, ³⁹ elyo balakwata nefipuna ifya kucima mu mu masinagoga ne cende ishakucindama mu malila. ⁴⁰ Kabili balatobaula namayanda yaba mukamfwilwa, elyo bakopepa na mapepo ayatali abantu babamone. Ab bantu ba kapokelela ukusekwa ukukulu. ⁴¹ Elyo Yesu aikele panshi lubali ukufuma ku mbokoshi ya mutulo mu cende ye tempele; Na bantu abakankala abengi balebikamo indalama ishinhgi. ⁴² Elyo mukamfwilwa umulanda aishile no kubikamo tukobili tubili, ukulingana na peni. ⁴³ Akutile abasambi bakwe no kulanda kuli bo, icene nkolanda kuli mwe, uyu mulanda mukamfwilwa alibikilemo ukucila bonse aba sonkeko ku mutulo mumbokoshi. ⁴⁴ ''Pantu bonse bapele ukufuma ku fyabwingi bwabo. Lelo uyu mukamfwilwa ukufuma ku bulanda bwakwe, abikilemo indalama shakwe shonse isha bwikashi bwakwe.''