¹ Nomba ilyo balikwisa ku Yelusalemu, balifye cipi cipi naku Betifage na ku Betani, palupili lwa mi Olife, Kabili Yesu atumine abasambi bakwe babili. ² Atile kuli bo, ''Kabiyeni mu mushi uulungatene nafwe. Ilyo fye mukoingilamo, mukosanga kabalwe uyo tabaninapo. Mumukulule no kumuleta kuli ne. ³ Ngacakutu uuli onse alanda kuli mwe, ninshi mulecitila ifi? Mufwile mwalanda ati, ' Shikulu eulemufwaya mukwangufyanya, mu mutume kuno.''' ⁴ Awe baile no kuyakusanga ka balwe balimukakile pa mwinshi panse mumbali yanshila kabili bali mukulwile. ⁵ Elyo abantu abaiminipo palya no kulanda kuli bo, ''Cinshi mulekulwila uyu kabalwe?'' ⁶ Balandile kuli bo ngefyo Yesu alikubeba, na bantu balibalekele baya uko bali kuya. ⁷ Kabili batwele umwana wakwa Kabalwe kuli Yesu no kuposapo amalaya yabo, nao alikelepo. ⁸ Abantu abengi balikwanshika amalaya yabo mu musebo bambi imisambo iyo ba temene mu conde. ⁹ Abatangile na balekonka balikupunda, ''Hosana! Abe uwakupalwa uyo akoisa mwishina lya kwa Shikulu. ¹⁰ Bupe ubwakupalwa ubufumu ubukoisa ubwa kwa Shikulu Dabidi! Hosana mu mulu umutali!'' ¹¹ Kabili Yesu alingile mu Yelusalemu no kuya mwitempele no kulolekesha pali fyonse. Ico akasuba kaya ka kowa, alifuminemo no kuya ku Betani na basambi bakwe ikumi limo na babili. ¹² Ubushiku bwako ulo balikuya kunse ukufuma mu Betani, wali ne nshala. ¹³ Napakumona akatalamukila icimuti camukunyu icali na bamula Aileko mukumona nga kuti asangako icitwlo iciliko, ilyo afikileko tasangileko nangu cimo lelo amabula pantu tayali ninshita yamukunyu. ¹⁴ Elyo awebele ati, ''Takwakabe umuntu ukalya icitwalo ukufuma kuli iwe nakabili.'' Nabasambi bakwe balyumfwile. ¹⁵ Baishile ku Yelusalemu, alingile na mwitempele nokutampako ukufumya abalikushitisha no kushita mwitempele. Atampile ukupilibula amatebulo yabalikukabusha indalama apilibwile ifipuna fyabaleshitisha mwitempele. ¹⁶ Tasuminishepo ukusenda icili conse mwitempele icingashitishiwa. ¹⁷ Alibasambilishe nokulanda, ''Bushe tacalembwa, ing'anda yandi yamapepo kunko shonse? Lelo mwaipanga icende yabapompwe?'' ¹⁸ Bashimapepo bakalamba naba kalemba balyumfwile ifyo alandile, nokufwaya inshila iyakumwipailamo. Pantu balikumutina ifyo nacinkupiti onse alikupapa pafyo alikulanda. ¹⁹ Ilyo icungulo caishile bafumine namu musumba. ²⁰ Ilyo baleenda mulu celo. Bamwene umuti wamukunyu ulifumbile ukufika nakumishila, ²¹ Petelo alibukishe no kulada, ''Labi,(ekutila Kafundisha) Mona icimuti camukunyu icowalapishe nacifumba. ²² Yesu alibasukile, ''Kwateni icitetekelo muli Lesa. ²³ Mucine nkomweba ngacakuti umo alanda kuli ulu lupili, Ima nokuyaifuntula wemwine muli benba. Nga cakuti tatwishikile mu mutima wakwe lelo asumina ukweba ati ifyo alanda filinokucitika, ifyo fine efyo Lesa ali nokucita. ^{24 26} Eico nkolanda kuli iwe, Fyonse ifyo ukopepela nokuipusha talukeni ati, mulekepokelela kabili fikoba fyenu. ²⁵ Ilyo mwaiminina nokupepa, mufwile ukubelela uluse umuntu uwamilufyanya, pantu nashinwe uwaba ku mulu nao akwelela amampula yobe.'' ²⁷ Baishile ku Yelusalemu nakabili, ilyo Yesu alikwenda mwitempele bashimapepo bakalamba, na bakalemba nabakalamba baishile kuli ena. ²⁸ Batile kuli ena, '' Ni munsambu inshiucitila ifi fintu kabili nani wakupelesho nsambu yakuficita?'' ²⁹ Yesu atile bena, ''Nala kwipusha ilipusho limo. Ungebe naine nalakweba insambu incitilamo ifi fintu. ³⁰ Ulubatisho lwa kwa Yowani, lwafumine ku mulu nangula ku bantu? ngasuka.'' ³¹ Balelanshanya nokutalikana bekabeka ati'' Ngatwalanda ni ku mulu'' akolanda ati , ''nga ninshi mushamutetekele? ³² Nomba nga twalanda ati, '' ni kubantu,'' Baletina abantu , pantu bonse balishinwa, ati Yowani ali nikasesema. ³³ Elyo balimwasukile Yesu ati, ''Tatwishibe.'' Nao Yesu abasukile ati, ''nandi wine nsamyebe amaka incitilamo ifi.''