¹ Yaweh alandile kuli Mose, atile, ² '' Landa kuli Aaron elo na kubana baume bakwe, bebe bena bataluke ukufuma kufya mushilo ifintu fya bantu bakwa Israeli, ifyo bapatukila bena kuli nebo. Bena tabafwile tabafwile ukusebanya ishina lyandi ilya mushilo. Ninebo Yaweh. ³ Landa kuli bo, 'Nga cakwebati umo palupwa lwabo ukufika kunkulo shabo shonse nga shikopalama ku fintu fya mushilo ifyo abantu bakwa Iraeli bakwata ukuipatwila kuli Yaweh , ilyo ena tasangululwa , uyo muntu afwile aba uwaputula ukufuma kuli nebo : ninebo Yaweh. ⁴ Takuli ulupwa lwakwa Aaron uyo uwalala ubulwele bwa mubili, nangu nangu fimo filetona ukufuma kumubili wakw, elalyako ifili yonse ifitulwa kuli Yaweh mpaka ena asangululwa. Na onse uwikata icili conse icishasangululwa ukupitila mukwikata uwafwa, nangu ukwikata umwaume uukofumya amunshi ya mu bwaume, ⁵ nangu onse uwakumya ku nama iisenya ico yamulenga ena ukushisangululwa, nangu umuntu uushaisangulula umwine, no musango onse icakuti caba_ ⁶ eluntu shimapepo akumya kucili conse icishasangululwa mpaka icungulo. Tafwile ena ukulya ifintu fya mushilo, kano cakuti ena asamba umubili wakwe mumenshi. ⁷ Uluntu akasuba kawa, ena eluntu asangululwa, panuma akasuba kawa ena kuti alyako ifintu fya mushilo, pantu fyakulya fyakwe. ⁸ Ena tafwile ukulya conse icasangwa ukufwa nangu ico bepeye ku nama sha mumpanga, ico ena kuti aikowesha umwine. Ninebo Yaweh. ⁹ Bashimapepo bafwile bakonka ifyo bakobeba, pantu bena bakaba no mulandu wesambi elo bakafwa pa kusebanya ishina nebo. Ninebo Yawehuulebalenga aba mushilo. ¹⁰ Takuli nangu umo uushili mulupwa lwakwa shimapepo, ukubikakofye nabena fyalo bakwa shimapepo nangu ababomfi bakwe, abengalya icili conse ica mushilo. ¹¹ Lelo nga cakuti shimapepo akoshita musha mundalama shakwe umwine uyo musha kuti alyako ifintu ifyatulwa kuli Yawe. Abamulupwa lwakwa shimapepo elo nabasha abafyalilwa mung'anda yakwe, nabo bene kuti balya nefyo fintu. ¹² Nga cakwebati umwana mwanakashi wakwa shimapepo nga aupwa kuli umo uushili shimapepo, ena tali nokulyako ifya kusangwilako ifyamusangulo wa mushilo. ¹³ Ngacakwebati umwana mwanakashi wakwa shimapepo ni mukamfwilwa, nangu bali mutamfya ku mulume, elo ena takwata mwana, elo wabwelela mu ng'anda yakwa wishi ngo musepela, ena kuti alyako ifyakulya fyakwa wishi. Lelo uushili wa mulupwa lwaba shimapepo elalyako icakulya cakwa shimapepo. ¹⁴ Nga cakwebati umwaume ukolya icakulya ica ushilo ukwabula ukwishiba ici, eluntu ena afwile abwekesesha shimapepo pali ici; ena afwile abikapo fisano pali ici elo no kupela kuli shimapepo. ¹⁵ Abantu bakwa Israeli tabafwile ukusebanya ifintu fya mushilo ifyo bena bacimya pa mulu elo no kufileta kuli yaweh, ¹⁶ elo nokulenga abene beka ukusenda isambi lingabalengela bena umulandu wakulalya icakulya ca mushilo pantu ninebo Yaweh uumilenga mwebo ukwisakuba abamushilo.'' ¹⁷ Yaweh alandile kuli Mose, atile, ¹⁸ ''Landa kuli Aaron nabana bakwe, elo nakuli bonse abana bakwa Israeli. Landa kuli bo, ' umwina Israeli onse nangu umwina fyalo uwikala muli Israel, uluntu bena bapela ilambo_ nangu ukufikilisha umulopa, nangu ubupe bwakuitemenwa, nangu bena ukutwala kuli Yaweh umutulo wakoca, ¹⁹ nga kuti caba icasuminishiwa, bena bafwile batula inama iilume iyabula ubwafya ing'ombe, impaanga, nangu imbushi. ²⁰ Lelo tamufwile ukutula icili conse icili no bwafya. Nebo nshakasumine ici pali webo. ²¹ Onse uutula ilambo ilyamusangulo lyakwampana ukufuma pe bumba lya nama nangu imikuni kuli Yaweh ukufikilisha umulapo, ngo mutulo wakuitemenwa taufwile ukukwata ubwafya pakuba uwasuminishiwa. Tamufwile mwaba ubulema munama. ²² Webo taufwile ukutula inama sha pofula, iyakufunika nangu iyakucenwa, nangu uwa mampoto pa mubili, uwa filonda, nangu ifiseseya. Tafwile ukutula ifi webo kuli Yaweh ngalambo lya mulilo pa bulambo. ²³ Mwebo kuti mwatwala umutulo wa kuitemenwa ing'ombe iilume nangu impaanga iyalepapo icilundwa nangu iyakucepa, elo umtulo waifi ekuti tekuti usuminishiwe pa mulapo. ²⁴ Takuli kutula inama yonse kuli Yaweh iyakwata imikofu, iyapeluluka, ukukeswa, nangu ukuputulwa ifya kubwaume. Mwilkucita ifi mukati ka calo cenu. ²⁵ Mwebo tamufwile ukutwala umukate kuli Lesa wenu uwakufuma kukuboko kwa mwina fyalo . Isho inama ishabipa elo mwaba ubulema muli shena , shena tashakasuminishiwe kuli nebo.''' ²⁶ Yaweh alandile kuli Mose elo atile, ²⁷ Uluntu ing'ombe ilume nangu impaanga, nangu imbushi yafyalwa, kuti yasuminishiwa ukuba ilambo ifwile yaba na nyina inshiku cine lubali. Eluntu ukufuma pa bushiku ubwakulenga cine konsekonse . Kuti caba icasuminishiwa ukuba ilambo umutulo wapa mulilo kuli Yaweh. ²⁸ Takuli kwipaya ing'ombe impaanga pamo no mwana wakwe, pa bushiku bumo bwine. ²⁹ Uluntu mwebo mwatula ilambo lyakutasha kuli Yaweh mwebo mufwile muleitula munshila iyasuminishiwa. ³⁰ Lifwile lyalikwa pa bushiku bumo bwine lyatulwa. Mwebo tamufwile ukushako mpaka bwise buce ulucelo.Ninebo Yaweh. ³¹ Eico mwebo mufwile mulesunga amafunde yandi elo no kuyasenda. Ninebo Yaweh. ³² Mwebo tamufwile ukusalula ishina lyandi ilya mushilo. Nebo mfwile naishibikwa ngo wamushilo ku bantu bakwa Isreali. Ninebo Yaweh uumilenga mwebo abamushilo, ³³ uwamiletele mwebo ukumifumya mu calo ca Egypt kukuba Lesa wenu: Ninebo Yaweh.''