¹ Elyo umwana wampanga aiswile icikakatikilo calenga cine lubali, na mu mulu mwatalele tondolo ukufikafye na pakati ka nsa. ² Kabili namwene ba malaika cine lubali nabeminina kuntanshi yakwa Lesa, kabili nabapelwa namapenga cine lubali. ³ Umungeli umbi alishile, nakwata icakufutumwinamo ca golide, naiminina pacipailo cakufutumwinamo. Nefyo kufutumwinamo ifingi fyapelwe kuli ena pakweba ati engatula fyonse mumapepo pamo na bantu bakwa Lesa aba mushilo pacakufutumwinapo ca golide kuntanshi yacipunacabufumu. ⁴ Icunshi canunka cisuma cali na mapepo yabantu bakwa Lesa abamushilo, caiminine kuntanshi yakwa Lesa ukufuma mu maboko yakwa malaika. ⁵ Malaika abulile icakufutumwinamo nokwisushamo umulilo ukufuma ku cipailo. Ilyo aciposele pa calo, kabili kwali ifyongo nefibulumo,nemyele yankuba, na ukubyata byata, kabili nefinkunkuma. ⁶ Bamalaika cine lubali abali na mapenga bapekanya ukufilisha. ⁷ Malaika wakubalilapo alisha ipenga lyakwe, kabili kwali imfula iyacitalawe na umulilo ifya sankene pamo na mulopa. Fyaposelwe pa calo pakweba ati icalenga butatu cingapya, ifimuti ifya kulenga butatu fyalipile, nayonse imilemfwe yafyani yalipile. ⁸ Malaika wacibili nao alishishe ipenga lyakwe, nafimo ifyapala impili ishikalamba fyalipile no mulilo uwaposelwe mu cimana. Icimana calenga butatu casangwike umulopa, ⁹ necabutatu pafya mweo icali mu mumana califwile, kabili namato yakulenga butatu fyalyonawilwe. ¹⁰ Malaika wabutatu nao alishishe ipenga lyakwe, na ulutanda ulukalamba lwaponene ukufuma mu lwelele, nalubilima ngo mwenge, napafimana fyalenga butatu namu tumfuku mfuku twamenshi. ¹¹ Ishina lya lutanda ni Absinte. Amenshi yalenga butatu yasangwike Absinte, nabantu abengi balifwile kuli aya menshi ico yalilulile. ¹² malaika walenga bune alishishe ipenga lyakwe, nakasuba kalenga butatu kali pumishiwe, ukubikapofye icalenga butatu umweshi na icalenga butatu intanda. Eco fyonse fitatu fyasangwike imfinshi; ubushiku bwalenga butatu na ubushiku bwakwila ubwalenga butatu takwali lubuto nakalya. ¹³ Naloleshe, kabili naumfwile lubambe uwalepupuka alelila ishiwi ilikalamba, ''Ubulanda, ubulanda, kuli abo abali pa calo, pamulandu wakutila ati ukulila kwa shalako ukwa penga kwaba malaika batatu abalasuka balishe.