¹ Panuma ya ifi namwene bamalaika bane nabeminina pa fifutu fine ifya pesonde, nabekatisha imyela ine iya pesonde pakuti umwela nangu umo wipupa pesonde, napali bemba, nangu kucimuti conse. ² Namwene malaika umbi alefuma kukabanga, ali necikakatila icakwa Lesa uwa mweo. abilikishe ishiwi ili kalamba kuli ba malaika bane abapelwe insambu shakonaula isonde na bemba: ³ ''Wionaula isonde bemba, nangu ifimuti mpaka tubike ifikakatile pampumi shababomfi bakwa Lesa wesu.'' ⁴ Naumfwile ne mpendwa ya abo abakaktikilwe: amakana umwanda umo na makana amakumi yane elyo namakana yane, aba kakatikilwe ukufuma mu mutundu onse uwa bantu bakwa Israeli: ⁵ Amakana ikumi nayabili ukufuma mu mutundu wakwa Yuda ebakakatikweko, amakana ikumi naya bili ukufuma mu mutundu wakwa Ruben, amakana ukumi nayabili ukufuma mu mutundu wakwa Gad, ⁶ amakana ikumi nayabili ukufuma mu mutundu wakwa Asher, amakana ikumi nayabilki ukufuma mu mutundu wakwa Naphtali, amakana ikumi nayabili ukufuma mu mutundu wakwa Manase, ⁷ Amakana ikumi nayabili ukufuma mutundu wakwa Simeoni, amakana ikumi na yabili ukufuma mu mutundu wakwa Levi, amakana ikumi na yabili ukufuma mu mutundu wa kwa Isacha, ⁸ amakana ikumi na yabili ukufuma mu mutundu wakwa Sebuluni, amakana ikumi na yabili ukufuma mu mutundu wakwa Yosefu, anamakana ikumi nayabili ukufuma mu mutundu wakwa Benjamini abakakatikweko. ⁹ Panuma ya ifi fyonse naliloleshe, kwali ibumba iikalamba ilyo umuntu nangu umo ashingapenda ukufuma kuluko lonse, imitundu, abantu, nendimi nabeminina kucipuna cabufumu pantanshi ya mwana wa mpanga. Bafwele imingila yabuuta nabekata nemisambo ya tuncindu muminwe yabo, ¹⁰ kabili balebilikisha ne shiwi ilikalamba: Ipusukilo lyaba kuli Lesa wesu, uwa ikalapa cipuna cabufumu, nakumwana wa mpanga!'' ¹¹ Ba malaika bonse baiminine ukushinguluka icipuna nokushinguluka abakalamba nefya mweo fine, kabili bawile ku kuntanshi ya cipuna. Bapepele Lesa, ¹² abati, ''Ameni! amalimbo, ubukata amano, ukutotela, umucinshi, amaka, nobukose fibe kuli Lesawesu umuyayaya umuyayaya!'' Ameni!'' ¹³ kabili umo uwa mubakalamba anjipwishe, ''Nmga aba, abafwele imingila yabuta, nikwi uko bafumine?'' ¹⁴ Nalandile kuli ena, ''Shikulu, na mwishiba,'' nao alandile kuli ine,'' aba ebafuma mu bucushi bukalamba. Kabili balisasamba imingilayabo nokuibutisha mu mulopa wa mwana wa mpanga. ¹⁵ Pa mulandu waici, eco babelele pantanshi ya cipuna ca bufumu bwa kwa Lesa, kabili balemupepa akasuba no bushiku mwi tempele lyakwe. Uyo uwaikele pa cipuna akaba icintelwe kuli bena. ¹⁶ Tabakomfwe isala na kabili, nangu ukumfwa icilaka nakabili, nakasuba takakaboce, nangu cikabilila. ¹⁷ Pantu umwana wampanga uuli pakati kacipuna cabufumu akabacema, kabili akaba tungulula ku tumfuku mfuku twa menshi, kabili Lesa akafuta ifilamba fyonse kumenso yabo,''