¹ Itete lyapelwe kuli ine ukubomfya ngeinkonto yakupiminako. Naebelwe, ''Ima elyo pima itempele lya kwa Lesa elyo necipailo. elyo nabo abalemulumbilamo. ² Leelo wipima ulubansa ulili kunse yetempele, pantu naipelwa kubenafyalo. Bakanyantaula umusumba wamushilo pamyeshi amakumi yabili. ³ Ndinokupela bakambone wandi babili amaka yakusesema panshiku ikana limo nemyanda ibili namakumi mutanda, ukufwala amasaka,'' ⁴ Aba bakambone fimuti fibili ifyamiolife elyo fyakutekapoinyali isha iminina pantanshi yakwa shikulu wapesonde. ⁵ Nga umo asala ukubacita icibii, umulilo kufuma mutunwa twabo elyo nokoca abalwani babo. Uyo onse uwakabila ukubacita icibii afwilefye ukwipaiwa muli iyi inshila. ⁶ Aba kabambone balikwata amaka yakwisala ulwelele pakuti imfula tailokele muli shilya nshiku shakusesema. Balinamaka yakwalula amenshi ukuba umulopa elyo ukuma icalo ukufinkukuma ifyapusana ilyo lyonse bafwaya. ⁷ Ilyo bapwa ubunte bwabo, iciswango caisaukufuma mucilindi cabula impela cikemya inkondo kuli bena. Akabacimfya elyo nokubepaya. ⁸ Nemibili yabo ikalala mumisebo yamisumba uko shikulu wabo atanikilwe. ⁹ Panshiku shitatu na citika bamo ukufuma muli cilabantu umutundu, ululimi elyo uluko lukalolesha pamibili yabo. Tabakasuminishiwe ukubikwa kumanda. ¹⁰ Balya abaikala pesonde bakasangalala pali bena nokusefya. Bakalatuma nefyabupe kumuntu nomunankwe umulandu balya bakasesema babili bakoweseshe balya abaikele pesonde. ¹¹ Leelo panuma yanshiku shitatu nacitika umupu wabumi ukufuma kuli Lesa ukengila muli bena, elyo bakeminina pamakasa yabo umwenso ukalamba ukaponena pali balya abakabamona. ¹² Elyo bakomfwa ishiwi ilikalamba ukufuma mumulu liletila kuli bena, ''Iseni kuno!'' Elyo bakayaa mu mulu mumakumbi ilyo abalwani babo baleloleshako. ¹³ Pali ilyanshita kukaba makumba umukalamba, elyo iciputulwa cekumi cikapona.Amakana cine lubali bakepaiwa muli makumba, elyo abakapusuka bakabanomwenso ukalamba elyo bakapela ubukata kuli Lesa wamu mulu. ¹⁴ Ubucushi bwacibili nabupita. Moneni! ubucushi bwacitatu buleisa bwangu. ¹⁵ Elyo umungeli walenga cine lubali alishishe ipenga, namashiwi ayakalamba yasosele mu mulu nokutila, ''Ubufumu bwesonde bwasanguka ubufumu bwa kwa shikulu nobwakwa Kristu, elyo ali nokwikalilila umuyayaya. ¹⁶ Elyo abakalamba amakumi yabili nabane, abaikala pafibuna fyabufumu mucinso cakwa Lesa, balewa ubunkupeme nokulumbanya Lesa. ¹⁷ Basosa, ''Tupela ukutasha kuli iwe, shikulu Lesa wamaka, uli elyo uwali, pamulandu mwaposele amakayenu ayakalamba nokutampa ukuteka. ¹⁸ Inko shalikalipe, leelo icipyu cenu caisa. Inshita naisa iyabafwa ukupingulwa naimwe ukulambula ababomfi bakasesema nabantu abashila bakwa Lesa, nabo abatina ishina lyenu, bonse abashacindama nabamak. Inshita naisa iyakonaula abo abaonawile isonde.'' ¹⁹ Elyo itempele lyakwa Lesa ilya mu mulu lyaliswilwe necipailo cacipingano camoneke mwitempele. Kwali ukubyata kwankuba ukubulukuta, ukupangala, makumba, nemfula yamabwe ikalamba.