¹ Kabili namwene umbi malaika uwamaka aleisa ukufuma mu mulu. Nafwala ikumbi, nomukolamfula pa mutwe wakwe. Icinso cakwe cali nga kasuba namakasa yakwe ngenceshi shamulilo. ² Ali nakamufungilo, akafunguluka muminwe yakwe. Aimike ulukasa lwakwe lwa kukulyo pali bemba nolwa kukuso pamulundu. ³ Elyo abilikishe shiwi likalamba ngenkalamo ilelila. Ilyo abilikishe, ifibulumo cine lubali fyalandile ku mashiwi. ⁴ Ilyo ifibulumo cine lubali. Wali nokulemba, leelo naumfwile ishiwi ukufuma mu mulu lileti, ''Kambatika fintu ifisosele ifibulumo cine lubali. wilemba.'' ⁵ Na malaika uyo namwene naiminina pali bemba no mulu waimishe ukuboko kwa kwe ukwakulyo ku mulu. ⁶ Alapile kuli umo uwaikala umuyayaya no muyayaya uwalengele umulu ne fyabamo, napesonde na fyonse ifyabapo. Nabemba na fyonse ifyabamo, na malaika atile, takwakabe kabili ukuposa inshita. ⁷ Leelo ubushiku ilyo malaika walenga cine lubali ilyo alaswa alishe ipenga, ico nkama cakwa Lesa ifyo alandile bwino kubabomfi bakasesema.'' ⁸ Ishiwi naumfwile ukufuma ku mulu walandile kuli ine nakabili: ''Kabiye, kasende umufungilo akali muminwe yakwa malaika uwiminine pali bemba napa mulundu. ⁹ Elyo naile kuli malaika nokumweba ukumpela akamufungilo akanono. Alandile kuli ine, bula mufungilo nokulya. Kalenga munda yobe ukulula, nomba mukanwa kobe kalelowa ngo buci.'' ¹⁰ Nabulile akamufungilo akanono ukufuma mumunwe yakwa malaika nokulya. Kali akalowa ngo buci mukanwa kandi, leelo panuma nakalile, namunda yandi mwalilulile. ¹¹ Elyo umuntu umo atile kuli ine, ''Uli nokusesema kabili ifya bantu,banko, indimi, neshamfumu.''