¹ Lelo ici tacasekeshe Yona kabili alifulilwe nganshi. ² Eco Yona alipepele kuli Yawe mokmutila, "AlaYawe, bushe ifi tefyo nasosele ilyofye nabwelele mu calo candi? Ici ecalengele ukuti bwangu bwangu mfyukile ku Tashishi-pantu nalishibe ukuti muli Lesa wa kusenamina, uwa nkumbu uukokola ukufulwa, uwa kwatisha icitemwiko icishipwa, kabili ulabwesha umutima ilyo ufwile ukutuma ubonaushi. ³ Eico nomba, Yawe, na mulomba, mpokeni umweo, pantu cawama ine ukufwa ukucila ukuba uwa mweo" ⁴ Yawe atile, "Bushe naciwamina ukuti iwe naufulwa? ⁵ "Elyo Yona afimine kunse ya musumba nokuya ikala lwaku kabanga ka musumba. kulya kwine akulile insakwe no kwikala mwisamba mu cintelelwe pakuti amone ifyalacitika ku musumba ⁶ Yawe Lesa apakenye akamuti nokulenga ukukula pa mutwe wakwa Yona ukuba icintelelwe pakumupokolola kuku cula kwakwe. Awe Yona asekelele ngashi pamulandu wa kamuti. ⁷ Lelo Lesa apekenye icinsenda pakutula kwa kasuba ulucelo lwakonkelepo. Naco icinsenda casanshile akamuti nokuma kauma ⁸ Nomba cilya akasuba kasansama mu lucelo lwakonkelepo, Lesa apekenye umwela uwalucelo uwakaba uwakukabanga. Nako akasuba kabalike pa mutwe wakwa Yona kabili abongoteka no kupona afwa na kafwa kanono. ⁹ Elyo Yona alomba ukuti engafwa, atile, "cawamanapo ukufwa ukucila ukuba no mweo." Elyo Lesa atile kuli Yona, "Bushe cawama ifi wafulwa ngashi palwa ka muti?" Elyo Yona atile, "cangwaminapo ukufulwa mpaka ukufwa." ¹⁰ Yawe atile, "iwe ukutemwa akamuti, tawaculila nangu ukulenga kakule. kakulile mubushiku nokufwa mubushiku. ¹¹ Naine bushe nshilelanguluka Ninife, umusumba ukalamba umo umwali abantu ukucila pa makana umwanda umo na makumi (120000) abashishiba ubupusano bwaba pa kuboko kwabo ukwa kukulyo nokuboko kwabo ukwa kukuso, elyo kabili nenama ishingi?"