¹ Ishiwi lyakwa Yawe lyaishile kuli Yona umuku wacibili, aliti, ² "Ima, kabiye ku Ninife, ulya musumba uukalamba, nokuya kuli ena imbila iyo ndekunkomesha ukubila." ³ Eco Yona alimine nokuya ku Ninife, ukulingana ne shiwi lyakwa Yawe. Nomba ninife wali musumba uwakulisha, umo pa misumba yalwendo lwanshiku shitatu. ⁴ Yona atendeke ukwingila mu musumba na panuma ya kwenda ubushiku bumo abilikishe nokutila, "Mu nshiku amakumi yane Ninife akonaulwa. ⁵ "Abantu bamu Ninife balisumine Lesa kabili babilishe ukuleka ukulya bafwele ne nsalu shabulanda, ukutula kuba kankala ukufika na kubalanda ba muli bena. ⁶ Bwangu bwangu ilyashi lyafikile ku mfumu ya mu Ninife. Yalimine ukufuma pa cipuna ca bufumu, nokufula insalu ya iko, no kufwala insalu shabulanda, kabili ya ikele na mumitoi. ⁷ Yatumine mbila ukuti, "Mu Ninife, mukaka ya mfumu naba cilolo ba iko: Mwileka umuntu nangu inama, ingombe nangu impanga ukusonda icili conse. Belya nangu ukunwa amenshi. ⁸ Lelo abantu bonse ne nama bafwele insalu shabulanda no kubilikisha ne shiwi ilikalamba kuli Lesa. Kabili cila muntu atalwike ku nshila sha bubi naku lufyengo ulo akwata. ⁹ Nani eshibe? limbi Lesa kuti alanguluka nokupilibula amatontonkanyo nokubwela ku icipyu ca cifukushi pakuti tatulobele" ¹⁰ Lesa alimwene ifyo bacitile, ukuti balifumine ku misango yabo iya bubifi. Eco Lesa epakubwesha itontonkanyo pa lwa kuba kanda uko aebele ukucita kuli bena kabili tacitile.