¹ Icebo caishile kuli Yeremia ukufuma kuli Yawe, aciti, ² "Ima nokuya ku nganda yakwa kabumba, pantu ine nkakulenga ukumfwa iceebo candi kulya." ³ Eico ine naile ku nganda yakwa kabumba kabili moneni! Kabumba alebomba pamupeto wakwa kabumba. ⁴ Leelo inongo intu alebumba kwi bumba yalyonaike mu minwe yakwa kabumba, eico alibweseshe ibumba nokubumbamo inongo imbi, kabili alibumbile inongo icipe icamoneke bwino mu menso yankwe. ⁵ Elyo iceebo ca kwa Yawe caishile kuli ine, aciti, ⁶ "Bushe ine teti ncite ifi fine nga kabumba naimwe, mwe nganda yakwa Israeli? -uku ekusosa kwakwa Yawe. Moneni! pamo nge bumba mu minwe yakwa kabumba -ifi efyo mwaba mu minwe yandi, mwe nganda yakwa Israeli. ⁷ Panshita imo, ine kuti nabilisha fimo pa luko nangu ubufumu, ukuti nkatamfya, nkalulepula nangu ukulonaula. ⁸ Leelo nga uluko luntu ine nacitako ukubilisha lwafuma ku bubi, leelo ine nkalesha ubusanso ubo ine nafwaile ukuleta pali lwena. ⁹ Inshita imbi, ine kuti nabilisha fimo paluko nangu ubufumu, ukuti nkalumukuula nangu ukululimba. ¹⁰ Leelo nga lwacita ifibi mu menso yandi pakukana umfwa kwi shiwi lyandi, elyo ine nkapilibula amatontonkanyo pa cisuma ico natile ine nkacita kuli bena. ¹¹ Eico nomba, sosa ku bantu bamu Yuda na bekashi bamu Yelusalemu kabili landa, " Yawe asosa ifi: Moneni, Ine ndi mupepi ndi mupepi nokuleta ubusanso kuli imwe. Ine ndi mupepi nokumipekanishisha ifya kumicitila imwe. Lapileni umuntu onse kunshila yakwe iyabipa, eico inshila shobe ne micitile yobe ikaleta ubusuma kuli iwe.' ¹² Leelo bakatila, 'Ifi tafikwete incito. Tuli no kucita ukulingana nama pange yesu. Uuli onse mukati kesu ali nokucita ifyo umutima wakwe uwabipa, nabucintomfwa ulefwaya.' ¹³ Eico Yawe asosa ifi, 'Ipusha inko, ninani uwatala omfwako icintu ica musango yu? Nacisungu Israeli nacita icintu icabishapo. ¹⁴ Bushe imfula mu Lebanoni ilafilwa ukukonkolokela mumbali ya tupili twamabwe? Bushe imilonga ya tupila iilefuma ukutali yalibala aikamya imilonga iya talala? ¹⁵ Eico abantu bandi nabandaba ine. Nabapela amalambo kutulubi utwabula imilimo kabili nabalengwa ukuipununa mu nshila shabo; nabasula inshila shakale nokwenda mu tu shila utwacepesha. ¹⁶ Icaalo cabo cikasanguka icaonaika, icintu icakulenga ukuitonsha ukwa muyaya. Umuntu onse uwa pita mupepi na ena ali nokupapa nokupukunya umutwe wakwe. ¹⁷ Ine nkabasalanganya kuntanshi yaba lwani babo nga kankungwala waku kabanga. Ine nkabalanga inuma yandi, pa bushiku bwabo ubwabusanso.'" ¹⁸ Eico abantu batile, "Isa, lekeni tumupangile amapange Yeremia, pantu amafunde tayatobe kuli ba shimapepo, nangu ukupandwa amano ukufuma kuba mano, nangu ifyebo ukufuma kuli bakasesema. Iseni, katumusanse ku fyebo fyesu nokukana posa amano kuli fyonse ifyo asabankanya." ¹⁹ Poseni amano kuli ine, Yawe, kabili kutikeni kwishiwi lya balwani bandi. ²⁰ Bushe ubusanso ukufuma kuli bena icine cine bukabe ecilambu candi pakuba umusuma kuli bena? Pantu naba nyimbila icilindi ine. Ibukisha ilyo ine naiminine kuntanshi yenu nokubasoselako icisuma, kukulenga icipyu cenu ukufuma kuli bena ²¹ Eico peleni abana babo ku cipowe, nokubapela ku minwe ya abo ababomfya ulupanga. Eico lekeni abakashi babo bafwilwe nokuba bamukafwilwa, na baume babo bepaiwe ku lupanga mubulwi. ²² Lekeni umusowa wakupelelwa umfwike ukufuma mumayanda yabo, ilyo mukupumikisha mukaleta ifita kuli bena. Pantu balimba icilindi umwakwikatila ine kabili balifisa ifiteyo ifya makasa yandi. ²³ Leelo imwe, Yawe mwalishiba amapange yonse aya kuli ine aya kwipaya ine. mwi elela mpulumushi shabo. mwipasa imembu shabo mukufuma ku cinso cenu. Lekeni basukulwe ku cinso cenu. Babombelenipo munshita yabukali bwenu.