¹ ''Nomba kabili aya emafunde ayo ufwile ukubeba: ² 'Nga shita umu Hebele ku kuba umusha, alifye no kubomba imyaka mutanda, no mwaka wa lenga cine lubali akaye umuntungwa ukwabula ukuupela nangu cimo. ³ Nga ailetele umwine eka, no kufuma akaifumine umwine eka; Nga alikwata umukashi, Elyo no mukashi afwile afumina pamo no mulume wakwe. ⁴ Nga cakuti shikulu wakwe amupeele umwanakashi ukuba umukashi wakwe na o amufyalila abana abaume na bana abanakashi, umukashi wakwe nabana ba mukashi wakwe bakaba bakwa shikulu wakwe, na o akafuma fye eka. ⁵ Lelo umusha nga atile, ''Nalitemwa shikulu wandi, no mukashi wandi, na bana bandi; Nshilefwaya ukufuma no kuba umuntungwa,'' ⁶ Elyo shikulu wakwe akamupalamike uyo muntu kuli Lesa. kabili shikuliu wakwe akamupalamike na u ciibi nangu ku luceshi lwa pa mwinshi, na shikulu wa kwe aka mutule ukutwi ku ca kutulilako. Elyo nao akaba umusha wakwe umuyayaya. ⁷ Kabili umuntu nga ashitisha umwana wakwe umwanakashi ku kuba umusha, ta kafume ngafilya abasha baume bafuma. ⁸ Nga cakuti tasekesha shikulu wakwe, ica kuti ta mu citile ukuba kanakashi wakwe, lelo amulenga ukulubulwa. Tali na nsambu ya ku muhitisha ku bena fyalo. Takwete isho nsambu pantu ali mufyengele. ⁹ Lelo nga cakuti shikulu wakwe amupeele ku mwna wakwe umwaume kukuba umukashi wakwe, akacita kuli ena nga filya ba cita ku bana banakashi bakwe. ¹⁰ Nomba nga aupilapo na umbi, ifya kulya fya kwa kanakashi, ifya ku fwala fyakwe, ne cifwile ukupelwa ku ena mu cupo ta fyakacefiwe. ¹¹ Nga cakuti afilwa ucita ifi fintu kuli kanakashi, elyo kanakashi kuti afuma apofye ukwabula ukulipilapo ulupiya. ¹² Uyo onse uwauma umuntu ica kuti afwa, uyo muntu afwile ukwipaiwa. ¹³ Nga ca kuti uyo muntu tacibelamina umunankwe lelo cacitika fye mukupumikisha, elyo nkamufwaila icifulo uko enga butukila. ¹⁴ Inga cakuti umuntu asansa umunakwe no ku mwipaya ukulingana na maange ya cucenjeshi, elyo mubuleni uyo, nangula ali ku cibumbili ca kwa Lesa,no kwipaiwa ¹⁵ Uwauma wishi nangu nyina afwile aipaiwa. ¹⁶ Kabili uyo uwaiba umuntu-nangu mupupu na mushitisha, elyo uyo muntu asnaga mu minwe-elyo uyo mupuupu akepaiwe. ¹⁷ Kabili uyo uwa tipa wishi nangu nyina afwie fye ukwipaiwa. ¹⁸ Abantu nga balelwa elyo umo alasa umunankwe ilibwe nangu icimfunshi, elyo uyo muntu tafwile, alaala pa busanshi bwakwe; ¹⁹ Kabili ngaima no kwenda ku nkonto yakwe uyo muntu amumine ali no kumulipila pa ku monnawila inshita; elyo ali no kulipila pa mutende wakwe. Lelo ulya muntu ta kapelwe mulandu wa kwipaya. ²⁰ Kabili nga cakuti umuntu auma umusha wakwe umwaume nelyo umusha wakwe umwanakashi ku nkonto yakwe, nga musha afwe pa mulandu wa ku mwa, uyo muntu akalandulwe. ²¹ Lelo nga cakuti umusha aikala ubushiku bumo nga inshiku shibili, tali no kulundulwa, lelo akacula pa mulandu wa lofya umusha. ²² Kabili nga cakuti abaume babili ba lelwa ba punka umwna kashi we fumo no mwana wa kwe afuma, elo nga tapali na pambi apa cenekwe kuli ena, elyo uwa mulandu akali pilishewe ukulingana nefyo umulume wa mwankashi aka mu pingula, kabili ico ba mu pngula akacipele ukulingana no bupingushi. ²³ Lelo inga kwba icilaso iciibi, lyena muka mupeela umweo pa mweo, ²⁴ ilinso pa ilinso, ilino pa ilino, ukubako pa kuboko, ulukas pa lukasa, ²⁵ Ukucewa pa kocewa, icilaso pa cilaso, impumo pa mpumo. ²⁶ Kabili umuntu nga auma pa linso lya musha wakwe umwaume nelyo musha wakwe umwanakashi no ku lyonaula, akamuleke aye umuntungwa uyo musha pamulandu we linso lya kwe. ²⁷ Kabili ngo muntu akuula ilino lya musha wakwe umwaume nelyo umwanakashi, aka muleke aye umuntungwa pa mulandu we lino lya kwe. ²⁸ Kabili nge ng'ombe ya cena umuntu ku masengo yaiko afwa, iyo ng'ombe ikapoolwe amabwe, no mubili waiko wi kaliwa; no mwine wa ng'ombe ta kapelwe mulandu. ²⁹ Lelo iyo Ng'ombe nga cakuti na kale yalecena abantu lyonse, no mwine wa iyo ng'ombe ali sokelwe lelo afilile ukuisunga, kabili ya ipaya umwaume nangu umwankashi, iyo ng'ombe ikapoolwe amabwe, no mwine akapaiwe. ³⁰ Kabili nga apingulwa icifuta mulandu wa pa mweo wakwe, elyo akalipila umutengo wa kulubula umweo wakwe ukulingana ne co ba mupingwile. ³¹ Nga ca kuti ing'ombe ya cena umwana mwaume nangu umwnakashi wa muntu, umwine wa ng'ombe aka cite ukulingana nefyo alingile uku cita. ³² Nge ng'ombe ya cena umusha umwaume nelyo umusha umwanakashi, umwine wa ng'ombe aka liple ulupiya amakumi yatatu, kabili iyo ng'ombe ikapoolwe amabwe. ³³ Kabili ngo muntu afimbula pa cilindi, nangu aimba icilindi ta fimbapo, elyo ing'ombe napamo impunda ya wilamo, ³⁴ umwine wa cilindi akafuta pa bonaushi. indalama shaiko akatwale ku mwine wa nama, lelo inama iifwile ikaba yakwe. ³⁵ Kabili nga cakuti ing'ombe ya muntu ya punka ing'ombe ya muntu umbi na ya yafwa, elyo ba kashitishe ing'ombe ya mweo no kwabana ulupiya, kabili ba fwile ukwabana ing'ombe yafwa. ³⁶ Lelo nga caishibikwe ukuti iyo ng'ombe yale cena abantu lyonse, kabii umwine taleisunga bwino, ukufuta akafuta ing'ombe pa ng'ombe, lelo iyafwa ikaba ya kwe.