¹ Elyo Mose pamo na bantu bamu Isireri baimbiile Yawe ulu lwimbo. Baimbile ngefi, ''Nakulaimbila Yawe, pantu nacimfya mu lulumbi; kabalwe no umwensha nabebishiwa muli cibeemba. ² Yawe e maka yandi no lwimbo lwandi, kabili nasanguka ipusukilo lyandi. Uyu e Lesa wandi, eo no kulalumbanya, Lesa wakwa Taata, eo nakulashinshimuna. ³ Yawe cita cabulwi; Yawe eshina lyakwe. ⁵ Napoosa amaceleta yakwe Farao ne fita fyakwe muli cibeemba Ifita fyasalwa ifyakwa Farao nafinwina muli cibeemba wa kashika. ⁴ Nabebishiwa na mateenga; Bebishiwa panshi ya mateenga nge libwe. ⁶ Ukuboo koobe ukwakulyo, Yawe, kwa maka aya lulumbi; ukuboko koobe ukwakulyo, Yawe, nakushonaula abalwani. ⁷ Nine bucindami emo ucimfisha bonse abakwimina. Watuma icipya coobe icikali no kuboca kwati ni mpimbili. ⁸ Ku mupeemo wa myona yoobe ameshi yatutubala; ameshi ayacilapita yaiminina umumbili-mbili umupili; Amenshi ya panshi ye teenga lya cibeemba yauma ndi. ⁹ Umulwani epakutiila, 'Kambasupile, nalayabatangilila, ndeyakanya ne fitapo; pa kuti amapange yandi yekute; ndeyasomona no lupaanga lwandi, no kuboko kwandi kuleyabo-naula. ¹⁰ Leelo wabapuupa umwela obe, na cibeemba cabakupa bonse; baibila ngo mutofwe mu nkubo ya menshi. ¹¹ Naine uwaba nga iwe, Yawe, pali tu lesa tuumbi? Naani uwaba nga iwe, mu bucindami bwa mushilo, mu kucindikwa mu mulandu, na mukucita ifipapwa? Watambaliike ukuboko koobe ukwakulyo, no mushili wabacibula. ¹² Watambaliike ukuboko koobe ukwakulyo, no mushili wabacibula. ¹³ Mu cipangano ca bufumu boobe walitungulwile, abantu abo walubwile. ku maka yobe wabatungulwile ku ncende iya mushilo uko wikala. ¹⁴ Abantu bali kuumfwa, bali no kututuma; abekashi bamu Filisiti bakekatwa no mwenso. ¹⁵ Imfumu sha Bena-Edomu shikatiina; ifita fya Bena-Moabu fikalakankafye; na bekashi bonse abamu kenani bakasungulika. ¹⁶ Umwenso no kutiina ukukalamba fikapona pali beena. Pa mulandu wa maka ya kuboko koobe bakaluukafye tondolo nge libwe mpaka abantu boobe bakapite, Yawe-mpaka abantu boobe walubwile bakapite. ¹⁷ Ukabaleeta no kubalimbapo pa muulu wa lupili ulwabo bwikashi boobe, pa ncende, we Yawe, iyo wacita ukuba icifulo coobe, pa cifulo ca mushilo, mwe shikulu, ico iminwe yoobe yakulile. ¹⁸ Yawe eukalateeka umuyayaya pe na pe.'' ¹⁹ Kuli bakabalwe bakwe Farao baibiile pamo na maceleta na baume ba pali bakabalwe muli cibeemba. Yawe abweseshe amenshi ya muli cibeemba pali beena. Leelo abena-Isureri baendele pa mushi uwauma pa kati ka cibeemba. ²⁰ Miriam kasesema mwanakashi, nkashi yakwa Aroni, abulile insombo, na banakashi bonse bafumine ne nsombo balalisha no kuciinda pamo nankwe. ²¹ Miriamu asamwine no lwimbo bonse ati, ''Imbileni Yawe, pantu naciimfya mu lulumbi. kabalwe no umwensha nabebishiwa muli cibeemba.'' ²² Elyo Mose atungulwile Abena-Isureri ukufuma kuli ci Bemba wakashika. Baile no kwingila kwingila mu matololo ya shuri. Baendele inshiku shitatu mu matololo ukwabulo kusanga ameshi. ²³ Elyo bafikile ku Mara, leelo tabanwineko ameshi kulya pantu yaali ayalula. Na pali ci bainike ilya ncende ati Mara. ²⁴ Kanshi abantu bailishenye kuli Mose batiile, ''Bushe nomba tulenwa nshi?'' ²⁵ Elyo Mose aliliile kuli Yawe, na Yawe amulangile icimut. Mose aciposele mu menshi, na menshi yayalwike aya mulyo mu kuyanwa. Ni palya Yawe abapeele icipoope na mafuunde, kabili ni palya epa abeseshe. ²⁶ Abebele ati, ''Nga cakuti mwaumfwisha bwino amashiwi yandi ne Yawe ne Lesa wenu, no kucita icalungama pa cinso cakwe, no kupepeka amatwi ku fipope no kubeela amafunde yakwe yonse-ninshi Nshakaponye ubulwele nangu bumo nga filya naponsele pa Bena-Egyipiti, pantu nine Yawe uumyundapa. ²⁷ Elyo abantu baile ku Elimu, ukwali utumfuku-mfuku twa menshi ikumi na tubili no tuciindu amakumi cine-lubali. Bapangile nkambi kulya mupepi na menshi.