Maskili wakwa Asafi. ¹ Lesa nindo mwatukanina umuyayaya? Nindo ubukali bwenu bwabela pa mukuni wa mulemfwe wenu? ² Ibukisheni abantu benu, abo mwashitile mu nshita sha kale, umukowa uyo mwapuswishe mwebene ku kuba icikwata cenu, no lupili lwa Sione, umo umwikala. ³ Bweleni monine ifitantala fya onaikilila, ubonaushi bonse ubo umulwani eshile kucita mu ncenfde ya mushilo. ⁴ Ba kalwisha wenu babulwime pakati ka ncende yenu iyasalwa; nokwimika imendela lyabo ilya bulwi. ⁵ Balikomawile ku masembe nga mumutengo wakutikam. ⁶ Baonaula no tobaula ifyalembwapo fyonse batobawile. ku masembe naku nondo. ⁷ Balisontekele umulilo umwakwikala mobe; balipontele napo wikala, nokupawisisha panshi. ⁸ Balilandile mu mutima yabo, ''Tukabalofya bonse. ''Balalyocele incende shenu ishakulonganinamo shonse mu calo. ⁹ Tatukomonapo filangililo nafimbi; takuli kasesema umbi awe, tapali na muli fwebo uwakwishiba ulwa ku kokola kwa ifi. ¹⁰ Ukufika lilali. Lesa, umulwani akalakusalula mwebo? Bushe umulwani akalakupontela ishina lyenu umuyayaya? ¹¹ Nindo mukobwesesha ukuboko kwenu, ukuboko kwenu ukwa lulyo? fumyeni ukuboko kwenu ukwa kulyo mu nsalu no ku bonaula. ¹² Lelo Lesa ni mfumu yandi ukufuma mu nshita sha kale, ukuleta ipusukilo pe sonde. ¹³ Mwalilekenye bemba ku maka yenu; mwafungawile imitwe yaba shimwe shimwe ba mu menshi. ¹⁴ Mwalishonawile imitwe ya ngwena; nokuilisha abo bekala mumatololo. ¹⁵ Mwalishinkwile utumfuku mfuku ne milonga; Mwalikamishe ne mimana. ¹⁶ Akasuba kenu nobushiku nabobwine bwenu; nomwebo mwabika akasuba no mwenshi mu ncende. ¹⁷ Nimwebo mwalingile imipaka yonse iya pe sonde nimwebo mwalengele ulusuba no mupepo. ¹⁸ Ibukisheni ifyo umulwani asalwile mwebo, Yawe, kabili nabantu abapumbu balipontele ishina lyenu. ¹⁹ Mwipela umwe wa lukunda lwenu ku nama sha mpanga. Mwilakulaba umweo wa ba titikishiwa benu umuyayaya. ²⁰ Ulekwibukisha icipangano lobe, pantu mu ncende sha mfimfi sha calo mwaisula ulukakala. ²¹ Mwilakuleka abatitikishiwa ukubwelelamo ne nsoni lekeni abanina nabatitikishiwa balumbanye ishina lyenu. ²² Imeni, lesa; cingilileni ubuindami bwenu; ibukisheni ifyo abawelewele basalula mwebo akasuba konse. ²³ Mwilakulaba ishiwi lyaba kalwisha wenu nangula ukululuma kwaba kana ukubeela mwebo.