¹ Amalumbo ayakwa Asafi. Mucine Lesa wabune kuli Isreali, kuli abo ababuta umutima. ² Lelo kuli nebo amakasa yandi yali mupepi noku shelela; amakasa yandi yali mupepi noku shelela ukufuma panshi yandi. ³ Pantu nali kumbilwe aba filumba ulo na mwene ubuyantanshi bwa babifi. ⁴ Pantu baba abakubula ubukali mpaka imfwa, lelo balikosa noku lishiwa bwino. ⁵ Bali ba abakaele ku fisendo fya baume bambi; tabali aba ku konswa nga abaume bambi. ⁶ Icilumba cali bapita ngo munyololo uku shinguluka umukoshi wabo ulukala lwali bafimba, ⁷ Ukufuma fyo muli ifya bumpofu mufuma ulubembu amatontokanyo aya bubifi yalapita mu mutima shabo. ⁸ Balapumya noku sosa ifya bubifi mu cilumba cabo emo batininya ukunyantilila. ⁹ Balateya utunwa twabo uku pankana ne myulu ne ndimi shabo shila twantwanya ukupitanko mu calo. ¹⁰ Eico abantu bakwe balapilibukila kuli bena na menshi ayengi yala fumishiwamo. ¹¹ Balanda, ''Bushe Lesa eshiba shani? Bushe kwali amano ukufuma ku waku pulamo?'' ¹² Ishibeni ici aba abantu ni mbifi ba liba lyonse aba shisakama, ukusanguka abakankala. ¹³ Mucine ili icafye ico nda linda umutima wandi noku samba amaboko yandi muli bu kaele. ¹⁴ Pantu kalasuba konse ndi uwa konswa noku kanshiwa cila lucelo. ¹⁵ Umfwa nali landile, ''Ndelanda ifi fintu awe nga nalya lukile iyi nkulo yabana bobe. ¹⁶ Nangu nalyeseshe ukwishiba ifi fintu, cali nkosele nebo. ¹⁷ Elyo naile mu cubo cakwa Lesa e;lyo naishibe mpela yafiko. ¹⁸ Mucine mwafibika mu ncende isha kutelela; mwafi ponesha panshi ku konaika. ¹⁹ Ifyo fya sanguka e matololo muli bu panono! fyaisaku mpela noku pwila mu bunkalwe ubwakubipa. ²⁰ Fyakuba nge ciloto panuma ulo abuka shikulu ulo mwaima kulaku tontonkanya nga nangula cimo palwa ifyo filoto ²¹ Pantu umutima wandi wali cushiwe, elyo nali cenenwe ukufikapo. ²² Nali uwu shaishiba noku bulisha amano Nali nge nama iya kubula amano kuli mwebo. ²³ Lelo ndi na mwebo lyonse, mwikata ukuboko kwa kulyo kwandi. ²⁴ Muka laku ntungulula nabu mpandamano bwenu elyo panuma muka mpokelela ku bulungame. ²⁵ Ninani uo nakwata mu mulu ngamwebo? Takuli uwakuba mga webo pacalo uo nkabila kano webo. ²⁶ umubili wandi no mutima wandi fyaba ifyanaka lelo Lesa a bukose bwandi ubwamutima wandi pe. ²⁷ abo aba ba apatali uku fumu kuli webo baka lofiwa uko naula bonse abo aba shatetekela kuli webo. ²⁸ Lelo kuli nebo, ifyo ndi nokucita ku ku manya Lesa. nali panga shikulu Yawe ica kufisamano candi, Ndi noku shimbulula ificitwa fyonsw ifyobe.