¹ Ku ngomba nkalamba. Ulwimbo, ne lumbo. Cita icongo ca nsansa kuli Lesa, icalo conse. ² Imbeni ubukata bweshina lyakwe; mulenge ukulumbanya kwakwe ubukata. ³ Ebeni Lesa, ''Ifyo imicitile yobe yaba iya kutinya! Kubukulu bwa maka yobe abalwani bobe balekunakila webo. ⁴ Icalo conse cikalekushinshimuna webo nokwimba kuli webo; bakalekwimbila kwi shina lyobe.'' ⁵ Iseni mumone imilimo ya kwa Lesa, ena wakutinya mumicitile yakwe ku kulola ku bana ba bantunse. ⁶ Ena alyalwile bemba ku kuba umushilinshi; balipitile munika pamakasa; palya twalisansamwike muli ena. ⁷ Ena atungulula umuyayaya ku maka yakwe; amenso yakwe yabebeta inko; mwileka abasangushi baisumbule abene. ⁸ Peleni amapalo kuli Lesa, mwebantu, lekeni iciunda ca malumbo yakwe cumfwike. ⁹ Ena alatusunga fwebo mukati kaba mweo, kabili tasuminisha amakasa yesu ukutelemuka. ¹⁰ Ico mwebo, Lesa, mwalitwesha fwebo, 'mwebo mwalitwesha fwebo kuba ati ni silfere filya yeshiwa. ¹¹ Mwebo mwalituletele fwebo mwisumbu; mwebo mwalibikile icisendo cakufina panuma yesu. ¹² Mwebo mwalilengele abantu ukwenda panuma yesu; fwebo twalipitile mu mulilo kabili na menshi, lelo mwebo mwalitufumishe fwebo ukutuleta mucifulo icakupauka. ¹³ Nebo nkoisa mu nganda yenu nomutulo wa ca koca, nebo nalekukupela amalayo yandi. ¹⁴ Ayo imilomo shandi shalaile kabili nakanwa kandi kalandile ulo nebo nali mukutitikishiwa. ¹⁵ Nkotula kuli webo imitulo ya ca koca isha nama shakwina nefungo ilisuma ilya ba pumbwe, nalekutula ingombe ne mbushi. ¹⁶ Iseni nokukutika, mwebo bonse mwebatina Lesa, kabili nkomweba ifyo acita ku mweo wandi. ¹⁷ Nebo nalilile kuli ena nakanwakandi, kabili ena alilumbaniwe nolulimi lwandi. ¹⁸ Umfwa nebo nalibembwike mukati ka mutima wandi, Shikulu ngatskutike kuli nebo. ¹⁹ Lelo Lesa icine fye alyumfwile, ena alipele ukwangwa kwi shiwi iye pepo lyandi. ²⁰ Apalwe Lesa, uushalwike ukufuma kwi pepo lyandi nangu kucipangano cakwe icabucishinka ukufuma kuli nebo.