Ku ngomba nkalamba. Ilumbo. ulwimbo lwa kwa Davidi. ¹ Kuli mwebo Lesa wamu Siyoni amalumbo yesu yalalolela; ifilayo fyesu fyalekucitwa kuli mwebo. ² Mwebo mebomfwa amapepo imibili yones ikesa kuli mwebo. ³ Amampilu ya anshya fwebo, lelo palwa mpulu mushi shesu webo ukashelela shena. ⁴ Alipalwa umuntu uyo webo usala nokuleta mupepi nobe ukwebati ena alekwikala mu mansa shobe. fwebo twalekwikushiwa no bune bwa nganda yonse. itempele lyobe ilyamushilo. ⁵ Mubulungami bobe webo walekutwasuka kukucita ifintu fya kupapa, Lesa we pusukilo lyesu; webo weiwaba isubilo lya mpela shonse isha calo kabili nabo ababa ukutali shonse isha calo kabili nabo ababa ukutali kwishilya lya bemba. ⁶ Ico niwebo walengele mpili ukushikatala, webo wewakakwa nelamba lya maka. ⁷ Niwebo weutalalika ukupupana kwa ba bemba. ukupupana kwa mabimbi yabo, kabili necipekeni ca bantu. ⁸ Abo bekala mufifulo fya mpelaa ya calo baba nomwenso pafishinka fya mucitile yobe, ulenga akabanga ne mbonshi ukusekelela. ⁹ Webo ulesa mukwafwa icalo ulacitapila; webo ulacinonsha apakalamba cena, inika ya kwa Lesa iliiswile na menshi, ulapela umuntunse ifisabo ulo wapekanya icalo. ¹⁰ Webo utapila imikolwa apakalamba, ubika imikolwa ya myolwa, webo ulafilenga ukunaka ku mufumbi wa mfula, webo upala ukumena kwa pakati ka fiko. ¹¹ Ufwika umwaka nobusuma bobe, kabili iceleta lya mopita mufumfumuka no kufulisha. ¹² Nomulemfwe wamumatololo utona nomume, kabili ne milundu shafwikwa ne congwe. ¹³ Nemilemfwe yafwikwa ne mikuni, nemikonko nayo yafimbwa nefisabo; fyena fipunda ne congwe kabili filemba.