Ilumbo lyakwa Dabidi ulo ali mu matololo Yakwa Yuda. ¹ Lesa nimwe Lesa wandi; Nimwe nkofwaisha umutima wandi ulikwete icilaka cakuli mwebo, no mubili wandi uko mifulika, mu panga Yokuma nokuma nokunaka umo umutaba na menshi. ² Eico naliloshe kuli mwebo umwashila, ukumona amaka yenu nobukala bwenu. ³ Pantu icipangano ca cinshinka cenu cawamapo ukulila umweo, imilomo yandi ika milumbanya. ⁴ Eco nkompala ulo ncili nomweo; nkasumbula amaboko yandi mwishina iyenu. ⁵ Cikaba kubati nalilite ifyakulya ifya mutotona mafuta ne nsansa ku milomo yandi akanwa kandi kaka milumbanya. ⁶ Ulo ntontonkanya pali mwebo pamusengele wandi, nokwetetula pali mwebo inshita shabushiku. ⁷ Pantu mwaliba abakungafwa, kabili mucimfute camapindo yenu emo nsansamukila. ⁸ Ndakambatila kuli mwebo; ukuboko kwenu ukwa kulyo kwantungilila. ⁹ Lelo abo bonse abafwaya ukonaula umweo wandi bakatentemukile ukwakushika sana panshi yacalo; ¹⁰ Bakapelwa kuli abo amaboko yabo yabomfya ulupanga, kabili bakaba filyo fyaku ba mumbwe. ¹¹ Lelo imfumu ikasekela muli Lesa uyo onse uulapa muli ena akamukwatila icilimba, lelo utunwa twa abo abalanda ubufi tukesalwa.