Ulwa ku ngomba nkalamba pali Yebutuni. ilumbo lyakwa Dabidi. ¹ Ndapembela Lesa ekafye mumutalalila; ipusukilo lyandi lifuma kuli ena. ² Ena eka fye eciliwe kabili ipusukilo lyandi elumpungu lwandi ulwakusansuka; nshakatelentete. ³ Bushe kufika kunshita ndo, mwebo mwense, mukasansa muntu, pakweba ati mu muselebule kwati cibumba cakutundama nangu ulupanga ulwa kusokona sokona? ⁴ Balamwipushiba fye ukweba ati bamuwishe ukumufumya pacifulo cakwe icabukankala. kutunwa ukulanda ifya bufi, balamupala kutunwa twabo, lelo mumitima yabo bala mukunga ifilayi ⁵ Ndapembela Lesa ekafye mumutalalila; isubilo lyandi lyaba muli ena. ⁶ Ekafye ena ecilibwe kabili ipusukilo lyandi; ulupungu lwandi ulwakusansuka ntaka teshiwe. ⁷ Kuli lesa ekwaba ipusukilo nobukata bwandi; icilibwe camaka yandi kabili ukuba kwabdi kwaba muli Lesa. ⁸ Mutetekeleni munshita shonse, mwebantu, pangololeni umutima wenu ku cinso cakwe; Lesa ecubo kuli fwebo. ⁹ Cinse abantu bucikulu bantu baba mupufye, nabantu ababa lwakubukankala baba bufi fye; bakalemba fye panono mucapiminamo; ukupima bonse pamo, bakwangaka ukucila imiyeye. ¹⁰ Mwicetekela mumutitikisha nangu mubungo, kabili mwisubila apafye mufyuma pantu tafyakatwale fisabo; mwibikapo umutima. ¹¹ Lesa alilandile umuku umo, umiku ibili nalyumfwapo ici, amaka yakwa Lesa. ¹² Kabili kuli mwebo; shikulu, kwaliba icipangano cacishika, pantu mulabwesesha kuli cila muntu pafyo acita,