Ku ng'omba nkalamba. ilumbo lyakwa Dabidi. ¹ Yawe mpususheniko kubabifi; sungilileni ukufuma ku baume balukakala. ² Bena bapanga ububi mumitima shabo; bena basongela ubulwi cilabushiku. ³ Indimi shabo shicena kubati ni nsoka; ubusunga bwe fwafwa bwaba pamilomo shabo. ⁴ Nsungeni ukufuma kumaboko yabalwani, mwe Yawe; mpususheniko kubaume balukakala abapanga ukuntenuna. ⁵ Abayumfwa balinteele iciliba; bena bali fungulwile isumbu; bena balinteele nefiteyo. ⁶ Nalilandile kuli imwe Yawe ukweba ati, '' muli Lesa wandi; umfweni ifyo nkolilila uluse,'' ⁷ Yawe, mwe shikulu wandi, mwebo mulibukose bwaku mpususha mucingilila umutwe wandi mubushiku bwa bulwi. ⁸ Yawe, mwipela ifyakukabila fya babifi; mwileka ifyo bapanga fifikilishiwe. ⁹ Abo bonse abanshinguluka benune imitwe yabo; lekeni amalumbo ya milomo shabo abene yabafimbe. ¹⁰ Lekeni amabwe yamulilo ayokopya yawile palibo; baposeni mumulilo, mucilindi cabula isamba, umwakutala buka nakabili. Lekeni abaume bandimi bepangwa ukwabula ubucingo pa calo; ¹¹ lekeni ububi buloloshe umuntu walukakala paku mwipaya. ¹² Nebo ndishibile ati Yawe akapingula mububile bwakwe paba titikishiwa, kabili ena akapela mulinganya kuba pina. ¹³ Mucinefye abantu abalungami bakatotela ishina lyenu; abantu abololoke bakekala muceni cenu.