Icipandwa 140
Ku ng'omba nkalamba. ilumbo lyakwa Dabidi.
1
Yawe mpususheniko kubabifi; sungilileni ukufuma ku baume balukakala.
2
Bena bapanga ububi mumitima shabo; bena basongela ubulwi cilabushiku.
3
Indimi shabo shicena kubati ni nsoka; ubusunga bwe fwafwa bwaba pamilomo shabo.
4
Nsungeni ukufuma kumaboko yabalwani, mwe Yawe; mpususheniko kubaume balukakala abapanga ukuntenuna.
5
Abayumfwa balinteele iciliba; bena bali fungulwile isumbu; bena balinteele nefiteyo.
6
Nalilandile kuli imwe Yawe ukweba ati, '' muli Lesa wandi; umfweni ifyo nkolilila uluse,''
7
Yawe, mwe shikulu wandi, mwebo mulibukose bwaku mpususha mucingilila umutwe wandi mubushiku bwa bulwi.
8
Yawe, mwipela ifyakukabila fya babifi; mwileka ifyo bapanga fifikilishiwe.
9
Abo bonse abanshinguluka benune imitwe yabo; lekeni amalumbo ya milomo shabo abene yabafimbe.
10
Lekeni amabwe yamulilo ayokopya yawile palibo; baposeni mumulilo, mucilindi cabula isamba, umwakutala buka nakabili. Lekeni abaume bandimi bepangwa ukwabula ubucingo pa calo;
11
lekeni ububi buloloshe umuntu walukakala paku mwipaya.
12
Nebo ndishibile ati Yawe akapingula mububile bwakwe paba titikishiwa, kabili ena akapela mulinganya kuba pina.
13
Mucinefye abantu abalungami bakatotela ishina lyenu; abantu abololoke bakekala muceni cenu.