¹ ku ngamba nkalamba ilumbo lyakwa Davidi. Yawe, mwebo mulinteseshe, kabiuli mulinjishibile. ² Mwebo muleshiba ulo naikalako panshi kabili nelo nebo naima; mwebo muleshiba amatontonkanyo yandi ukufuma apatali. ³ Mwebo mulalonda inshila yandi nokulala kwandi; inshita shandi shonse shaishibikwa namwebo. ⁴ Ico nelo tapalaba amashiwi palulimi lwandi, mwebo ninshi mulishibile umupwilapo. ⁵ kunuma yandi na kuntanshi yandi mulinshingulwika no kubika ukuboko kwenu pali nebo. ⁶ Ukwishiba kwa uyu musango kwampesha amano, kuli sansakishe, kabili nebo tekutimfikepo. ⁷ Nikwi ningaya ukufuma ku mupashi wenu? Nikwi ninga butukila ukufuma muceni cenu? ⁸ Umfwa nkanina ukuya mu myaulu, emo mwaba; nga nayanshika ubusanshi bwandi kumbo, moneni, mwebo eko mwaba. ⁹ Umfwa mpupukile pa mapindo ya lucelo nakuya kwikala mucende sha mukati kwishilya lya bemba, ¹⁰ Nakulya kwine ukuboko kwenu kukantungulula, ukuboko kwa kulyo kwenu kukanjikatilila. ¹¹ Umfwa nande ukwebati, ''mucinefye imfifi ikamfimba, nolubuto lekesa kuba ubushiku ukunshinguluka,'' ¹² Nangu ni mfifi tekuti ifite kuli mwebo. ubushiku bukabufisha nga akasuba, ico imfifi no lubuto fimo fime kuli mwebo. ¹³ Nimwe mwapanga ifyamukati kandi, nimwe mwampangile munda yabamayo. ¹⁴ Nkomilumbanya, ico nebo napangwa mumusango wakupapa. umweo wandi ulishibile ici bwino sana. ¹⁵ Amafupa yandi tayafiseme kuli mwebo ulo nebo napangilwe mubumfisolo, ulo nali kupikulwa panshi ya calo. ¹⁶ Mwalimbwene mukati munda; inshiku shonse isha sontelwe pali nebo shalilembelwe mucitabo cenu ulo nobwakubalilapo tabula citika. ¹⁷ Ifyo yawamisha amatontonkanyo yenu kuli nebo, Lesa! ifyo yaba ayafula mumpendwa yayako! ¹⁸ Umfwa nalyesesheko ukuyapenda, yena nga yalifulishe mumpendwa ukucila umucanga. ulo nabuka, nkotwalilila ukuba nenu. ¹⁹ Umfwa Mwipayekofye ababifi, mwelesa; fumweni kuli nebo abaume babukakala. ²⁰ Bena bali misangukile nokucita ifyakulufya; abalwani benu balanda ifyabufi. ²¹ Bushe nebo ntapata abo, Yawe, abapata mwebo? Bushe nebo ntasusha abo abemimina ukumilwisha? ²² Ndibapatile umupwilapo; Bena balishile kuba abalwani bandi. ²³ Nenguleni, mwe Lesa, no kwishiba umutima wandi; njesheni no kwishiba amatontonkanyo yandi. ²⁴ Moneni umfwa amuli inshila ya bubifi muli nebo, kabili muntungulule munshila yamuyayaya.