¹ Nindo, Yawe, mukoimininina apatali? Nindo mukoifishila mwebene munshita ya mafya? ² pamulandu wakupama kwabo, abantu ababifi bakopepeka abalanda; lelo nkopapata lekeni umubifi alekuba uwakwitatwa palwa mapange yabo ayo baelenganya. ³ Elo muntu umubifi aintutumuna kumapange yakwe aykushika mucakukabila; ali palile mutututlu no kulekutuka Yawe. ⁴ Umuntu umubifi aliba necinso icakeima; takabila Lesa. Tabala kutontonkanya pali Lesa pamulandu wakwebati tasakamana nolo panono pali ena. ⁵ Aliba uwa kucingililwa panshita shonse, lelo ifipope fyenu ifyakulungama fililepeshe kuli ena; alaputa paba balwani bakwe bonse. ⁶ Alalanda mukati ka mutima wakwe, "Nebo shakatale kufilwa; ukupita munkulo shonse nebo shaka kumanye balwani." ⁷ Akanwa kakwe kaisulwamo matipu elo na fya kufutika, namashiwi ayakukalifya; ululimi lwakwe lulacena no konaula. ⁸ Alalilela umwa kullalilila mupepi ne mishi; mucende shakama amo epaila ababula mulandu; amenso yakwe yalalolesha kuli bamo abakubula abakubafwa. ⁹ Alalalila umwakubelama nge nkalamo mwiteshi; alalalila mukupembela kukwita abalanda. Alekata abalanda ulo ukula mwisumbu lyakwe. ¹⁰ Abalwani bakwe balyonaulwa elo no ku pamwa panshi; bakoponena na mumasumbu yabo ayakukosa. ¹¹ Akolanda mumutima wakwe, "Lesa alilabileko; alifimbile icinco cakwe; takasakamane ukulolesha." ¹² Ema, Yawe! sumbula ukuboko kobe, Lese! wilekula abalanda. ¹³ Nindo umuntu umubifi akanina Lesa elo akoyeba mumutima wakwe ukukweba ati, "Nebo ntapendwe uwa mulandu"? Webo ulilukile, pantu lyonse ukomoona umo uyo ulenga ubucushi no bulanda. ¹⁴ Uwakupelelwa aipela umwine kuli webo; ulapususha abakubula bawishibo. ¹⁵ Funa ukuboko kwa mubifi no muntu mubi. Mulengeni alubulule pafya micitile ya bubifi bwakwe, iyo ena alikutontonkanya ukwabati tekuti mwishibe. ¹⁶ Yawe ni Mfumu umuyayaya no muyayaya; inko shilitamfiwe ukufuma mumpanga yakwe. ¹⁷ Yawe, mulyumfwile ifyakukabila fyaba kutitikishiwa; mulakutika kwi pepo lyabo; ¹⁸ Webo ulalwila abakubula ba wishibo kabili nabakutititkishiwa pakwebati takuli muntu pa calo uwukalenga icintinya nakabili.