¹ Ili efunde lya cakutulacakushininwa, cintu cashilisha. ² Balingile balekwipaya icakutula ca kushininwa mu ncende yakusipailamo, kabili balingile ukusansa umulopa waciko mu mbali shonse isha cipailo. ³ Amafuta yonse aya muli cena yalekutulwa; umucila waku nona, na wafuta yabapa fiputulwa fya mukati. ⁴ Mfyo shibili na mafuta ayali pali fyena, ayabela pa musana, na yautu yafimba ilibu, pamo ne mfyo, fyonse ifi fiputulwa filingile fyafumishiwa. ⁵ Shimapepo alingile aoce ifi fiputulwa pa cipailo nge cakutula ica citwa pamo no mulilo kuli Yawe. ici ecakutiilila ukushininwa. ⁶ Onse umwaume uwa muli bashimapepo kuti alyako iciputulwa ca uyu mutulo. cilingile caliwa mu ncende iya mushilo ppantu cintu cashilisha. ⁷ Ica bupe ica lubembu caba nge ca kushininwa. ifune limo line elibomfiwa kuli yonse yabili. Yaba kuli bashimapepo abakocita ica kukonsolwela pamo na fyena. ⁸ Shimapepo uutulila umuntu ifyabupe ifyakocewa kuti akwata umwine icakufimba ca uyo mutulo. ⁹ Icakutula conse ica bunga ica salulwa mwi buku, na conse cabupe icaifi icaipikilwe mu cisalusilo nangula icakocelapo cikaba cakwa shimapepo untu acitulile, ¹⁰ Conse icakusakanamo na mafuta, cimo cine cikaba ca bana bonse abakwa Aroni. ¹¹ Ili efunde lya malambo ya mitulo ya mutende fintu abantu tbakula tula kuli Yawe, ¹² Nga uuli onse akocitula pa mulandu wa kupela ukutotela, elo alingile ukutula pamo ne lambo lya mbuku nga matobo ifyapangilwe umwabula icitutumushi, lelo icasakanamo pamo na mafuta, mbukunya matobo iyapangilwe umakubula icitutumushi, lelo aya sanswako amafuta, ne mbukunya matobo iyapangilwa no bunga ubwapeleka ubwasakanamo amafuta. ¹³ Nakabili pa mulandu wa kupela ukutotela, alingile ukutula pamo umutulo wafya mutende fyakwe mbukunya matobo ya mukate iyapangilwe ne citutumushi. ¹⁴ Ali no kutula cimo mufya ya malambo pamo nga umusangulo ukopelwa kuli Yawe, cili no kuba icakwa shimapepo ukosansa umulopa wa fya mutulo wa mutende pa cipailo. ¹⁵ Umuntu uukotwala umutulo wa mutende pa mulandu wakupela ukutolela alingile ukulya umunofu wa cakutula cakwe pa bushiku bwe lambo. talingile ukushapo icili conse ukufika akacelo. ¹⁶ Lelo nge lambo lya kutula fyakwe fya pa mulandu wa mulopa, nangula pa mulandu wa mutulo wa kuitemenwa, umunofu ulingile ukuliwa pa bushiku akopelelapo ilambo lyakwe, lelo conse icikoshalapo ica ici kuti caliwa pa bushiku bwajukokapo. ¹⁷ Nga umunofu onse uwe lambo uwashalapo ukufika pa bushiku bwa butatu cilingile caocewa. ¹⁸ Nga umunofu uuli onse uwe lambo lya cakutula ca mutende cakwe, cikoliwa pa bushiku bwa butatu, tekuti cisuminishiwe, nangula kulingilwa kuli uyo uwacitulile. Cili nokuba icintu icinangwa no muntu uwacilya akasenda ukushinwa kwa lubembu lwakwe. ¹⁹ Umunofu onse uwakumya icintu icakukowela taulingile ukuliwa cilingile ukucoca. Lelo ku munofu uwashala, onse uwa sanguluka kuti aulya. ²⁰ Nga fili fi, umuntu onse uwakukowela uwakulya umunofu ukufuma kwi lambo lya fya kulula fya mutende ilya kwa Yawe, uyo muntu alingile aputulwa uku fuma mu bantu bakwe. ²¹ Uuli onse uwakukunya conse cintu icakukowela nangufye kukowela kwa muntu nangula ukukowe kwa nama nangula ukukowe kumo,icintu ca camakankamike, kabili nga ena akilyako iminofu imbi iye lambo miyulo ya mutende ifya kwa Yawe, ulya muntu alingile apautnde ukufuma mu bantu ba kwe.'' ²² Elo Yawe alandile kuli Mose abele, ²³ landa ku bantu bakwe isreali no kutila, ''Tamulingile ukulalya amafuta ya ngombe, mbushi, nangula sawe. ²⁴ Amafuta ya nama iyafwile ukubula ukuba ilambo, nangula mafuta ya nama iyakutakanishi wa ku nama shimapepo, kuti fyabomfiwa ku mifwaile imbi, Lelo mwebo tamulingile ukucilya. ²⁵ Uyo onse uwakulya amafuta ya nama intu abantu bengatula nge lambo ica mulilo kuli Yawe uyo muntu alingile aputulwako ukufuma ku bantu bakwe. ²⁶ Tamulingile ukulekulya umulopa nangula cibe shani mu mayanda yenu yonse, nangula cintu cakufuma mu fyumi nangu ni nama, ²⁷ Onse uwakulya umulopa uuli onse, uyo muntu alingile aputulwa ukufuma mu bantu bakwe."'' ²⁸ Kanshi Yawe alilandile kuli Mose no kutila, ²⁹ ''landa ku bantu bakwa israeli no kutila, 'lyo untu akotula ilambo lya cakutula ca mutende kuli Yawe alingile kuletapo icipande ce lambo lyakwe kuli Yawe. ³⁰ Umutulo wakwa Yawe kuba ica mulilo, amaboko yakwe yaligile yacileta. Alifuba kuti calangishiwa nga mutulo wa kulangisha kuli Yawe. ³¹ Shimapepo alingile ukulakoca amafuta pa cipailo, lelo icifuba cilekuba cakwa Aroni na bana bakwe. ³² Ulingile ulekupela ifintu ifyakulungama kuli shimapepo nga cakutula icapelwa ukufuma mu malambo ya fyakutula fya mutende. ³³ Shimapepo, umo uwa mubana bakwa Aroni, untu ukotula umulopa wa fyakutula fya mutende na mafuta, ali no kukwata umwendo wa ku kulyo nge cakaniko cakwe ca mutulo. ³⁴ Pantu alipitile ukufuma ku bantu bakwa Israeli, icifuba ca mutulo ya kulangisha no mwendo ecakusangwilako, kabili fyapelwa kuli Aroni Shimapepo na bana bakwe abaume nge cakaniko cabo ca libili libili. ³⁵ Ici ecakaniko cakwa Aroni nabana bakwe ukufuma kufya mutulo yakwa Yawe ifyacitwa kufya mulilo, pa bushiku lintu Mose abatwele ku pyungula Yawe mu mulimo wa bushimapepo. ³⁶ Ici ecakaniko cintu Yawe aebele cilekupe lwa kuli bena ukufuma mu bantu bakwa Israeli, pa bushiku buntu asubile bashimapepo. cakulakuba cakaniko cabo lyonse fye ukupula mu nkulo shabo shonse. ³⁷ Ili efunde lya fya kutula ifyakowela, aya mitulo wa bunga, aya mutulo wapa lubembu, aya pa ca mutulo wa kushininwa, aya mutulo wa kushisha na ye lambo lya mutulo wa fya mutende. ³⁸ Palwa fintu Yawe akweta ukupela Mose amakambisho pa lupili lwa sinai kukutula amalambo yabo kuli Yawe mu matololo ya sinai.''