¹ Yawe alilandile kuli Mose, ukwebati, " ² Nga umo abembuka kabili abulwa bucishinka kuli Yawe mukulufya umwina mupalamano ukulola kufintu fya bucishinka, nangu icashele mu bulinde bwakwe, nangu ifintu ifya yibilwe, nangu umfwa alicushishe umwina mupalamano, ³ nangu alisangile icintu ico umwina mupalamano alufishe no kubepa palwa eena, nangu nga alapa ubufi, nangu umulandu uwuli onse uwakuba nge yii iyo abantu babembukako, ⁴ Kabili nga ena alibenbwike no kusangwa uwakushininwa, ena ali no kubwekesha icili conse ena asendele ku maka nangu kumutitisha, nangu ico ica sekeshine kuli ena, nangu ico ica lubile lelo ena alicisangile. ⁵ Mukulundapo, mu mulandu onse uwo alapile ubufi, ena ali no kubwekesha mukufishapo kabili ali no kulundapo cimo pali fisano ica bucine pa bushiku asangilwe no mulandu. ⁶ Nolu ali no kuleta umutulo wa kushininwa kwakwe kuli Yawe, pumbwe uwakubula akalema uwulingene no mutengo ukobomba ukufuma ku mukuni, ngo mutulo wa kushininwa kuli shimapepo. ⁷ Shimapepo akalekumukonsolwelako ena pa mulola wa kwa Yawe kabili ena akelelwa kuli conse ico ena abako no mulandu." ⁸ Nolu Yawe alilandile kuli Mose, ukwebati, ⁹ "konkomesha Aron na bana baume bakwe, ukwebati, 'Ili efunde lya muntulo wa cakoca umutulo wa cakoca uli nokuba pa bulambo bwa cipailo ubushiku bonse ukufika no lucelo, no mulilo wa cipailo ukasungwe ukoyaka. ¹⁰ Shimapepo akalekufwala insalu ya tonge yatelela, kabili akalefwala akaputula ka nsalu ya tonge ya telela. ena akalekubula imito shilya shikoshala panuma mulilo ulyocele umutulo wa cakoca pa cipailo, kabili akalekubika imito kulubali lwa cipailo. ¹¹ Ena akalekufula ifyakufwala kabili no kufwala ifyakufwala fimbi pa kusenda imito kunse ya nkambi ku ncende iyili ubusaka. ¹² Umulilo wa pa cipailo ukalekusungwa ukoyaka. taulinakushima awe, na shimapepo akalekubikapo inkuni cila lucelo pa cipailo. Ena akalekubika bwino umutulo wa cakoca nge fyo cikofwaikwa pa cipailo. kabili akalekoca pa cipailo amafuta ya mutulo wa mutende. ¹³ Umulilo uli nokusungwa ukoyaka pa cipailo ukutwalilila. Tauli na kushima awe. ¹⁴ Ili efunde lya mutulo wa ca bunga. Na bana ba kwa Aroni bakalekupela umutulo wa cabunga pa mulola wa kwa Yawe napa mulola wa cipailo. ¹⁵ Na shimapepo alekubula ulupi lwa bunga ubwapeleka sana ubwa bunga bwa ng'ona pa mutulo wa ca bunga na mafuta ne ca cena cisuma icili pa mutulo na mafuta ne ca cena cisuma icili pa mutulo wa ca bunga, kabili alekufyoca pa cipailo ku fumya umununko ngo bwiminishi bwa mutulo. ¹⁶ Aroni na bana baume bakwe balekulya fyonse ifyashalapo ku mutulo. cili nokuliwa umwabula citutumushi mu ncende ya mushilo. Bena bakalekulila ifikoshalapo mu lubansa lwe Hema lya kulanshanishamo. ¹⁷ Tafyakulekocewa ne citutumushimo. Nebo ndipele ci nge cakamiko cabo pa mitulo icitwa ku mulilo umutulo wa pa lubembu no mutulo wa kushiminwa, pantu cena cilishilishe. ¹⁸ Onse umwaume uwamulupwa lwa kwa Aroni kuti akolyako ici, ifyo ca konkomeshiwe pee ku nkulo shenu, ukulekubula ukufuma pa mitulo ya pa mulilo iyicitilwe kuli Yawe. Onse fye uwaikatako akalekuba uwa mushilo," ¹⁹ Na Yawe alilandile kuli Mose na kabili, ukwebati, ²⁰ "Uyu e mutulo wa kwa Aroni na bana baume bakwe, uwo bakalekupela kuli Yawe pabushiku ulo cila mwana mwame akalekusubwa; cimo pa cekumi ca cipimo ca efa ca bunga bwa peleka sana ubwa ng'ano ngo mutulo waca bunga uwa lyonse, citika palifi mu lucelo kabili citika fali fi mungulo. ²¹ Walekupangwa na mafuta mu mwipika wakuselebala. Ulo nawabikilwa, webo ukalilete mukati. mu tunukate twakocewa kabili webo ukapele umutulo wa ca bunga ku funga cena cabune ica kwa Yawe. ²² Umwana mwaume wa kwa shimapepo mukalamba uwukoba pali bu shimapepo mukalamba umupya ukufuma pa bana baume bakwe eukalekutula. ngefyo ca konkomeshiwe umuyayaya, fyonse fikalekocewa kuli Yawe. ²³ Cila mutulo wa ca bunga uwakwa shimapepo ukalekocewa onsefye ukupwililika, Tauli nakulikwa iyo. ²⁴ Yawe alilandile kuli Mose nakabili, ukwebati, ²⁵ "landa kuli Aroni na banabaume bakwe, ukwebati, ili efunde lya muntulo wa palubembu; umutulo wa pa lubembu ukale kwipailwa pa ncende apo umutulo wa ca koca wipailwa panuma wa kwa Yawe. pena palishilishe. ²⁶ Na shimapepo uwukontula nge ca pa lubembu eukalekulya, ukalekulilwa mu ncende ya mushilo mu lubansa lwe Hema lya kulashanishishamo. ²⁷ Na consenfye ica kumyako ku munofu cikalekuba icamushilo kabili nga umulopa wasabukila ku nsalu iyili yonse, muli no kuisamba, pa ncende apasabukilwe, mu ncende ya mushilo. ²⁸ Lelo nga mwipika we bumba umo wipikilwe uli nikutobulwa. nga ni mu mwipika wa mukuba, uli no kukuswa kabili no kusululwa ubusaka mu menshi. ²⁹ No mwaume onse muli ba shimapepo kuti akolyako fimo pali fyo pantu fintu fyashilisha. ³⁰ Lelo umutulo wa pa lubembu uwa umulopa wauko uliletelwe mwi Hema lya kulanshanishishamo mu ncened ya mushilo ku kufuta tauli na kuliwa wakuleocewafye.