¹ Nomba elyo Yesu alishibe ukuti aba falise balwumfwile alepanga nokubatisha absambi abengi ukucila Yohane. ² (Nangu Yesu umwine talikubatisha kano abasambi bakwe). ³ Afumine ku Yudea nokubwelela kabili ku Galilee. ⁴ Pantu cali icilankala kuli wena ukupita mu Samaria. ⁵ Kabili aile ku musumba wa Samaria, uwitwa Sukari mupepi ne mpanga iyo Yakobo apele ku mwna wakwe - Yosefe. ⁶ Icishima cakwa Yakobo epo cali Yesu alinakile pa lwendo lwakwe aikeleko lubali lwa cishima inshita nalimo akasuba pakati. ⁷ Umu Samaria umwanakashi aishile mukutapa amenshi, na Yesu amwebele ati, "Pelako amenshi yakunwa." ⁸ Pantu absambi bakwe balile mu musumba mukushita ifyakulya. ⁹ Elo umwanakashi umu Samaria aipwishe Yesi aati, "Ninshi kabili iwe, ngo kuba umu Yuda, walandobela, ngo kuba umwanakashi umu Samaria, ifya ku nunwa?" Pantu aba Samaria tabampana naba Yuda. ¹⁰ Yesu aaswike no kulanda kuli enaati, "Nga nawishiba icabupe cakwa Lesa, Kabili nokwishi uyo muli kulanda nankwe, mpela ifya kunwa. Nga na umwipwisha, nga nakupela amenshi ua mweo." ¹¹ Umwanakashi atile kuli ena, "Mukwai, tamukwete umwakutapila kabili icishima citali. Nikwi uko mukwete amenshi ya mweo? ¹² Tauli umukalamba, bushe efyo, nga umufyashi wenu Yakobo, uwatupele nokunwapo umwine, nabana ne fitekwa?" ¹³ Yesu ali mwaswuke ati, "onse uunwapali ici cishima akomfwa icilaka nakabili. ¹⁴ Nomba, Onse ukanwa amenshi ayo ndemupela yakulaba munda yakwe icishima ca menshi alefukauka ku mweo wa muyayaya. ¹⁵ Umwanakashi alandile ukuti, "Mukwai, peleni amenshi ayo pakuti nikomfwapo icilaka nokwisa mukutapa amenshi pano nakabili." ¹⁶ Yesu alandile kuli ena ati, "Kete umulume obe, no kubwela pano." ¹⁷ Umwanakashi aaswike nokumweba ati, "Nshakwata umulume." Yesu amwebele ati, "Wabafye bwino mukwasuka, nshakwata umulume." ¹⁸ Pantu wakwete abalume basano, noyo wakwata nomba te mulume obe. Ifyo ulandile fishinka." ¹⁹ umwanakashi atile ati, "mukwai, namo muli bakasesema. ²⁰ Bashifwe bapepele pa mpili, nomba walanda ati, Yerusalem encende uko abantu balepepela." ²¹ Yesu alandile kuli ena ati, "Ncetekela we mwanakashi nomba akashita kakoisa elyo imwe tamwakapepele tata mu ,mpili ishi nangula mu Yerusalem. ²² Mupepa ifyo mushaishiba. Tupepa ifyo twaishiba, pantu ipusukilo lyaishila mu ba Yuda. ²³ Nangu cibe ifyo akashita kaleisa nako ni nomba, elyo bakapepa bacine bakala pepa tata mu mupashi ne cine, pantu tata afwaya abantu baifi ukula mu pepa. ²⁴ Lesa mupashi, nabantu abakomupepa bafwile bakomupepa mu mupashi ne cine." ²⁵ Umwanakashi atile kuli ena, "Ndishibile ukuti aleisa Mesia (uwitwa Kristu). Ilyo akesa, aka londolola fyonse kuli fwebo." ²⁶ Yesu alandile kuli ena, "Nine ena, uyo ulelanda kuli webo." ²⁷ Pali kalya akashita abasambi bakwe balibwelele. Kabili cali ba papwishe pantu alikulanda no mwanakashi, tapali naumbi. "findo uko fwaya?"Nindo uli kulandila nankwe?" ²⁸ Umwanakashi ashile umutondo wa menshi, aile ku musumba, no kweba abantu ati, " ²⁹ Iseni mumone umwaume ukolanda pali fyonse ifyo nebo nacita. Bushe uyu teti abe Kristu, bushe kuti aba?" ³⁰ Bafumine mu musumba nokuya kuli ena. ³¹ Pali ilya inshita, abasambi balemwaba ati, "Kafundisha, lyeni." ³² Nomba alandile kuli bena ati, Nikwata icakulya ico imwe tamwishibe." ³³ Kabili abasambi alandile umo no munankwe, "Tapali nangu umo umuleteleko icakulya, bushe epo bali? ³⁴ Yesu alandile kuli bo ati, " icakulya candikucita ubufwayo bwa wantumine nokupwisha umulimo onse. ³⁵ Bushe tamulelanda ati, Bushe imwe tamulanda ukuti imyeshi nga yaba ine no kusepa ninshi kwaisa. Ndelanda kuli mwebo, inuneni amenso no kumona amabala, pantu yalipile aya ku somola! ³⁶ Ukosombola apokelela amalipilo no uklekolonganika ifisabo fya sombola bakasekelela pamo. ³⁷ Pantu ifi filelanda ati, umo atanda na umbi asombola; cacine. ³⁸ Namitumine mushabombela ifyo mushabombela. Bambi balibomba, kabili mwaingila mu milimo yabo." ³⁹ Abengi aba samaliya bali mu musumba bali sumine muli ena pantu balipokelele insembo ku mwanakashi uwali kupela ubunte. Alinjebele fyonse nacita." ⁴⁰ Elyo aba samaliya baishile kuli ena, balimwipwishe ukwikala nabo, aikele nabo pa inshiku shibili. ⁴¹ Abengi balisumine pa mulandu we shiwi ili. ⁴² Balandile ku mwanakashi, " Tatulesumina pantu twaumfwa ifyo walandile, lelo fwe bene natumfwa, kabili natwishiba ukuti uyuyu icacishinka mupusushi wa pano isonde. ⁴³ Panuma ya nshiku shibili, afumine kulya no kulya ku Galilee. ⁴⁴ Kuli Yesu umwine asokolwele ukuti kasesema tacindama mu calo cakumwabo. ⁴⁵ Ilyo afikile mu Galilee, abena Galilee bali mupokelele. Balimwene fyonse ifyo acitile mu Yerusalem pa mutebeto, pantu balileko ku mutebeto. ⁴⁶ Nomba afikile nakabili ku Can mu Galilee, uko apangile wine ukufuma ku menshi. Kwali uwa kwisano umwana wakwe ali mulwele ku kapernamu. ⁴⁷ Wene aliumfwa ukuti Yesu nafuma ku Yudea naisa mu Galili, aile kuli Ysu nokupapata ukuti aye aposhe umwana wakwe uwalaswa afwe. ⁴⁸ Yesu elo atile kuli ena, "kano mwamona ifilangilillone fipesha mano, teti musumine. ⁴⁹ Uwa kwisano alandile ati, Iseni ilyo umwana wandi talamfwa." ⁵⁰ Yesu alandile ati kuli ena, "Kabiye. Umwana obe ali umumi." Uyu muntu aumine amashiwi ayo Yesu amwebele, kabili aile. ⁵¹ Ilyo aleya, akumenye ababomfi bakwe, bamwebele ukuti umwana wakwe mutuntulu. ⁵² Elo abepwishe inshita elo atendeke ukuba bwino. bamwaswike ukuti, " mailo ilyo akasuba ka aluka ne pepo yamulekele." ⁵³ Elyo wishi aibukishe ukuti ni ilya ine inshita Yesu alandile kuli ena ukuti, "Umwana obe alifye umumi." Pali kalya akashita ena naba ng'anda bakwe balisumine. ⁵⁴ Ici ecilangililo ca bubili ico Yesu acitile ilyo afumine ku Yugea naku Galilee.