¹ Panuma Yesu alandile ayamashiwi alile nabasambi bakwe kwishilya lya mumana wa Kidron, umwali ibala umo aongile naba sambi. ² Nomba Yuda, uwali nokumufutuka alishibile icifulo, pantu Yesu balikukumaninako nabasambi bakwe. ³ Elo Yudas akotungulula impuka yabashilika naba mushika bamo bamo ukufuma kuli bashimapepo bakalamba naba Faliseyo balileko ne nyali imusaniko ne fyanso. ⁴ Elo Yesu uwaishibile fyonse ifikomucitikila alile pantanshi nokubepusha, "Ninani uyo mukofwaya. ⁵ Balimwasukile ati, "Yesu waku Nazareti." Yesu alibebele ati,"Nine." Yuda, uwamufutwike, naye aliminine naba shilika. ⁶ Ulo abebele ati, "Nine." Balibwelele chinfutanuma bawila napanshi. ⁷ Kabili alibwekeshepo ukupusha, Ninani uwo mukofwaya? "Nakabili baebele ati, Yesu waku Nazareti." ⁸ Yesu alyaswikile. "Ndimyebele ati nine kanshi nganine mukofwaya lekeni abo balekuya." ⁹ Ici cali mukweba ati chifikilishiwe icebo icalandile ati, "Pali abo bonse aba mwampele, nshalufyapo nangu umo." ¹⁰ Elo Petelo uwakwelte ulupanga alilusomwene nokukena umubomfo wakwa shimapepo mukalamba ku muputulako ukutwi kwakukulyo. Nomba ishina lya mubomfi lyali ni Maliki. ¹¹ Yesu alilandile kuli Petelo, Bwekesha ulupanga umo lwikala. Bushe teti nwe ulukombo ulo Tata ampela?" ¹² Eco impuka yabashilika naba kangalila naba filolo baba Yuda, balikele Yesu nokumukaka. ¹³ Bali mutwele kuli Anasi pakubalilapo, pantu ali ni wishifyala lyakwa Kayafa, shimapepo mukalamba uyo mwaka. ¹⁴ Nomba Kayafa ewapandile aba Yuda amano yakweba ati calinga umuntu umo afwile abantu. ¹⁵ Simoni Petelo alikonkele Yesu, naumbi umusambi. Nomba uyo musambi alishibile kuli shimapepo mukalamba, alingile na Yesu mulubansa uwakwa shimapepo mukalamba; ¹⁶ nomba Petelo aliminine panse pa chibi. elo ulya musambi uwaishikikwe kuli shimapepo mukalamba, alile panse mukalamba nakalinda wapa mwinshi elo alingishe Petelo mukati. ¹⁷ Elo umubomfi umukashana kalinda wapa mwinshi baebele Petelo, Nobe tali umo paba sambi bakwa uyu muntu?" Alilandile ati, "Tenebo." ¹⁸ Nomba ababomfi naba filolo balimumweni peka palya, balikunkile nomulilo wamalasha pantu kwali talele, balikonta. Petelo naye epo ali, aliminine palya pene ukoonta. ¹⁹ Elo shimapepo mukalamba alipwishe Yesu palwa basambi bakwe abapa ni sambilishishe. ²⁰ Yesu alimwasukile, "Nanda ku calo palwalala. Nalikusambilisha lyonse fye mumasunagoge na mwi tempele umo aba Yuda balikulongana capamo. Nshalandilepo nangu cimo mu nkama. ²¹ Nindo mwanjipushisha? Ipisheni abo abalikumfwako pafyo nalikulanda, Boneni, aba bantu balishiba ifyo nalandile." ²² Ulo Yesu alandile ifi umo umopalibali chlolo uwaiminine po aumine Yesu nokulanda ati, " Efyo wingasuka shimapepo mukalamba efyo?" ²³ Yesu alimwaswike umfwa nalufyanya mukulanda, nshimineni pafilubo, nomba ngandi lubile, nindo wangumina?" ²⁴ Elo Anasi alimutumine kuli Kayafa shimapepo mukalamba ninshi bali mukakile. ²⁵ Awe Simoni Petelo aliminine ako onta mulilo. Elo abantu balimwebele ati, " Nobe tali umo uwapabasambi bakwe? Alikene nokweba ati, "Tenebo." ²⁶ Umo uwa mubabomfi bakwa shimapepo mukalamba uwali ni lupwa wa ulya Petelo aputwileko ukutwi, aebele ati, " Bushe webo ntakumwene nakwe mwibala?" ²⁷ Elo Petelo alikene bakabili; napopeka mukolwe alilile. ²⁸ Elo balifumishe Yesu kuli Kayafa bamutwala ku chipango cabuteko icikulu lwali lucelo celo, kanshi tabaingile mu chipango cabuteko icikulu pakweba ati, beikowesha lelo balinokulya icakucilila. ²⁹ Elo Pilato alile uko bali nokweba ati, "Milandu ndo mukopela uuyu muntu?" ³⁰ Balimwasukile nokumweba ati, " Uyu muntu nga tali nshitatubi ngatatu muletele kuli mwebo." ³¹ Pilato alibebele ati, " Musendeni mwebene, mumupingule ukulingana no mwabela amafunde yenu." Aba Yuda balilandile kuli ena ati, "Talilifunde fwebo ukwipaya umuntu. ³² "Balandile ifi pakweba ati icebo chakwa Yesu cifikilishewe ico alandile ukulanga umusango wamfwa akafwako. ³³ Elo Pilato alingile mucipango cikulu icabateko nakabili nokukuta Yesu nokumwipusha ati, "Bushe nimwe mfumu yaba Yuda?" ³⁴ Yesu alyaswike, Busje ukoilandila fye wemweni nangu bambi balikwebelepo pali nebo?" ³⁵ Pilato alyasukile, "Ntali mu Yuda nebo tefyo? abantu bobe nabashimapepo bakalamba ebapele kuli nebo nindo wacitile?" ³⁶ Yesu alyasukile, " Ubufumu bwandi tabuli bwamuli cino calo. Ngacakweba bwali bwamuli cino calo, ababomfi bandi kuti balwisha pakweba atiteti mpelwe kuba Yuda. Lelo ubufumu bwandi tebwa pali cino calo. " ³⁷ Pilato elo amwebele ati, "Bushe uli mfumu?" Uesu alyaswike, "wlanda ati ndi mfumu. Nipa mulandu naishilew muchalo, ukuba ubunte kucine, noyo onse uunfwa bucine alomfwa kwi shiwi lyandi." ³⁸ Pilato alimwebele ati, " Icine cinto?" Ulo alandile ifi alibwele ku ba Yuda nokube ati, " Ntasangilemo akabi muli uyu muntu. ³⁹ Nomba mwalikwata umutande wakweba ati namikakwilapo kumuntu umo pacakucilila. Bushe mukofwaya mikakwile imfumu yaba Yuda?" ⁴⁰ Elo bena balibilikishe nakabili nokweba ati, Te uyu muntu kano Balaba, "Nomba balba ali nichisanguka.