¹ Wisekelela, we Isreali, ne nsansa kubati bantu bambi. Ico webo ulibulile bucishinka, ulifumine kuli Lesa obe. Webo ulitemenwe ukulipila amalipilo ayafwaya cilende pa mansa shonse ishakusokwelapo. ingano. ² Lelo ulubansa lwa kusokwelapo kabili na umwakufinina umwangashi tafyakabalishe bena, ala no mwangashi upya tawakabawamine bena. ³ Bena tabakakonkanyepo ukulekwikala mu calo ca kwa Yawe; na pali ici Efraimu akabwelulukila ku Egupti kabili ubushiku bumo bakalya ifyakulya fyakukowela mu Asiria. ⁴ Bena tabakapongolole umutulo wa mwangashi kuli Yawe, kabilifye nangu ku mutemuna ena. Amalambo yabo yakaba kuli bena kubati cakulya ca bakolosha; Bonse abalyako ico cikaba cabo fye beka epela; cena tacakese mu nganda ya kwa Yawe. ⁵ Nindo webo ukacita pa bushiku bwa mutebeto wasontwa, pa bushikku bwa mutebeto wa kwa Yawe? ⁶ Ico mona umfwa babutuke ukufuma kubonaushi, Egupto akabalonganya, kabili memfisi akabashika. Napalwa fyabune fyabo ifya sifere fikandantilwa nefilasa, kabili imyunga shikakumana ama Hema yabo. ⁷ Inshiku sha kulimunwa shikoisa; Inshiku sha culandushi shikoisa; Lekeni Isreali onse eshibe fi fintu. kasesema muwelewele, Kabili no wakuputwamo nao lishilu pamulandu wa mampulu yenu ubwingi kabili no mufimbila wakulisha. ⁸ Kasesema ni kalinda wa kwa Lesa wandi pali Efraimu. Lelo iiteyo ca coni caba patushila twakwe tonse, ne mpatila ukulosha kuli ena yaba mu ng'anda yakwa Lesa wakwe. ⁹ Bena bali yonawile sana abenebeka kubati ni mu nshiku sha kwa Gibea Lesa akebukisha amampulu yabo, kabili akalimuna imembu shabo. ¹⁰ Yawe aeba ati, ''ulo nebo nasengile Isreali cali kubati kusanga imyangashi mu matololo. kubati cisabo ca ntanshi mu nshita yafiko ku citi ca mukuyu, efyo nebo na sangile ba wishinwe. Lelo bena balile ku baali-peor, kabili bena balipele abene beka kuli cilya cilubi ca nsoni. Bena balishile kuba ifya muselu kubati cilubi batemenwe. ¹¹ Na palwa kwa Efraimu ubucindami bwabo bukapupuka nokuya kubati coni. Tabakalekupapa kulya iyo, takwakale kuba ifumo, kabili no kwimita. ¹² Umfwa abakakusha abana, Nebo nkabafwisha bonse. ubulanda kuli bena ulo nebo nkafutatuka ukufuma kuli bena! ¹³ Nebo ndimwene Efraimu, kubatifye ni Taya alilimbilwe umwa buune, lelo Efraimu afumisha abana bakwe kuli uyo umo uwukabepaya bena.'' ¹⁴ Bapeni bena, Yawe, nindo mwalabapa? bapeni ifumo lya kulekupulumunafye na mabele yakubula mukaka. ¹⁵ ''pa mulandu wa bubifi bwabo bonse mu Gilgo, kulya eko nebo natendeke ukubapata bena. Pa mulandu wa micitile yabo iya lubembu, nebo nkabatamfya ukufuma mu ng'anda yandi. Nebo ntaka batenwe nkabili iyo; bonse ba cilolo wa ni bacisanguka. ¹⁶ Efraimu alilukutile, kabili umushila wakwe ulyumine, tabakotwala cisabo. Nangufye babe na bana, nebo nkaposa abo ba bisha aba mu nda shabo ku mfwa'' ¹⁷ Lesa wandi akabakana pantu tabako mumfwila iyo. Bena bakesa kuba aba akululumbafye mukati ka nko.