¹ Isreali mwangashi wakufumaluka uwutwala ifisabo fya uko. Ulo ifisabo fyakwe fya likufulilako, Efyali no bwingi bwa fipailo alikukuula. Mu bwingi bwafyo icalo cakwe calikukwata, ena alikuwamya ifimikwa fya filubi fyakwe. ² Imitima yabo ili yakuluba; bena bali nokusenda ukushininwa kwabo Yawe ali nokonaula ifipailo fyabo ena ali nokonaula ifimikwa fya fya filubi fyabo. ³ Ico nolu bena bakeba ukweba ati, ''Fwebo tatukwete imfumu, ico fwebo tatwali kutina Yawe kabili ne mfumu -nindo yena ingatucitila fwebo?'' ⁴ Bena balanda amashiwi ya fye nokucita ifipangano mukulapa kwakubula icishinka. Eco ubupingushi bufumfumuka kubati ni nseku sha sumu mu mitolwa ya cilime. ⁵ Abekashi ba mu Samaria bakaba no mwenso pa mulandu watuombe twa mu Beti Areni. Abantu batuko baliloseshe pali twena, ifyofine efyo naba bashi mapepo batulubi bacitile abalikusekelola pali twena nobucindami bwatuko, lelo fyo tafilipo iyo. ⁶ Twena tukasesendwa ku Asiria kubati mutulo wa mfumu ikalamba. Efraimu akasebana, kabili Isreali akalengwa insoni pamulandu watulubi twakwe. ⁷ Imfumu ya mu Samaria ikonulwa, kubati lusansu lwa cimuti pamulu wa menshi. ⁸ Incende shamisansama isha bubifi shikonaulwa. ulu elubembu lwa kwa Isreali! imyunga ne filasa fikalekumena pa fipailo fyabo. Abantu bakalekulanda ku mpili, ''Tufimbeni fwebo!'' kabili na ku tupili, ''wileni fwebo!'' ⁹ ''Isreali , webo ulibembukile ukutula ku nshiku shakwa cubea, kulya ekowashilila. Bushe bulwi tabwabatebele abana bafilubo mu Gibea? ¹⁰ Ulo nebo nkafwaye ci, nebo nkabasalapula bena. Abantu bakalongana pamo pali bena kabili nokubabika mufikakilo pamulandu wa bubili bwa mampulu yabo. ¹¹ Efraimu ni ng'ombe nkota iya kanshiwa iyo yatemwa ukusokoshi ingano, eco nebo nkabika ikoli pa mukoshi waiko uwa kololoka. Nebo nkabika ikoli pali Efraimu; Yuda akalekulima; Yakobo akalekutinta ubuta umwine eka. ¹² Muitandile uboloke mwebene, kabili nokulobolola ifisabo fya cipangano ca bucishinka. Shimauleni umushili wenu uushalimwa, ico ni nshita yakufwaya Yawe, asuke fye ena ese nokulokesha ubololoke pali mwebo. ¹³ Mwebo mulilimine ububifi, nokulobolola umuncishanya mwebo mulilile icisabo cakulufiwa pantu mwebo mwatetekele mumapange yenu kabili na mu bwingi bwa fita fyenu. ¹⁴ Eco icipekeni ca bulwi cikema mukati ka bantu bobe, kabili ne misumba yobe yonse iya malinga ikonaulwa. Cikaba kubati ni shalmani ulo aonawile Beti Arbeli pa bushiku bwa bulwi, ulo baninefwe baputawilwe mutupimfya pamo na bana babo. ¹⁵ Efyo cikatitika na kuli webo, we Betele, pamulandu wa bukulu bwa bubifi bobe. pa lucelo fye imfumu ya Isreali ikalofiwa.''