1 Ngo koumfwikisha kwishiwi lyakwa Yawe Lesa obe elo nokule ku konka ifipope fyakwe fyonse ifyo nkokukonkemesha ilelo, Yawe Lesa obe akakusansabika ukulekucila pa nko shonse isha ishapesonde. 2 Amapalo yonse aya yakalekwisa pali webo elo ukalekuba na ena ngokoumfwa kwishiwi lyakwa Yawe Lesa obe. 3 Ukalekuba uwakupalwa mumusumba elo ukalekupalwa mu cilime. 4 Cikalekupalwa icisabo cabufyashi bwa, mwifumo lyobe icisabo camushili obe, cisabo cafitekwa fyobe nokufula kwa mukuni obe nabasukusuku ba mpanga sha mukuni obe. 5 Umuseke obe ukalekupalwa nefya kulekukanshishamo ifya mufuba. 6 Ukapalwa ulo ukalekwisa, elo uka palwa ulo ukalekufuma. 7 Yawe akaleku lenga abalwani bawebo abakoimina webo ukulekupumwa pa menso yobe. Elo bakalekwimina webo inshila imo lelo bakakufulumuka inshilka cinelubali. 8 Yawe akalenga amapalo ukwisa pali webo mumata yobe elo namuli conse ico ukobikapo ukuboko kobe akapala webo mucalo ico akokupela. 9 Yawe akalekumucita nga bantu abapantulwako nga abakwa ena, nge fyo alapile kuli mwebo, nga mukosunga amafunde yakwa Yawe Lesa wenu, nokulekwendela mu nshila sha ena. 10 Bonse abantu bapesonde bakate kumona ati mwalitilwa mwishina lyakwa Yawe, Elo baka lekumutina. 11 Yawe akalekumulenga ukutunguluka nganshi mu cisabo cabufyashi bwefumo lyobemu, cisabo cha fitekwa fyobe, elo mucisabo ca mumushili wenu. ku calo ico alapile kufikolwe fyenu ukupela kuli mwebo. 12 Yawe akeswila mwebo ubutala bwamu nganda yakwe iya mu myulu kukule pele mfula ku calo cenu pakashita akalinga. nokulepala umulimo onse uwakuboko kobe; ukalekukongwesha ku fyalo ifingi lelo tamwakalekuko ngola. 13 Yawe akapanga mwebo umutwe, lelo temucila. muka lekubafye pa mulu elo tamwakatale ukulekuba pe samba, nga muko umfwila kuma funde yakwa Yawe Lesa wenu ayo akokonkemesha mwebo ilelo,. ku kulekuyasunga elo nokulekuya cita, 14 Elo nga tamukopilibuka ukulekufuma kwishiwi nelo limo ku mashiwi ayo nkomikonkomesha lelo kukuboko kwa kulyo nelo ukwa kuso, elo nokulekukonka imilungu imbi nokuleku bombela. 15 Elo ngatamuko umfwa kwishiwi lyakwa Yawe Lesa wenu, elo ngo kulekusunga amafunde ya ena yonse ne ntampulo sha ena ifyo nkomukomesha lelo, elo amatipu yonse ayay yakesa pali mwebo noku mikuma. 16 Mukalekuba abakutipwa mumusumba elo mukaba abakutipwa mu cilime. 17 Umuseke wenu ukalekuba uwakutipwa nefyakulekukandilamo fyenu. 18 Ubufyashi bwa mwifumo lyobe bukale kutipwa, icisabo ca mushili obe ingombe sha mukuni obe, elo, nabasukusuku ba mpanga sha mukuni obe. 19 Ukutipwa kucale kuba ulo ukalekwingile elo ukalekutipwa ulo ukalekufuma. 20 Yawe aka leku leku tuma pali webo ifitipu icimfulunganya, elo ukwebaula muli fyonse ifyo ukobikapo iminwe yobe mpaka ukonaulwe mpaka ukaleku manama bwangu pamulandu wa fyakucita fyobe ifyakubipa ifyo ukalekunkaninamo. 21 Yawe akalamba fika ifinkunka ifikuko pali mwebo Mpaka akonaule mwebo ukumufumya ukufuminina mucalo ico mukoya mukukwata. 22 Yawe akasansa mwebo namalwele ya cambu, nempepo, nokulekutukuma elo ne cilala, nakucilungula, naku nkunta, nokufufuma. ifi fikalamata mwebe mpaka mukanamane. 23 Imyulu ya mwebo iili pamulu wa mutwe wamwebo ukalekuba umukuba elo, icalo icikoba pesamba lya mwebo cikesa icaba icela. 24 Yawe akalekupanga imfula ya cali ca mwebo ukulekwaluka abunga bokukungu; ukulekufuma mu myulu fikaleku tantamukila pali mwebo, mukasuke amonaulwa 25 Yawe akalekulenga webo ukuleku pumwa ku balwani bakwa mwebo;vmukalekuya inshila imo kuli bena lelo mukalekufumuka kuli bene inshila cinelubali. Mukalekuba abakusekwa konse konse umwabela amabufumu yonse yapesonde. 26 Icitumbi cobe ciicalekiba icakulya kufyoni fyonse ifya mu myulu elo nakunama shampakuba nelo umo uukalekubatinya ukuleya. 27 Yawe akalekumuma ku mapute yaku Egupto elo ne filonda, impele, ne fishila kuli fyena takuti uleku ndapwa. 28 Yawe aka lekumikanda no bushilu no bupofu, no kufulungana umutwe. 29 ukalekulubantika monse pa icati kamutwe ngefyo impofu ilubantika umwakufita, elo tawakale kutungu luka mu nshila shobe, webo lyonse ukalekuba umupina elo nokwibilwa elo takwakalekuba nelo umo uukale ku pususha. 30 Uka lekusonga umwana kashi lelo umwaume umbi akalekumutintila no kulala naena, ukalekukula inganda lelo tawakalelala muli yena; ukalelima ibala lyamyungashi lelo tawakale kuipakisha mufisabo fya liko. 31 Bakalekukome ngombe yobe mu menso yobe, lelo webo tawakale kulyako umunofu wa yena; impunda shenu shikaleku pokwa kubwesesha mwebo. impanga shenu shikale kupelwa ku balwani benu elo takwa kalekuba nelo umo uwakumutulanya. 32 Abana bobe abaume nabana bobe abanakashi bakalekupelwa kubantu bambi amenso yawebo yakalekubafwaya akasuba konse lelo ukalekufilwa nokubafuluka. tamwakalekuba maka mukuboko kobe. 33 Ubusomboshi bwakuboko kobe elo nokucucutika kobe- umutundu uo ushishibile ukacilya conse; webo ukalekuba umupina lyonse elo uwacenwa, 34 Pakwebati ukalesanguka cibulu pafyo ukalekumona fikocitika. 35 Yawe akakuma mu makufi elo na molu nefipute ifyakubipa ifishinga poshiwa kuli webo. Ukulekufuma pesamba lya makasa yose ukulekufika pamulu wa mutwe obe. 36 Yawe akosenda webo elo nemfumu uo mukoipela mwebene ku calo ico mushaishiba mwebo nelo ifikolwe fyenu kulya mukalekupepa ba lesa fyenu kulya mukalekuoeoa ba lesa bambi aba fimuti elo namabwe. 37 Mukalekwa luka icakupapa, impinda ichachilandilo, pabantu bonse uko Yawe akomitungulula ukutali. 38 Mukalekusenda imbuto ishafula pakulekuya mwibala, lelo mukalekusombolamo imbuto ishaku kepa pantu bamakanta bakalekushilya. 39 Mukalekubyala amabala yangano elo nokuya lima, lelo tamwakaleku nwamo mwangashi nelo umo, nelo ukulekusombolamo pantu imyambo ikalekushilya. 40 Mukalekukwata ifimuti fya myangashi munchende ywenu yonse, lelo mwakalekusubapo utumafuta ne tumo pali mwebo bene, pantu ifimjuti fya myangashi yobe fikale kuponya ifisabo fyafiko. 41 Ukalekukwata abana baume na bana banakashi lelo tabakashale bobe pakuti bakalekuya muli bunkole. 42 Ifimuti fya webo fyonse elo ne fisabo fya mushili obe bamanta bakalekuku pokolola. 43 Umulebeshi uukoba ,muli mwebo akeminina pamulu wenu akalekwi minakofye webo we mwine ukale kutentemukilafye panshi elo na panshi. 44 Akakongwesha kuli webo, lelo webo tawakamukongweshe; 45 Amatipu yonse yakulekwisa pali mwebo elo fikalekumikonka nokulekumwikata mpaka mukonaulwe. Ifi fikalekucitika pakutila tamukokonka kwishiwi lyakwa Yawe Lesa wenu, kukulekusunga amafune ya kwe nefyakufwaya fyakwe ifyo akonkomeshe mwebo. 46 Aya matipu yakalekuba pali mwebo nge fyakulekulangilila elo nefyaku sungusha elo naku ndupwa shenu umuyayaya. 47 Pakutila tamwapepele Yawe Lesa wenu nemnsansa elo necitemwiko icapa mutima ulo mwanokele, 48 Ekwebati mukalekubo mbela abalwa ni abo Yawe akalekutuma abaku mwimina; Mukalekubombela mu nsala, mu cilaka, mu bwamba elo namu cipowe. Akalekubika umunyololo wa cela pamukoshi obe mpaka fye akakonaule. 49 Yawe akoleta uluko pali webo ukulekufuma ukutali, ukulekufuma ukwapelela ukutali, ukulekufuma ukwapelela isonde, ngefyo kampumpe apupuka icalo ico taukoumfwa ululimi lwaciko. 50 Icalo icakukalipa impumi icishiko cindika abakote elo taichiko landa ukusuminisha abaiche. 51 Bakalekulya utwana twafitekwa fyenu elo nefisabo fyamu mushili wenu mpaka mukonaulwe. Tabakalekusilapo kaluseke nelo kamo umwangashi upya nelo ingombe sha mukuni obe impanga sha mukuni obe mpaka bakalekusha ukwaku cululuka. 52 baka shikuluka mwebo mu minshi ya mpongolo shenu, fikasuke ifibumba fyenu ifyakusansama ifya malinga fikatentemukile panshi monse mu calo cenu, ifibuymba ifya mwebo mwatetekele. Bakale kumikandila mu minishi yampongolo shenu uku lekushinguluka icalo conse ico Yawe Lesa wenu amupele. 53 Ukalekulya icisabo camubili wa webo we mwine, umunofu wa bana bobe abaume nabana bobe abanakashi abo Yawe Lesa obe akupele mukukandwa elo namu manama ifyo abalwani benu bakabika pali mwebo. 54 Elo muntu uwa bubili elo no kulekukwatisho busaka- akatana wabo elo no mukashi wakwa ena uwakutemwikwa elo nabana bakwa ena abashala babli bonse. 55 Elo takalekupelapo uuli nelo umo umunofu wabana bakwa ena abo akoya mukulya, pakuti takalekushalapo nelo kamo umwine muku candila elo namu ku manama uko abalwani mwebo mumpongolo shakwa mwebo. 56 Umwanakashi umunono elo uuko kwata busaka muli ba mwebo. Uushingalekwesha ukulekunyanta inyantilo yalukasa lwakwa ena panshi pamulandu wabusaka elo napamulandu wa bunono akalekutana umulume wakwe ena uo atemwisha, no mwana mwaume wa ena, elo no mwana mwana kashi wa ena. 57 Elo nakana kakwa ena akalukeke akakofyalwa ukulekufuma pakati kamolu yakwa ena, elo nakubana abo akalekufyala akalekubalila mu bumfisolo mukulekubulwa icili shonse icakuibela munshita ya kuleku chandila elo nokumanama iyo abalwani bamwebo bakalekubika pali mwebo mumpongolo shamwebo shonse. 58 Nga webo taukosunga amashiwi yonse aye funde ili ayalembwa mu citabo ici, pakutila ati nakambi ilyakutinya. Yawe Lesa wa webo. 59 Elo Yawe akalekukosha impumo sha webo ne ndupwa sha webo shikalekube mpumo ishikulu, isha musinsa nshiku, elo namalwele ayakukosa, ayamusisa nshiku. 60 Akalekuleta pali webo nakambi amalwele yonse aya Egupto ayo webo walikutina yakaku kamba tila. 61 Elo nobulwe bonse nefyakusungu sha ifishikolembwa mucitabo ca ilifunde elo nafyena Yawe akaleta pali webo mpaka ukona ulwe. 62 Mwebo mukalekushala abampendwa iyakepa. Nelo mwebo mwalikuba mpendwa pakutila tamwali kumfwa kwishiwi lya kwa Yawe Lesa wenu. 63 Nga Yawe limo alisansamukile pali webo mukulecitila webo icisuma, namukulekumufusha, efyo akalekusansa muka pali webo mukukonaula. Webo uka lekutamfilwa ukulekufuma mu calo umo ukoya mukwikala. 64 Yawe akalekusalanganya mwebo mubantu ukulekufuma kumpela imo iyesonde ukufika nkun mpela imbi iye sonde, uko mukalekupepa nelo mwebo nelo ifikolwe fyenu tulesa twa nkuni na mabwe. 65 Muli ifi fyalo tamwakale kusangamo busuma tamwakalekuba ubusuma ukulekufuma pesamba yamakasa yobe, Lelo Yawe kulya akalekukupela umutima wa kututuma. Amenso ayakunakuka elo nomupashi uwa kulosha. 66 Ubumi bobe bukalekuba ubwa kutwishika kuli webo ukabo wa kutina cila kasuba nokushiku elo tawakakwatepo bucishinka nelo panono mu bumi bobe. 67 Mulukelo ukalekulanda, ''Kanshi ngacalikuba pakungulo'' elo napacungulo ukalekulanda, kanshi nga calikuba mu kakelo'' pamulandu wa mwenso mu mitima ya mwebo elo nefuntu ifikaleku moneka mu menso yenu. 68 Yawe akalekumuleta mu Egupto nakambi mu mato mu nshila iyo nali nkolanda kuli mwebo, 'Tawakale kumonapo Egupto nakambi,'' kulya muka laipela mwebene kukushitishiwa kubalwani ba mwebo nga abasha abaume lelo takwa lwkuba nelo umo uukalekushita mwebo.''