¹ Mose elo na bakalamba ba bena Isreali balikonkomeshe abantu elo balilandile ''mulekusunga amafunde yonse ayo nkomikonkpomesha lelo. ² Pabushiku ubo mukesa kwabuka yorodani ukuya ku calo ico Yawe Lesa wenu akumipela, mukalekulonika pamo amabwe ayakalamba mukalekushingula no mushingulo. ³ Ukalekulembapo conse icebo ica ili funde ulo ukesa kwabuka; ukutila wingengila mu calo ico Yawe Lesa obe akokupela; calo icikoumfumuna umukaka elo no buci, ifyo Yawe Lesa wa fikolwefyobe alaya webo. ⁴ ulo mukabuka yorodani, ukalekutuka aya amabwe ayo kokukonkomeshapo ubwa lelo, pa lupili ulwa E bali, elo mukalekuyashingula no mushingilo. ⁵ Kulya mufwile mukokulako icipailo cakwa Yawe Lesa wenu, icipailo ica mabwe; nomba tamufwile mwile kubomfya icipe ca cela pakubomba na mabwe. ⁶ Mufwile ukukula icipailo cakwa Yawe Lesa wenu na mabwe ayashabombapo; mufwile ukutulila ifye malambo ifyakocewa pali cena kuli Yawe Lesa wenu, ⁷ elo mukalekupela ifya malambo fye senge elo mukalekulila kulya; mukalekusekilela kuli Yawe Lesa wenu. ⁸ Mukalekulemba pa mabwe icebo conse ica ili funde apakubuta tutu.'' ⁹ Mose naba bashimapepo, abena Lebi, balilandile kuli Isreali onse elo balilandile ''mulekwikala tondolo nokulekumfwa, Isreali: ilelo mulisangukile abantu bakwa YaweLesa wenu. ¹⁰ Eico mukofwaikwa ukulekubela ishiwi lya kwa Yawe Lesa wenu elo mulekubela amafunde yakwe elo ne fipope ifyo nkomukokomesha lelo.'' ¹¹ Mose alikonkomesha abantu ubushiku ubo bwine elo alilandile, ¹² ''Iyi mikowa iifwile ikoiminina pa lupili lwa Gerisimu ukulekupala abantu panuma nga mulyabukile yorodani: simeone, Lebi, Yuda, na Isakare, Yosefe na Benyamini. ¹³ Iyi emikowa iikofwaikwa kulekwiminina pa lupili lwa Ebali, ku kubilisha ifitipu: Rubeni, Gadi Ashere, Sebuloni, Dani, Nafutali. ¹⁴ Abena Lebi bali nokwasuka elo no kulanda ku baume bonse abakwa Isreali mwishiwi lya kubilikisha. ¹⁵ ''Engaba uwakutipwa umuntu uwacita icimpashanya napamo icakwengwa, camuselu kuli Yawe, umulimo waminwe yakwa kabasa, elo noucibika mubumfisolo! elo bakofwaikwa abantu bonse ukulekwasuka elo nokulekulanda 'Ameni'. ¹⁶ Engaba uwakutipwa umuntu ushicindika wishi elo na nyina: Elo bantu bonse balekulanda 'Amen'. ¹⁷ 'Engaba uwakutipwa umuntu ukosesha umupaka wa munakwe'. Elo bantu bonse balekulanda 'Ameni'. ¹⁸ 'Engaba uwakutipwa umuntu ukolenga impofu ukulubantika ukufuma mu musebo'. elo abantu bonse balekulanda 'Amen'. ¹⁹ 'Engaba uwatipwa umuntu ukobomfya amak ukopokolola umulinganya pa mulandu umwina fyalo, umwana wa nshiwa, elo na mukamufu! Elo abantu bonse balekulanda 'Ameni'. ²⁰ 'Engaba uwatipwa umuntu ukosendama na muka wish, pantu alipokolwele isambu shakwa wishi' . ²¹ 'Engaba uwatipwa umuntu ukosenda ne nama iili yonse'. Elo basuke abantu bonse balekulanda 'Ameni'. ²² 'Engaba uwatipwa umuntu ukosendama na nkashi yakwe, umwana mwanakashi wakwa wishi, elo no mwana mwanakashi wakwa nyina'. Elo abantu bonse balekulanda 'Ameni'. ²³ 'Engaba uwatipwa umuntu ukosendama nanyina-fyala'. Elo abantu bonse balekulanda 'Ameni'. ²⁴ 'Engaba uwatipwa umuntu ukoipaya umwina mupalamano mubumfisolo'. Elo abantu bonse balekulanda 'Amen'. ²⁵ 'Engaba uwatipwa umuntu ukopoka amafisakanwa ku kwipaya umuntu uwakaele'. Elo abantu bonse balekulanda 'Ameni'. ²⁶ 'Engaba uwatipwa umuntu ushikosuminisha icebo ca ili funde, ukuti akalekuyanakila'. Elo abantu bonse balekulanda 'Ameni'.