¹ Kutikeni kuli icebo ico Yawe alandile pali mwebo mwe bantu ba mu Isreali, pa lupwa lonse ulo naifumishe ukufuma mu calo ca Egupti; ² ''Ndisalile mwebofye pa ndupwa shonse sha pa calo. Eico nkomikanda pa mulandu wa mampulu yenu.'' ³ Bushe babili bendela pamo apakubula kulayana? Bushe inkalamo ingabuluma mumutengo ulo ibulilwe icakutakanya? ⁴ Bushe umusepela wa nkalamo wingabuluma ulo taikete nangu kamo? ⁵ Bushe icuni cingawila mu ciliba panshi ulo tamwi icilyo ca ciko? Bushe iciliba cingafwampuka panshi ulo tacikete kantu? ⁶ Umfwa ipenga iyalila mu musumba, bushe abantu tababule kututuma? umfwa iikuko caponena pamusumba, te Yawe acitumine? ⁷ Mucinefye shikulu Yawe tengacita akantu kano ulo asokolwela amapinge yakwe ku babomfi bakwe bakasesema. ⁸ Inkalamo nailila nani utabe na mwenso? shikulu Yawe alilandile; nani utasesema? ⁹ Lengeni cishibwe ici mu makule yakankala pa Ashuri, na mumakule yakankala mu mpanga ya Egupti; nokulanda ati; ikunganyeni pa mpili sha samaria no kumona ifimpungili fikalamba uli muli ena. ¹⁰ Pantu tabaishiba ifyakucita icakulungama- ici cisemo cakwa Yawe- batutila ubunkalwe no bonaushi mu makule yakankala yabo.'' ¹¹ Eico, ici eco shikulu Yawe alandile; ''Umulwani akashinguluka impanga, nokuwisha inshanshisho shenu no kutapa amakule yakankala yobe.'' ¹² Ifi efyo Yawe alandile; ''kubati nifyo kacema apokolola mu kanwa ka nkalamba amolu yabilifye, nangufye ciputulwa ca kutwi; efyo abantu bakwa Isreali bekala mu samaria bakapusushiwa; bakapelwa mu cifutu ca cakukuwamapo nangula iciputulwa ca busanshi.'' ¹³ Kutikeni nokupela ubunte pa nganda yakwa yakobo- ioci ecisemo cakwa shikulu Yawe, Lesa wa milalo; ¹⁴ ''Pantu mu bushiku nkakanda imembu shakwa Isreali, nkakandila pamo ne fipailo fya ku Betele. Amasengo yacipailo yakaputulwako nakuwila panshi. ¹⁵ Nkonaula inganda ya mupepo ne nganda yalusuba. Amayanda ya meno yansofu yakaloba, na mayanda yakalamba yakolulwa -ici cisemo cakwa Yawe.