¹ Ifi efyo Yawe alandile; pa membu shitatu shakwa Moabu, nangufye shine, nshakalule ukukanda, pantu alyocele amafupa yo mfumu yaku Edomu yasuka yaba imito. ² Nkatuma umulilo pali Moabu, nao ukabongola ifikulwa fya bucingo fya ku keriyote. Moabu akafwila mu nkuta, nokuwelesha na kucinda cantandala. ³ Nkonaula umupingushi waba muli ena, kabili nkepaya ifilolo fyonse pamo na ena, ''efya landa Yawe. ⁴ Ifiefyo Yawe alandile; ''Pa membu shitatu sha kwa Yuda, nangufye shine, nshakalule ukukanda, pantu balisulile ifunde lyakwa Yawe nokukana baka ifipope fyakwe. Ubufi bwabo bwabalengele ukufuma umunshila, ubo mwaendele ba shibo. ⁵ Nkatuma umulilo pali Yuda, kabili ukabongola ifikulwa fyabucingo bwa kwa Yerusalemu.'' ⁶ Ifi efyo Yawe alandile; ''pa membu shitatu shakwa Isreali, nangufye shine, nshakalwe ukukanda, pantu balishishe abakaele kuli silfere na babusu pa kulu kwa nsapato. ⁷ Banyanta pa mitwe ya ba pina kubati fintu abantu banyanta pa lukungu lwa mushili; basowela abatitikishiwa ukutali. umwaume na wishi bengila ku mwanakashi umo kabili ifyo fine bakokowesha ishina lyandi lyamushilo. ⁸ Basendama lubali lwa cila cipailo pa fyakufwala fya cikatilo, na munganda yakwa Lesa wabo banwinamo umwangashi wa mafuto. ⁹ Lelo naonawile abena Amore pa cinso cabo, abo ubutali bwabo bwali kubati butali bwa mukedari, ali wakukosa kubati mioke. ¹⁰ Lelo nao nawile ifisabo fyakwe kumulu ne mishila yakwe kwisamba. Kabili nalikuletele ukukufumya mu calo ca Egupti nokutungulula imyaka amakumi kukwata impanga ya bena Amore. ¹¹ Nalimishe bakasesema ukufuma mu bana bobe na bena Nasiri bakufuma mu balumendo bobe. Teifyo fine, mwe bantu bamu Isreali? -ici cisemo cakwa Yawe. ¹² Lelo mwaongwele abena Nasiri ukunwa umwangashi kabili mwalikambishe bakasesema ukukana sesema. ¹³ Moneni nkamifungaula kubati liceleta lyakwisulamo ifilinwa lingafungaula umuntu. ¹⁴ Nokufulumuka kukaloba muli uyo wayangunka; uwamaka takalundeko ku bukose bwakwe; nangula wabulamba ukuipususha umwine. ¹⁵ No wikata ubuta takeminine; uwalubilo takasole; no watentema pali kafwa takaipusushe. ¹⁶ Nangufye cita casgilimuka cikabutuka ubwamba muli bulya bushiku- ici cisemo cakwa Yawe.