¹ Polo la Timote, metuke me Yesu Kilisito,la botsangani kwatu katsi e Yesu Kilisito bane beyali a FIlipe, ngi mekengeli la mobateli; ² Loondo la hai e Mongalima ise aiso mpe e Nkolo Yesu Kilisito eisamelia onu. ³ Lekumesakola Mongalima bikeleko kobitu bikanesakole ngo onu. ⁴ Nziminakola bolongi Mongalima fuko eino kwatu. ⁵ Bwenesi yenanga yeya la yelenge yeyaisii onu a mboli nzali i Mongalima, banda mwasa u felofelo tee sikane. ⁶ Lebayi a bwinoli ine ano ebandaki katsi eino lo lotomo lwali ekokatusia te suka mwasa u Yesu Kilisito ⁷ Itani ine lekaniselaka onu ngia londenge, fuko ine bobayi katsi e motema uwa, ata yekeleko ye menyoko, ata la bofetsi mpe bwinolesi mboli nzali onu bane beuhola yeboo yee Mongalima isikani imoi la ngo. ⁸ Fuko ine Mongalima ebayi temo ela ine lekunzi onu kwatu a lokundo lo motema u Yesu Kilisito. ⁹ Mpe ine ilonge ngo ngi Mongalima, ibayi ine lokundo bwaino lolite la bolembeli mpe katsi e bayele bofela. ¹⁰ Mpo ebokesanesi bima to bakambo baitanake, ine boyele tsangaa mpe batsangwele onu mwasa u Kilisito. ¹¹ Boliale a lokumu lo boyengebene bobayi la Yesu Kilisito, a nkembo mpe lokundo lo Mongalima. ¹² Lekunzi ine bolemele, bangwaya, ine itwaneli ngo iyali la bokei felo bo mboli nzali i Mongalima. ¹³ Boyo, ngi mokonzi mpe tosika ngia, mito emoi etsua ngi ine fuko e Kilisito nga ebwami ngo. ¹⁴ Mpe banginena bofela katsi e Nkolo, bepotsi bilongo a bobwami bowa, bebayi la iyaala mpo e botangoli so boangi lyoi li Mongalima. ¹⁵ Ibayi liekela, bamoi besakola Kilisito a likunya mpe bohelani; ksi basiaka bemosakola a bakanesi baitanake. ¹⁶ Bane ba bakanesi wali bisakola Kilisito a lokundo, a bolembeli ine lisami tsina a bobateli mboli nzali i Mongalima. ¹⁷ Kasi wo bane besakoli Kilisito a bohelani, la tsina itsiyali tsangaa mpe la likanesi li botuseseli ngo monyokoli a linga. ¹⁸ La yo yelenge, lyoi litsiyali, ibye isuma, ibye liekela, Kilisito etsisakolami peni, lebayi a yenanga mpe lekonangela bweteli kwaisia. ¹⁹ Fuko ine lelembeli ine imotsi yokwayi ngo bumake a ndole e bolongi bwaino ngi Mongalima. ²⁰ Bobilamai a bwambeli mpe yelkia yeya ine inzokoyala la bosembo, kasi ine, sikene aine baose kwatu, Kilisito ekokamesama a bilongo biyako solo, iyale labumake bowa, iyale la loko lola; ²¹ Fuko ine Kilisito ebayi bumake bowa, mpe loko lobayi ngwa lilonga. ²² Kasi lisengeli boyali a bumake katsi i bilongo, ibayi huma i mesala uwa; kasi nzikoki boeki yema yekunzi ngo. ²³ Lengilima miatsi kometu myele, lekunzi bokei mpe boyali la Kilisito isika imoyi, oyo ibayi bweteli wali. ²⁴ Kasi tsina eino isengeli ine lumoe laonu katsi e monyo. ²⁵ Mpe linolesami, lelembeli ine lokumoa ombe mpe litsikala ombe laino kwatu, tsina e bokomeli mpe yenanga yaino katsi e bwinoli bwaino. ²⁶ Fuko ine, a bokalengi bowa ngino, boyale katsi ela, lyoi lifulake li nkembo katsi e Yesu Kilisito. ²⁷ Soko boeli a yelenge ye ngindo mpe yekoki katsi e mboli nzali i Kilisito, tsina ine, ata bolwei bweni onu, ata nziyali, lambele boeki fuko eino ine bokemala kikili katsi e yelimo yemoi, bolani tuma a molimo kumoi mpo e bwinoli bo mboli nzali. ²⁸ Swinola ine banguna baino baanyesi onu, ine ibayi bombengi bwaibo, kasi mpo eino bumake; ²⁹ Mpe imotsi fuko e Mongalima, bakaukola liaku, ta soko li bwineoli Kilisito, kasi li bweni lumbe fuko elae; ³⁰ bolana tuma ene eenaki onu ngo bolani, mpo ine bookoke mboli sikene ine lelana.