¹ Le mbela te a miasa mesuka yo koyala tango e pasi zambi. ² Baito bekoyala a mbemba bainina e falanga mito e boyandamboli a lolendo, motuki, batomboki a baboti baibo baito be lumbi batondi, bane befeti ndole e Mongalima. ³ Bwango a luwele, belumbi ndenge e boumi a baito, isuma, bwango luwele kaza, mongona e baito beitani mbeko, ⁴ Bwenesi baito pasi, belutani, beliali a lolendo, bengundji bisengo bweteli kwa Mongalima. ⁵ Benani a eholo aine basembo, kasi belumbi boinoli bine bikela boo lokulu. Yala esika a ndenge elo baito. ⁶ Iyali kati eibo bane beyaolesi a mbele, pe besila bahali a bole mbu pe benangani, iyalesami a masumu, u tombokesami la metungisi a ndenge ngia, ⁷ Beyekola baose ngia pe ta bokatui bolembeli bo solo. ⁸ Nde e moi Jannes pe Jambres beteemaelaka Mose, ndenge emoli balome bane beteemaelaka solo, bekolami a boliteli bolembelesami aine eliti bondimi. ⁹ Kasi betikela bayafili bueteli, zambi limbambuli liibo yokole mbelana, bo eibo ngia, aine ndenge e kelemaki a balome boo baele. ¹⁰ Po elaho, oteongaka pene ela bateya, boyeli boha, bokengi u bakita boha, bondimi boha, motema fiho ela lokundo lolaa, bolitangeli lihoi lila, ¹¹ Metukisi meha, menioko meha. Yahondenge e pasi betsiseli ngo a antiokia, a Ikone, a lusutula? yahomenioko e tsinangeli ngoo motema? pe Nkolo a kaokofesi ngoo lahoo ngia. ¹² Zakande, bane ngia bakundji boumi a sembo Yesu klisto bekoukola menyoko, ¹³ Kasi baito bakandja pe mokitaki beyafila a boeteli a mbeko mbe, boungesi basiaka pe boyaungesi boo angine. ¹⁴ Oye, okumua a bima bine biteyekolaka oye, pe bilembelani oyo solo, lembela ngi nda e teyekola oye; ¹⁵ Uta bolenge bohaho, bolembeli mekanda mesatu bine bikoki bomokwesi bwania a boumi a boyambi bo Yesu klisto; ¹⁶ Makomi ngia befufameli a Mongalima pe ibai ya tina po e bosaki, po e boinolesi, po e bokengi, po e botei kati e sembo, ¹⁷ Po ine mito e Mongalima a koke pe a itane a mesala ngia meitani.