¹ Polo, apositolo u Yesu Klisto, la lokundo lo Mongalima, po e mwambi u yelaka ye bomoi yene yebayi ngi u Yesu Klisto, ² la Timote,mona o wa o lokundo: ine ngalasia, la bona pe la kimia emoaesemeli ngi u Mongalima Aha pe la Yesu Klisto Kolo e iso! ³ Nga ulesia ngalasia ngi u Mongalima, ine etemokehela bakoko baiso, po ine ini lesaeli a la bayele ba solo, po ine la botsio la mwasa likanesia baose ngia ngi uwaho katsi e bisambo bika, ⁴ ikaneseli ngo misoli me haho po ine lekoke boliali ayesengo pe bebayi la posa ine le mwene oye ngo, ⁵ bobateli likaneseli ye bohinoli bo soolo ine ibayi ngwaho, ine etebiaka felo a mebeko mi aino me bakolo ba kalakala ba Loyisi pe la anohe Enisi, le lembeli ine uyali pe ngo aho. ⁶ Po emoli ngamo ekela oye la bumoesi likabo li Mongalima line liteukola oye yenina yetemwiselaka ngo ndala. ⁷ Po ine isti bayi molimo u boka une utsitwisa Mongalima kasi molimo u ngulu, u lokundo pe la bayele. ⁸ Botsokoki bosoni bo temo e bolwesi ngu sobia la bosoni bo temo ene ekwaesia oye Kolo e iso, ata ko ngwa mito ohaki o boloko kasi la bane menyoko la ngo po e Mboli ndjali. ⁹ La ngulu e Mongalima ano etetumesia boetaki bosika bo basantu, ta po e mesala mi aiso, kasi po e likanesi li lahe mangine, pe la bane belitsi ngalasia ene etetwa a esamela la Yesu Klisto felo e yenina ye libela la libela; ¹⁰ pe la ine yenina sikane la boenani bo Mumesi Yesu Klisto ano eteunakola loko pe akisa bomoi polele pe bolumbi loko la Mboli ndjali. ¹¹ Po e emoli ine Mboli ndjali nde etsi ise bo ngo moteyi pe aposutolo, bebayi la mokumba u boteyi bapakano. ¹² Pe la tsina emoli enyokwame ngo; po e bimoli bima nde etungesameli ngo; kasi ndji bayi la soni, po ine lelembeli ko ngu nda eyambi ngo, pe ngi ino la ine ebayi la ngulu bosusi mbeko iya tee kwa umoli mwasa. ¹³ Susa boyambi pe la lokundo lone lobayi la Yesu Klisto lolenge lo baloba basantu bane beteukola oye ngu uwa. ¹⁴ Susa likita li itani la Molimo Mosantu une uyali la iso. ¹⁵ olembele ine bane ngia bebayi a Asia betelendanesi ngo, la baisa Phygele la Hermogene. ¹⁶ Ine Kolo afake bowa bo haye a mbele e Onesiphore, po ine mbala la mbala e hana bolendisi ngo, pe etsibayi la bosoni bo menyololo meha; ¹⁷ kwa esia ndenge yenina yetelua ye a Roma, a bepali ngo mingi lowelelowele pe akaukoli. ¹⁸ Ko ine Kolo a mwaesia ine aukoli ngolungu Kolo bwa umoli mwasa. Olembeli wali ine baito baenga betesalesi ngo a Efeso.