¹ Lita ndenge elukundo lo ise etatola usu, po te toyali boetami bana a Mongalima! pe toyali. Lamwano utsitolembeli, iba ine betsilembeli kwa yee. ² Bakundami baha, tobai sikane bana a Mongalima pe ndenge e koyala usu etenanaka, kasi tolembi ine tango e koenana we, tokoungana lahe, po to koenena ndenge ebai ye. ³ Ano ebai a elikia oyo aya pupole, aine ye mangine eye peto. ⁴ Ano ekeli lisumu a kauna mobeko, pe lisumu eyali bouni o mebeko. ⁵ Zoka nde, bolembeli, Yesu eheneni po e bokofesi basumu, pe etsibai a lisumu ngwaye. ⁶ Ano ekoumoha kati elahe etsikeli lisumu; ano ekeli lisumu betsimweni pe betsimolembeli. ⁷ Balengela bake, mito atsipengole unu. Ano ekeli boyengebene ebai moyengebene aine ye matuke ebai moyengebene. ⁸ Ano ekeli lisumu ebai e satana, zambi satana e tesumuka kua ebandeli. Mono o Mongalima enani po ine afengesi misala me satana. ⁹ Ano eotami a Mongalima etsikela lisumu, po ine mbeko e Mongalima ibai ngwaye pe etsikoki, bosumuki, po ine eotami a Mongalima. ¹⁰ Alhoo ekolembelesa bana a Mongalima pe bana a satana: Ano etsikeli boyengebene etsibai e Mongalima ta kuano etsikundji monginena. ¹¹ Zambi yene etekelaka unu pe yene eteokoka unu kwa ebandeli, ebai te tokundane la bamoi la baosiaka, ¹² pe etounganesi a kaina, ano eyalaki a mayele mabe, pe akaolaka monginena. Pe po embi eholaki ye? Po ine mesala mehahe me tsiteitana, pe bine bi monginena biyalaki sembo. ¹³ Botsibalime, ba ngwaya, la muano ufeti unu. ¹⁴ Tolembeli ine te tuetsi a loko a bumi, po ine tokundji bangwaya, ano etsikundji ekoumoha kati e loko. ¹⁵ Ano e tsikundji monginena ebai moholaki, pe bolembeli te atamoholaki umoi eyali a boumi bo seko bokoyala lahe. ¹⁶ Tolembeli bolingo,a boesaka bomoi bwa he po eiso; osu pe lokola, tokoki toesi bomoi bwaiso po e bangwaya. ¹⁷ La omoi ebai a bima i muano, pete, eini monginena kati e bosenga, e monangeli mesolo, ndenge mbi lokundo lo Mongalima lo koyala lahe? ¹⁸ Bana bake so kunda a baloba pe a elala, kasi a bikela pe a sembo. ¹⁹ Ahe moli tokolembela te tobai a sembo, pe toidi metema meiso felo e Mongalima. ²⁰ Zambi la mitema meiso metokokweisi, Mongalima eeteli bokolongake e metema meiso, pe elembeli bakita ngia. ²¹ Bakundami baha, la metema meiso metsitokeisi to bai a boyasuki felo e Mongalima. ²² Ayema mbi tokomuhola, tokoukola ngwaye, po te tobateli mebeko me heha pe te tokela yene yemonangelesi. ²³ Pe ine mobeko uhahe: te toinoli a lina li mona ohahe Yesu klisto, pe te tokundani omoi la basiaka, a ndeke e mobeko etuesi. ²⁴ Ano eko batela mebeko ekoumoha a Mongalima, pe Mongalima laye, pe tolembeli ebai a iso a molimo une etuesi.