¹ Kwe ena,ite mofongwa jwe ajiliyee Bwana,nale mokobaengela mohende bwachi bwachi nee kuitebwa bobo Firinyambe obe kobitana, ² Mochikane kwe unyenyekevu mokata nee kotabala nee uvumilivu.Motatombeleana kole kokondana. ³ Mokete bokome kooboka omoosa we motema kole kifungo kye amani. ⁴ Kole lokoba lomoosa nee motema omoosa,ite bodya nani mobe kuitanwa kole uhakika we taraja emoosa yee kuitanwa kwino. ⁵ Nee kole Bwana omoosa imani emoosa,ubatizo omoosa. ⁶ Nee Firinyambe omoosa nee isake we baase.awe ole iyolo yee biise,nee bose nee mondo yee bise. ⁷ Kwe kela omoosa urino bashi komohabela kipawa kolingana nee kepemo kye kipawa kye kristo. ⁸ Nee bobo maandiko yabe kohocha:Obe koongoza bale kokwateka kole baheka.Obekohola bipawa kwe bando. ⁹ Nee buni maane yee,obe "kuchikana"iishi koba ite obe kuikyanane kukya nee mondo odya odya naanepia obe kochikana kolehe iyolo yee mbengo yiise.Obe koketa bobo ite uwepo waake obe kole byendo biise. ¹¹ Kristo obe kohola bipawa bole bobo:mitume,manabii,wainjilisti,wachungaji,nee baadimu. ¹² Obe koketa bobo koba obesa waumini kwe ajili yee kashi yee huduma,kwe ajili yee koyenga lokoba lwe kristo. ¹³ Washi koketa bobo hadi baatu baase to ikye omoosa we imani ne maarifa yee mwaana wee Firinyambe.Washi koketa bobo hadi tohobe kokoma bole badya bale koeka kyena kamili kye kristo, ¹⁴ Ena nee ite bobo totashi lukine bole baana,totashi koombokwa koombokwa kodya nee kodya.Ite bodya totashi kotombebwa nee kela bina yee lobe we fundisho,kwe hika yee baando kole mayele we udanganyifu obe kochimbela. ¹⁵ Komongo kwake,totaongele ukweli kole kokondana nee koba biwelele kole njela yiise monda yaake naane nde motwe,kristo. ¹⁶ Kristo obe koonganisha,kwe amoosa,lokoba loose wee waumini.Obe kuungamanishwa amoosa nee kela kiungo ite bodya lokoba loosa lobee nee kujiyenga abo beene kole kokonda. ¹⁷ Kwe bobo,nashikohocha bobo,nee nashikobaengela kole Bwana:motashi koenda lukine bobo bando be mataifa bale mokoenda kole ubatili we lokanyi lwabo. ¹⁸ Bashi kotechwa ikunye kole mawazo mabo.Bashi kohombolwa kohola kole bushima bwe Firinyambe kwe boyenga bole mondo a yaabo kwe sababu yee kohoma yee metema yaabo. ¹⁹ Batashi kuungunwa masenyi.Bashi koechana abo beene kwe ufisadi kole matendo chibee,kole kela aina yee luumo. ²⁰ Bobo,ena kuushi mobehele kojifunza kohetela kristo. ²¹ Nashikocheba bobo mwashi kuungunwa kohetela awe.Nashi kocheba ite mwashi koba kufundishwa kole awe,ite tu ukweli obe monda yee Yesu. ²² Nee buachi moholo myanda yiise yabe koyaka nee mwendo wiino we kale,bondobwe kale.Nee bondo bwe kale bwashi kobola kwe sababu yee tama ye udanganyifu. ²³ Mohole bondo bwino kale ite bodya moketwe bodya kole motemayeee lokanyi lwino. ²⁴ Mokete bobo ite mohobe kobwala bando boya,washi koyaka nee Firinyambe.Obe koobwa kole sambo nee utakatifu we kweli. ²⁵ Kwe bobo,teecha kotehe udanganyifu."Mohongele ukweli,kela omosa nee jirani waake"kwe sababu tu bashirika kwe kela omoosa kwe munjinaka. ²⁶ Mobee nee kelele mokakete dhambi."chohoba bitashi kochama mole kole kelele kyino. ²⁷ Motashikoesa ibilisi nafashi. ²⁸ Woose obe koeba lazima nde koeba lukine.Komongo kwake nee lazima okete kashi.Okete kashi yabe nee manufaa kwee maboko make,ite bodya ohobe kumuhudumia mondo obe nee hitaji. ²⁹ Kauli chibee etashi kohola mokanwa kino.Komongo kwake,myanda lazima ehole kole kanwa kino yafaayo kwe maitaji,kobaesa faida badya bashi koungunwa. ³⁰ Nee motashi komuhuzinisha motema mutakatifu we Firinyambe.Nee kwe awe ite mwashi kobekwa muhuri kwe ajili yee lusu lwe ukombozi. ³¹ Nee bwachi moketekolehe bosengo boose,kolemboka,kiichi,kosakala,nee bitondo,amoosa nee kila aina yee boobee.Mobe bwachi baanu kwe baanu. ³² Mobe nee lokwa.Mosameheane baanu kwe baanu,bole bodya Firinyambe kole kristo obe kobasamehe baanu.