¹ Kwe sababu yee ena meno,Paulo,nee mopangwa we Yesu kristo kwe ajili yiino mataifa. ² Nashi koamini ite mwashi kuungunwa iyolo yee kashi yee neema yee Firinyambe obe konehabela kwe ajili yiino. ³ Nshi koba andekela koholana nee jinsi ufunuo obehele kobololebwa kwane. ⁴ One nee ukweli obe koheseka kuhusu Kristo. ⁵ Kwe bibotabiwelele ukweli ona ndobe koketebwa ochabekane kwe baana be bando.Bobo kwe naani etabekwe bohololo kwe motema kwe mitume bale kotechwa kolokondo nee manabii. ⁶ Ukweli ona oole kohesaka nee bodya bando be mataifa nee bashiriki banji niko nee wajumbe banji nito we lokoba.Nee bashiriki amosaa nee ahadi yee kristo Yesu kohotea injili. ⁷ Nee kwe ena nashi koketwa mondo we kashi kwe zawadi yee neema yee Firinyambe yabe koholebwa kwane kohetela kotecha wee bokome bwake. ⁸ Firinyambe obe kohesa zawadi ena kwane,naane koba meno nee mondo monana we baase kole badya babe kotechwa kolokondo kwe ajili yee Firinyambe.awadi ena nee ite yabe koniasa koba tangaziya mataifa injili yabe nee utajiri uushi kochunguza we kristo. ⁹ Yabe konipasa koba komoneka bando baase iyolo ye buni nee mopangowe Firinyambe wee siri.Ona nee mopango odya obe koba kohesekwa kwe meaka chiwelele yaabe koheta,nee Firinyambe ole kobeomba byendo,bise. ¹⁰ Ena ebe koba ite,kohetela kanisa,watawala nee mamulaka kole kiunda kyee mbengo bakonje kocheba chiwelele yee asili yee hekina yee Firinyambe. ¹¹ Ena yabehele koholela kohetala mopango we milele bobo obe koukamilisha mondo yee kristo yesu Bwana wiito. ¹² Kwe koba kole kristo tole nee ujasiri nee kohoba we koengela kwe ujasiri kwe sabau yee imani yiito kwake. ¹³ Kwe bobo nashi kobaengela motashi kokatatamaa kwe sabau yee mateso yaane kwe ajili yiino.Ena nee utakufu wiino. ¹⁴ Kwe sababu ena nashikotata maalu kwe isake. ¹⁵ Bobo kwe awe kela familia kombengo nee iyolo yee kobalu yashi koitanwa chiina. ¹⁶ Nashi koengela ite okanje koba nemesha,koholana nee utajiri we utakufu waake,obakete imara kwe bokome kohetala motema waake,ole monda yiino. ¹⁷ Nashikohengela ite kristo achikane monda yee miteme yiino kohetela imani. ¹⁸ Nashikohengela ite moobe nee shina nee musingi we kokondana kwaake.Mobe kole kokonda kwake ite mohobe kocheba,amoosa nee baase bale kohetaboka,jinsi boendeende nee bolehe nee kehema nee kyabe koleka kokondo we Kristo. ¹⁹ Nashi koengela ite mochebe bokata bwe kokondo bwe kristo,obe koeta lokanyi.Mokete ena ite mochekye nee ukamilifu woose wee Firinyambe. ²⁰ Nee nani kwaake awe obekele kohoba koketa kela kyendo,kiwelele yee kiise tobe koengela naane tobe koyawaza,kohetela bokome bwake eketechi kashi mondo yiito, ²¹ Kwaake awe kobe utukufu monda yee kanisa nee kole kristo yesu kwe hebota yiise milele nee milele,Amina!