¹ Paulo,motome we Kristo Yesu kwe kokonda kwe Firinyambi,ne Timotheo mobotwa nito,kwe kanisa die Firinyambi lebekodia koritho,ne kwe baumini basee babekodia kole kebalu kisee kyee akaya. ² Neema ne ebee kwino ne amani kole kwe Firinyambi ishito wito ne bwana Yesu kristo. ³ Ne osekebwe Firinyambi ne isakee ne bwana Yesu kristo.Awe ne ishito we rehema ne Firinyambi we faraja hesee. ⁴ Firinyambi otofariji batu kole makomo yito yesee,ite bodia toobee kowafarijii badia babe kole mawafarijii badia babe kole makomo.Twashikowa farijii bakine kwe faraja odia edie yaabe Firinyambi obekotomea kotofariji batu. ⁵ Kwe bobo itebodia makomome kristo yashikoongezeka kwe ajidii yitoo,bwakale bodia faraja yito yashii koongezeka koetela kristo. ⁶ Nane ite twashikoota bika,ne kwe ajidii ye farajaa yino ne wokovu wino nane bodia twashikofarijiwa,ne kwe ajidii ye faraja yino yashi koketa melemo yaake kwe kovomelea makomo edia ediatole mokoteswa na batuu. ⁷ Ne tomaini dito kwe ajidii yino ne bwachii kwe bobo ite bodia molee mokovomelea kwe edia faraja. ⁸ Kwe bobo tweechee banuu mobee bayinga,mobotwa,kwetelaa makomo tobele nayoo kodia Asia.Tobekoonelewa kweeta kwe bodia tongaoba kokatola,ite bodia ndetwashii nane ne tumaini lekuchikana. ⁹ Kwedii,batu benee tobele ne hukumu ye maote kole metema yito ite tushikotomaenela metema yino,bobo tomotomainele Firinyambi,obe kofofola bakuu. ¹⁰ Obe kotookowa batu koola edia maarifaa ye maote ne otatookowe lukine.tobekee tomainii ditoo kolee awee kwe bobo otatookowe lukine. ¹¹ Otakete bobo ite bodia banuu nabo motasaidie kwe kwengela kwino.Bodia bawelele bataoche shukurani kwe ajidii yitoo kwe ajidii ye kokondeleya kwe neema babe kotwabela batu koetela kwengela kwe kowelele. ¹² Kwe bobo twashi kujisekaa kwito ne kono,ushuhuda we zamiri yito.Kwe bodia otakatifu ne kotoka kwe motema obekoola kwe Firinyambi ndekwe hekima yeloloba koyaka kole mosenge,ne haasa kwino banuu. ¹³ Tushii komwandekela kyokyote kebe mokaobe kokesoma nane kuungwa.Nale ne tomaini. ¹⁴ Bodia kwe loba mwashikushila kutuungwa,ne nale ne tomaini bodia kole lusu lwe bwana Yesu totabake sababu yinoo kwe ajidii ye kebole kinoo,ite bodia motakabekoba kwito. ¹⁵ Kwe sababu nabele ne tomaini koetela ena,nabekokonda koba kwino bango,ite bodia moobe kombokeya faidaa ye koendebwa maraa kabelee. ¹⁶ Nabe mokopangaa kobaendela wakati ndayakee makedonia lukine nabe kokonda kobaendala lukine wakati ndatoke koola makedonia,na kushila banuu kondoma meno wakati ndayakee uyahudi. ¹⁷ Nabekoba mokowazaa namuna ena,buni,nabe mokoata ata?buni nashikopanga mianda koetela ne lokanyi lwe bando kalonga ite bdia naochee"bobo,bobo ne ndeko,ndeko"kwe wakati omosa? ¹⁸ Nane ite bodia Firinyambi obe mwaminifu,tokaooche bisee"bobo"ne ndeko." ¹⁹ Kwe bobo mwana we Firinyambi,Yesu kristo,odia Silvano,Timotheo na mena tobe komotangazaa mungia mwino,ndebobo"nabobo"ne"ne ndeko"kombala yakee awe wakati hosee ne bobo. ²⁰ Kwe bobo ahadii hesee ye Firinyambi ne "bobo"kole awee bobo nabo koetela awe twashikoocha "Amina"kwe utukufu we Firinyambi. ²¹ Bobo ne Firinyambi otatokete imaraa amosaa ne banuu kole kristo ne kototecha makuta,nabatuu. ²² Obekobeka nuruu iyolo yito ne obekotwabela motema kole metema yito bole kalee ye kedia ongaba kotwabela kombala. ²³ Bobo meno nashikumwitana Firinyambi obe shaidii iyolo ye motema wanee,kwe bodia,kwe kobaolomelashinaikaa korintho. ²⁴ Ndebodia twashi kotawala imani yino nane tu basaidizi be kyanyakinoo:bobo kwe imani yinoo mwashii kwimana.