¹ Kwe bodia momotema wanee nabe kukusudia bono shikabe,kwino lukine kwe kolemboka. ² Ite ndabe komotechaa banuu molemboke,ne nani otaneselele meno,bodia ne odia obe konelembokela na meno? ³ Nabe koandeka bole nabekoketa ite bodia wakati ndabekee kwinoo shishi kolemboka ne badia bale koba bashikoneketa nabe ne kianyanale ne tomainii koetela banuu base bobo kianya kyane ne kyanya kedia kedia mole nakya banuu basee. ⁴ Kwe bobo nabe komoandekela banuu koolana ne motema,ne kwe miolo mewelele shikonda adia,nabe kokonda mochebe kokondana kwe kyeda nabe komona kwe ajidii yino. ⁵ Ite kole hosee wabekoketa molemboke,ndanaketa tu kwane,nane kwe kewangoo kifulani kushii kobeka kochowaa koeta kwino banu basee. ⁶ Keno kelele kye mondo odia kwebawelele kyashikushila. ⁷ Kwebobo lukine komongo ye kelele,motapashee komoolomela ne komofariji mokete bobo ite bodia ndaikyanga kokotwana ne kelele kibekoeta. ⁸ Kwe bodia nashikomotecha motema kokazela kokondana kwinu wanjani kwe ajidii yakee. ⁹ Ena ne sababu nabe koandeka,ite bodia naobe kobajaribuu ne kochabe koba ite ne matii kole kela kyendo. ¹⁰ Ite motamosamehe hosee,na meno bango ndamosamehee mondo odia kedia nalekosamehe bodia nabekosamehee kyesee kiabe kosamebwa kwe faida yino kombala ye kristo. ¹¹ Ena ne bodia shetani ushikye kotoketela kotodanganyaa.Kwe koba batu tushii bayingaa kwe mepangoo yaake. ¹² Kibii kyabe kobololebwa kwane ne bwana nabe kobaka kole kadia ketroa kuubiri injidi ye kristo adia. ¹³ Nane bodia,shabaa ne amani ye motema,kwe sababu shamobanga mobotwa nane tito adia.Bobo nabe bobashiya na kootokomakedonia. ¹⁴ Bobo oshukuriwe Firinyambi,obe kole kristo masaa hisee kotoongoza batu kole ushindii.Koetela batu twashikomwangasa ilumba diachii di madifaa makee mbangaa hisee. ¹⁵ Kwe kwa batu kwe Firinyambi ne ilumba diachii kwe kristo basee mungia mwe badia babe kookolebwa ne mungia mwe badia babe kokonda mea. ¹⁶ Kwe bando badia babe kokandamea,ne hilumba koola lokoo mopakaa lokoo.Kwe badia balekookolebwa ne hilumba koola kole mwechoo mopakaa mwechoo.Na nanii otapashweebilemoo beno? ¹⁷ Kwe bobo batuu tushii bole bando bawelele babe kolaa mwanda we Firinyambi kwe faida,komongo kwake,kwekotokaa kwe nea,twashikoocha kole kristo,bole bodia twabe kotomebwa koola kwe FIrinyambi,kombala ye Firinyambi.