¹ Yaolangee kyunda kya iyea bobo ingwa Yesu nakwanya luendo monda mwee tolya nee kalyaa tofauti, mokochanga ikomo lyachii lee bolombee bwa Filenyambee nee balya ikumi nee babelee nakoyakanga amosa nakee. ² Bolya bolya bana bakachii bamo babechangee basopona kolanga kometema chee lobee lwabea nee ngwoho mbali mbali, nakungwaa nee Magolalena indee wabechanga osotosi bwanga lobee mosambo. ³ Yoana mokachii wakee kuza nee Manija wa Herobe, Susana, nee bana bakachii bakinee babua, baochangee byendo byabo kombanga chabo abo benee. ⁴ Nee kisha ketongo kyee bando kukumbakana amosa, babechae nee bando babechangee kwakee kolanga tolya mbali mbali, nakochanga nabo kwee kotome mifano. ⁵ '' Mobyalii nakoyakanga kobyala bimuka, abechangee mokobyala, kikundi kya bimuka bibii nakokelanga mbanga yee njelaa nakwinyibwanga asee yee mendee, nee tonyii twee kwiyolo nakolya. ⁶ Mbekuu chikinee nakokelanga monganda mwee matekee maoma nee atoangee ayao na kungwa mokonyaoka kwekomonanga ndekwaungwa nee matekee machii. ⁷ Mbekuu chichinee nakokelanga kometabii chee mekee nakungwa amosa nee chia mbegu nee kobaniwa. ⁸ Kobobo mbekuu chikinee nakokelela komatekee niachii nee kobota mimea mala mia nee koeta.'' Kisha Yesu kochaa manda chichii, nakochanga chuchii, '' Osee wenee makotwee mee kungwa nee ungwee.'' ⁹ Lukinee banafunji bakee nakomobochanga ekee yee mufano onaa. ¹⁰ Yesu nakoba saolelanga,'' Mosoechwanga upendeleo wee kocheba siri lee bolombee bwa Filenyambee, kobobo bando bakinee bata fundeswee tu kwee mifano, indee ungwaa basomonanga bamonanya nee basungwa bachebaya. ¹¹ Nee bobo indee maana mee mifano ona, Mbegu nee ikomo lya Filenyambee. ¹² Mbekuu chilya chakea komokongee wee njela nabalya bando batu lwingweecha ikomo, nee kiisha mobee shetani osoliendanga njoo kolanga mometema, bobo indee baiminyanga nee kolokaa. ¹³ Bobo nee chilya chakelangee ohomangee nee bando balya batungwa ikomo nee kolepokea kwee kememo kobobo basii nee michii esee elya, kyunda kiyee, nee saa yee majaribu basokea. ¹⁴ Nee mbekuu chilya chakelangee komekelee nee bando batungwa ikomo, kobobo basoyelea kokolaa batobauwa nee melemo nee byendo nee bwachii bwee maisha mama nee bakabotee matunda. ¹⁵ Kobobo chilya mbekuu chakelangee komotekee machii na balya bando, abo nee bekwihikya nee metema miachii, kisha kuilungwecha ikomo basolekwatanga nee kuungwa bwachii nee kobotanga matunda mee kufumilia. ¹⁶ Bobo, kuusii nanii amosa, osokachanga itala nee kobwekelanga kebacha ao kobekanga mosee mwee ketanda, kisha komebekanga kwenee mwangasa wee itala indee nigwa kila amosa otaingelangee opatee kolemona. ¹⁷ Bobo kuusii ketaisamangee ketasii kikachebekanee, ao kesee kyee kuisama indee kikachebekanee kya sungwa komwangasa. ¹⁸ Kobobo mungwee angee ndwaswingwa mukuilungwecha. Kobobo wenee akyo, awee otaongeswee koeta, kobobo otasii nakuo nanii kelya kekekee kyenakee ketaendwee.'' ¹⁹ Kisha inakee wakee Yesu nee babotwanga nakee nakobechanga kwakee ndeba isenangee kwekomonanga juu yee ketongo kyee bando. ²⁰ N a komomanyanga,'' Inao wao nee babotwanga nao baee alya anjee bemokokondanga komomona awee. ²¹ Kobobo, Yesu nakotosea nekocha'' Imanee wanee nee babotwan ²² Nakolanga luusu lomosa asamba masuu malya Yesu nee banafunji bakee nakobandanga kobwato, nee koba saolelanga '' Nee twabokee mbanga yee pili lee ichinda.'' Nakosangya mashua mabo.'' ²³ Kobobo anjangee abokoanga, Yesu nakokesanga kao, nee lobee lwachoa lwenee machingya, nee mashua mambo nakoanja kochikya machee nee babechee kwenee hatari lekatala koeta. ²⁴ Bobo banafunji bakee nakobakonga kwakee nee komobyosa, nekochanga,'' Tatii mokolo! Tatii mokolo! twee kalibu kokwaa!'' Nakobyokanga nee kokemeanga lobee nee mawimbi mee machee nakonyameanga na kungwa nee kinyanya. ²⁵ Lukinee nakoba saolelanga,'' Ibae linu lyee koni? nakotenanga, nekoshangala, nekochanga kila amosa nee munjini akee,''Ona ni nanii, kiasii ingwa osochanga nanii lobee, nee machee nee komotena?'' ²⁶ Nakolelanga kokalya kee Gerasini kee banga yee komongo kwee Galilaya. ²⁷ Yesu aikangee nee kwinya kwenee matekee, mondo omo kotokanga kokalya, nakukuombakana nakee, nee ona mondo obechangee nee mwechowee ikunyee. kwee kyunda kelee kelee obechangee kotasii ngubwa nee ndabechanga mukuchikananga lukinee kondabo, kobobo uchikanangee kutubulii. ²⁸ Amonanga awee Yesu nakolelanga kwee chukii, na kokelanga, kwee chukii lekatala nakochanga, nasoketa ekee kwao, Yesu mwana wa Filenyambee wee kwiyolo? Natwiyaya, ndekongomoa mee.'' ²⁹ Yesu nakotosanga lobee lwabea kotokanga mondo olya, kwee komona turu chabua usumulisa, nanii ingwaa obechae osokakwa mikuu nee kokakwa nee kobekwa osee nekuchungwa, nakobembanga michii nee kusukulwa nee lobee mpaka haomee. ³⁰ Yesu nakomobochanga, ''China lyao ni nanii?'' Nakomosaolela nakocha,'' Legioni'' kwee komonanga lobee lwabua lusuingetanga kwakee. ³¹ Nakoyelela kumwiyayea ndatotomaya kwenee kina. ³² Ketongo kyee ngobee lebechangee mukuchunga monganda mwee kembee, nakumwiyayea obatomangee baningelangee kuchia ngobee. Nakobatomanga koketa bobo. ³³ Kobobo chia lobee nakomolanga mondo olya nee kuingelanga kuchilya ngobee, nee kelya ketongo nakochokanga monganda mwee ketoho mpaka mwichiba nee kuina momo. ³⁴ Balya bando babechangee mukuchunganga chilya ngobee amonangee bya olelangee, nakochokanga nakohocha ilongoo alya mokalya nee anjee yee kalya kabakombyanga. ³⁵ Bando haungwangee abo bibi nakoyechanga kwamonee kya olelangee, na kobechanga kwa Yesu nee komomonanga mondo wabechangee nee lobee lwabechangee mokomolanga. Obechangee mokobwalanga bwachii nee wee lokani lwa mana, nakuchikananga momendee cha Yesu, nee batenangee. ³⁶ Indee amosa wabo ani onangee kya olelangee nakonjanga koba saolelangee bakinee bwee ona mondo obechangee moko ongogwanga nee lobee nakoponanga. ³⁷ Bando basee bee tolyaa twee Wagerasi nee mbanga bamokombya nakoengelanga Yesu otokee kwabo kwe komonanga babechangee nee bobaa bokatala. Tena nakuingelanga mobwato indee otokee. ³⁸ Mondo olya waolwangee nee lobee nakumwiya yela Yesu koyechanga nakee, kobobo Yesu nakomosa olelanga oyakee nee kochanga, ³⁹ '' Otokanga kondabo yao nee obalekangee bilya bisee ingwaa Filenyambee okoketelanga'' Ona mondo nakolanga, nekotangazanga kosee monda mwee kalya kasee bisee bilyaa indee Yesu waketangee kombanga yakee. ⁴⁰ Na Yesu nakotokangaa, ketongo na komokaribishanga, kwee komonanga basee babechangee mokomweendechanga. ⁴¹ Lolanga nakobaka mondo amosa waitanibwa yairo nee amosa asambanga batongozanga monda mwee nisaa yairo na kokelanga momendee chaa Yesu nee kuiyayaa oyakangee kondabo yakee. ⁴² Kokomonanga obechangee nee mwana wee kiyana mosaa tu, wenee keema ku miaka ikumi nee chibelee, nee obechangee monda mwee alilee kokwaa. Nee obechangee mokoya, ketongo kebechangee mukuisenea koetanga awee. ⁴³ Mwana mokachii wee kolanga masii monda mwee miaka ikuminee ebee obechangee olya nee kotomekesa falanga chisee kobanganga, kobobo kusii waponanga nanii amosa. ⁴⁴ Nakobakanga komongo kwa Yesu nee kokwatonga kosee kweenguo yakee, nee gafula kolangaa masii nakolekea. ⁴⁵ Yesu nakochanga,'' Nanii indee osongwatanga?''Nakotonanga basee, Petro nakochanga, Tatii mokolo, Ketongo kyee bando basukusukula nee kokobananga.'' ⁴⁶ Kobobo Yesu nakochanga, '' Mondo amosa ongwatee, indee nachebee mwecho nakongola kwanee.'' ⁴⁷ Mwana mokochii omomangee indee ndakaobee kuisekanga keketebee, nakuanja kochanja, nakokelanga osee kombola kwa Yesu nakochanga kombala kwee bando basee koekee omokuatangee nee bwaponanga awee kwee lobeo. ⁴⁸ Kobobo, nakochanga nakee,'' Maseka, Ibae lyao lyokoketanga ungwee mwecho. Yaka kwee Ibae.'' ⁴⁹ Abechanga mokoyelelanga kochaa, mondo omosa nakobechanga kolanga kondabo lee otongonzanga ketongoo, nakochanga,'' Mwana wao wee moseka osokwaa, ndekomosango changa mwalimu. ⁵⁰ Kobobo Yesu haungwanga awee bobo, nakumufibianga,'' ndekotenanga, Inieya tu, nee otaokolewangee.'' ⁵¹ Bobo aingelanga koenandabo, mdatoma mondo osee kuingelanga amosa nakee, etasii Petro, Yohana na Yakobo, Isakee wakee moseka, na inakee wakee. ⁵² Bobo bando basee babechangee mokosekanga nee kochanga chukii kombanga yakee, kobobo nakochanga,'' Moketanga mochoo, ndanakwechanga, kobobo osokesanga tu. ⁵³ Kobobo nakomosekanga kwee komozanu, bakechebanga itee osokwaa. ⁵⁴ Kobobo awee, mokomokwata moseka kobobo, nakuitana kuchukii,'' Mwana, byokaa'' ⁵⁵ Motema wakee nakomotokea, nakobyoka saa yakee elya. Nakokotomanga indee, wechwee kemofulamii kwee ite olyee. ⁵⁶ Baisakee wakee nakoshangalanga, kobobo nakoba sa olelanga baochanga komondo kebechangee mukwiyocha.