¹ Wakati Yesu kusilanga kila kelemo kebechangee mokocha kobando bamwilwichangee, nakuingela Kapernaumu. ² Machaa omo wee akida, wakondangee wee chamani koeta kwakee, wabechangee molwachii koeta nee obechangee karibu nee kokwaa. ³ Kobobo obechangee ukyiingwanga bya Yesu, olya okida nakomotomanga kiongosii wee kiyaudi, komwengela obee kwa okoe mocha wakee bobo ndakwechaya. ⁴ Aolelanga karibu na Yesu, nakuiyaya kalibu na Yesu, nakumwiyayea kwee kosasi moka nee kochanga,'' osekwee indee otopaswa koketanga bobo kombanga yakee. ⁵ Kwe komona otolekonda mosengee wakee, nawee wayenga kanisa kofaida yito.'' ⁶ Yesu nakoyelela nee lwendo lwakee amosa nabo. Kobobo ingwa ndanaya njoo nee ndabo, afisa omosa nakobatomanga sambee nakee kochanga nakee,'' Tatii, ndekuisongochanga awee mwenee kwekomonanga mee sotoeneanga awee kuingelanga kondabo yanee. ⁷ Kwe komona bobo sachebanga itee mee mwenee kungwa natolengama kobechanga kwao, kobobo ochanga ikomo lesee nee mochaa wanee otaponangee. ⁸ Kobobo mee nee mondo wabekibwanga kwee bolombee nee nenee basola mosee mwanee, natochanga koonaa'' Yakaa'' nee kayechangaa, nee kukinee,'' indee'' nawee nakobechanga, nee komondo wee melemo wanee'' ketanga bibii, nawee nakoketanga.'' ⁹ Yesu haungwanga awee bilya nakoshangaa, nee kobatukea kitongoo babechangee mokomofatanga nee kochanga,'' Natoba saolelanga, nanii monda mwee Israeli, sina momanga wee ibae lekatala bwee ona. ¹⁰ Bobo balya babechangee botomwee nakotokanga kondabo nee komobanga mochaa wee mwecho. ¹¹ Omo kisha bibii, nakolanga ingwa Yesu obechangee molwendo koya kalya kaitanibwangee naini, banafunjii bakee nakoya omosa nakee mokochanga nee ketongo kyee bando. ¹² Alelanga karibu nee mukinda wee kalya lolaa, mondo wekwaa wabechanga mokwendwaa, nee mwa na omosa kwa inakee wakee. obechangee moyanii, nee ketongo wee ndomwaa kolaa kwenee tolyaa babechangee amosa nakee. ¹³ Komo kengeyela, Tatii nakomoyelaa kwee lokwaa lokatala koeta monganda mwakee, nee komosaolelanga; ''Ndolelaya'' ¹⁴ Bobo nakuisenanga kombala nekokwata yenesaa lendangee nakuimanga nakochanga '' Kiyanaa natochaa byokaa'' ¹⁵ Mondo nakotalokaa nee kuchikamanga asee nee koanjanga kochaa. Bobo Yesu nakomwabechanga inakee wakee. ¹⁶ Bobo bobaa nakobachekya basee, nakoyelela kosekaa Filenyambee nekochanga'' Ngochii mekatala esooleswaa asamba baee'' nee'' Filenyambee otobalolaa bando bakee.'' ¹⁷ Lelee ilongo lyachii lya Yesu nakweneanga Yudea esee nee tolyaa tosee twee sambee. ¹⁸ Banafunji ba Yohana nakomosa olelanga mianda chichii chisee. ¹⁹ Bobo Yohana nakobaitana babelee bee banafunji bakee nee kobatomanga kwee Tatii nekochanga '' Awee naolya omokobaka, ao kwee mondo ukinee tomokwendechanga? ²⁰ Aolelangee kalibu na Yesu baba nakochanga, ''Yohana mubatizaji osototoma kwao kochanga, awee nee olya omokobaka ao kwee mondo ukinee omokoendechwa?'' ²¹ Kosaa ona nakoponyanga bando babula kolanaga monda mwee bilwachii nee bisongochwa, kolanga kwee lobee lwabea, nee kobando babechae mbufu nakobacha komona. ²² Yesu nakobajibia nee kochanga nabo,'' kisha kuingwa mosoyakanga kwa olangee banu mota mosaolelee Yohana kyomonanga banu nee kukyungwa.Mbufu bingaba biswenda, benee bochaa baosokokaa. Batasii kungwa basungwanga bakwee baochekoka nee kungwa mwecho lukinee, bakenee baso saolelwailongo lyachii. ²³ Nee mondo ingwa ndakalekee kungimenya mee kwekomona biketee byanee osobalikiwa. ²⁴ Ingwa nee balya batomibwanga na Yohana kotokanga kwatokangee, Yesu nakoanjanga kocha koketongo juu ya Yohana,'' Moyelee anjee kwa lolee ekee, motonga kwagwanga mukuchingwa nee lobee? ²⁵ Kababo moyelee anjee kualolangee ekee, mondo obwalangee bwachii? lolangaa bando balyaa baobwalanga ngubwo chee bwamee nee kuishi maisha mee machii bee mwiboa lee bamee. ²⁶ Kobobo motoyaka anjee kwamonee ekee, mosaolwaa? Bobo, natochanga ninuu nee koeta sana kotasii mosa olwa. ²⁷ Ona nawee wandekwangee,'' lolaa, nasomotonga njumbee wanee kombala kwee miso mimu, otasangyee njela kwe sababu yanee. ²⁸ Natochaa kwinu, osamba balya babotibwane nee mwana mokachii, kusii mokolo bwee Yohana, kobob momdo otasii iyayaa koeta otachi ikanangee na kakua iboa letahungwangee awee, otaungwee mokolo koeta Yohanee.Kobobo mondo otasii maana koeta otachikanangee awee angaa na Filenyambee iboa lelewee, otaungwee mokolo kotasii Yohana.'' ²⁹ (Nee bando basee aungwangee abobibii amosa nee batulipesa molambo, nakopashanga itee Filenyambee nee wee sambo. ³⁰ Kobobo mafarisayo nee benganii bee sambo bee keyaudi, sambo bee keyaudi, indee ndebabatizwanga na awee nakokonanga lokanii lwa Filenyambee kosababu yabo benee. ³¹ ''Lukinee natopashanga kobalengamisa nee ekee bando bee ibota lelee? nee batolengama nee ekee? ³² Batolengama nee banaa batwanyama kwenee iboa lee kituka, batuchikananga nee kuitanechanga omosa kisha ukinee nekochanga, tusuyechanga filimbi kosababu yinuu, nee ndemwakachanga. tosobalekya nee ndemwalelaa. ³³ Yohana wabatizanga nakobechanga kotasii bolya mukatee nanii kosolaa divai, nee mochangee,'Ndasii nee lobe. ³⁴ Mwana wee mondo osobakanga osolya nee kosola nee mosochanga, ''okee nee mlafi nee mosolii, nafiki wee batulipesanga melambo nee benee bwabea! ³⁵ Kobobo lokanii lotochebekana kungwa lwee sambo kobana bakee basee.'' ³⁶ Omosa wee mafarisayo nakomwengela Yesu oyee kwalichee nakee amosa nakee. kisha Yesu kuingelanga kondabo yee mufarisayo, nakweyama komeza itee olya. ³⁷ Lolao kobechangee nee mwana mokachii omosa monda mwee kalya kalya wabechangee nee bwabea. nakufumbula kungwa wabechangee mukuchiknanga nee mafarisayo, nakobesanga ichopa lyee marashi. ³⁸ Nakuinmananga komongo kwakee wakee amosa nee mendee chakee koko mokolela. lukinee nakoanjanga kotobesaa mendee chakee nee kuchilisaa malashi. ³⁹ Nee olya mofarisayo wabechangee mukusielela Yesu amonanga awee bobo, nakowazanga awee mwenee nekochaa, '' ingwa ona mondo ungaungwa nabii ungachebanga ona nee nanii nee mokee mwana mokachii itumugusanga, kwekomonanga nee wenee bwabea. ⁴⁰ Yesu nakochanga nee komosaolelanga'' Simoni nenee kemo kyee kokosaolelanga. '' Nakochanga'' '' ochange tu mwalimu'' ⁴¹ Yesu nakochanga '' Kobechangee nee batokendana babelee kwee mokopesii omosa, omosa obechangee mokokendwaamakota mia chitanu nee wee babelee okendibwangee makota makumi matanu. ⁴² Nee abechangee basii nee makota mee kumulipanga nakobakwea basee lokwa. Sasa ni nanii otamokondangee koeta? ⁴³ Simoni nakomosa olelanga nee kocha,'' Natuninga otokweanga lokwa koeta.'' Yesu nakomosa olelanga, '' Utulipesanga kwee sambo.'' ⁴⁴ Yesu nakumutukea mwana mokachii nee kochanga kwa Zimoni,'' otomomonanga ona mwana mokachii. Nasuingelanga hondabo yakee. Ndwangabela machee juu yee mendee chanee, kobobo ona, kwee misochii chakee, osotobechanga mendee chanee nee kufuta nee sokee chakee. ⁴⁵ Ndwangwatanga, kobobo awee, tangia wingelangee momo ndalekela kokwatanga mendee chanee. ⁴⁶ Ndwalisanga mendee chanee kwee makuta, kobobo usulisanga mendee chanee kwee ilumba. ⁴⁷ Kwee ikomo lelee, natokosa olelanga itee obechae nee bwabea bwabua nee osokwelangwa koeta, nee indee okondee koeta, kobobo otokwelwa lokwa lokekee, otokondanga nosoo tu.'' ⁴⁸ Kobobo nakomosa olelanga mwana mokachii,'' Bobee bwao bosokwelwanga lokwa.'' ⁴⁹ Bolya bachikanangee komeza amosa nakee nakoanjanga kobochananga asamba abo,'' Ona ni nanii nanii osochanga byee bwabea?'' ⁵⁰ Na Yesu nakomosa olelanga mwana mokachii,'' Moema wao osokolocha. Yao kwee nyaa.''