¹ Yesu nakololanga nakobamonanga babalome babechanga bana bakachi zawadi yabo kwe kobekanga akiba. ² Nakomonanga muyane omosa mukeni mokobekanga tombala mala tobelee. ³ Bobo nakochanga,'' kine kine natoba olelanga, ona muya ne mokeni osobekanga byabula koetanga bakine basee. ⁴ Baba basee basoochanga bibi byani bwanga kolanga monda mwe byabula bibechangee nabo. kobobo ona muyane, monda mwe kokena kwake, osochanga makota masee mabechangee nake kwe kolenga mwecho wake.'' ⁵ Saa bakine abechangee abo mokachanga monganda mwe ndabo ya kakua, kolengana bobechangee sengibwanga na mabwe machi ne sadaka, nakochanga, ⁶ '' Kwe ilongo lee mianda chichi chitomonanga banu, masu matabechangee ungwanga kusi ibwe lemosa indee letasalee monganda mwe ibwe likine ungwanga likabondolibwangee.'' ⁷ Bobo nakomobochanga, nakochanga, '' Kiongosi, mianda chichi chita olelanga boni? ne ekee keta ungwangee alama ingwa chichi mianda chee kalibu kolelanga? ⁸ '' Yesu nakochanga,'' mungwee angee ingwa mongibwanga kwe komonanga babula batabechangee muchina lyane, nakochanga, meno nawee, ne masu masolelanga mobafatanga. ⁹ Mwasungwa bitu ne mocho motenanga kwe komonanga chi mianda indee cholelangee kombala, kobobo kumwisho kuka olalangee lobelo.'' ¹⁰ Kobobo nakobasa olelanga,'' kabila kataemokee kututananga na kabila kakine, ne bolombee monganda mwe ukine. ¹¹ Kotaungwangee ne motekumo mako mako, ne nyala ne komaa monda mwe mesenge chabila. kotaungwangee ne byolibwe bye kuchingya ne mayabu me kuchingya kolanga konganda kwe mosenge wa kakua. ¹² Kobobo ungwanga mianda chichi chise, batebekangee mesani chabomonganda mwinu ne kobasongachanga, kobachanga kwe tunisa ne bitakoyolo bye kufungwa, kobabesanga kombala kwebaha mee ne bene ufalume kwe komonanga lee china lyane. ¹³ Lelee letabachibolelangee nyela kwe byochangee binu. ¹⁴ 14 Kobobo mochangee mometema chinu kotasi kosangyanga mocha chinu mambombee, ¹⁵ Kwe komonanga ndabaechangee micha ne lokani, ingwanga baenga nee ninu basee bakaobangee kokona ne kotonanga. ¹⁶ Kobobo motakonibwe indee ne bahisinu, babotwanga ninu, ne jamaha chinu ne bakondwa binu ne batabachiangee sambe ninu. ¹⁷ Motanibwangee ne kila omosa kwe komonanga bolombe kwe china lyana. ¹⁸ Kobobo kusi nani losokee lomosa lwe metwee chinu lotachimbelangee. ¹⁹ Monda mwe kokobya ibae motaponyangee mwecho winu. ²⁰ Atamonangee yelusalemu esokombibwanga ne basola, indee mochebangee. ²¹ Ana balya bekoko kuyundea bachokelangee kumilima, ne balya bekoko mwingya mwe tolya batokangee, ne mobasihaya bekoko motolya kuingelanga. ²² Kwekomoa ena ne masu mekotoselanga bwabea, indee ungwanga mianda chise chande kangee lelee mokoketibwa. ²³ Lokwa ne kobalya bekoko ne mahemee ne kobalya bemokonyomesanga monda mwe masu mama! kwe komonanga kotaungwangee ne bisongocgwanga biko biko monganda mwe mosengee, ne bisongochwa kobantu baba. ²⁴ Ne batakeangee kwe boe kwe kipanga ne kubindibwanga mateka ne mesenge chise, ne Yerusalemu etaihinyibwee ne bantu be mesengee, kobonga masu me bantu be mesenge atabongelanga. ²⁵ Kotaungwangee ne kaseba monda mwe choba, sangee ne sokota. ne monda mwe mosengee kotaungwangee ne bisongochwa bye bantu be mosengee monda kobebanga tumaini kolana ne melelechi we lwalaba ne ikuye lyake. ²⁶ Kataungwangee ne bantu bakifutelanga kwe boba ne monda kolendechanga mandala etabechangee kolanga monganda mwe kosengee kwe komonanga mwecho we kweyolo etachinganangee. ²⁷ Bobo batamonangee mwana wa bando okebechanga kwiyolo monda mwecho ne kaseba kakatala. ²⁸ '' Kobobo miandala chichi atanyangee kotanga, mwimanangee, kwimanesanga metwe chinu, kwe komonanga kokombolibwaunga kwinu usuisenanga kalibu.'' ²⁹ Yesu nakoba saolelanga kwe mifano, '' lolanga motee, ne metee chisee. ³⁰ Esochanga bichipokwa, mota unona nangee banu bene ne kochebanga indee ketongananga kisuisangya kye kamwisena. ³¹ Bobo ne bobo, atamobangee miandala chichi chisolelanga, banu kakua buswikuanga. ³² Kine kine, natoba saolelanga, ibotanga lelee likaetangee, indee miandala chichi chisee chitaolangee. ³³ Kobobo miandala chane chikaetangee kine kine. ³⁴ Kobobo mwilolangee banu bene, indee ingwa metema chinu chibechanga koendanga ne bobee, kokolwa, ne bisongochwa bye maisha mama kwe komonanga loa lusu lotabechangee kusitowa. ³⁵ Bwe kalesa kwe komonanga etangawangee monganda mwe kila omosa utungwanga monda mwe mosenge osee. ³⁶ '' Kobobo mwe mwema esee saa, mwengelangee indee motaungwangee mwema kine kweneanga kocokanga bibi bisee bitaolelangee, ne kuimananga kombala kwe mwana we mondo ³⁷ Bobo saa ye monyanya obechangee mukufundosanga kokanisa ne butu olalangee auyee, ne koyechanga kwashindangee monda mwe milima utwitanibwanga we mizeituni. ³⁸ Bantu basee nakomobelelanga mambombe ne kokya indee kumwiluichanga monda mwe ndabo ye kakua.