¹ Nebee, tosoanjanga kuisekanga baibene lukine? Totokondanga barwa ao kulanga kwinu, ingwanga kitokoyolo kyo bantu, ekee toto kondanga? ² Banu benee ne barwa li lee kuisekanga, liandekwangee kwee metema chinu, etochebekanga ne kosomwanga ne bantu basee. ³ Ne mosomoesanga ingwa banu ne barwa kolanga kwa Klisitu, yaochibwanga nito. Yande kwanga kotasi kalamu indee kwe motema wa Filenyambe wee mwecho. Ndeya andekwanga monganda yee byelee bye mabwee, inde monganda mwe byelee bye metema che bantu. ⁴ Ne ona na mwecho wee nito nawo monda mwa Filenyambe koetelanga Klisitu. ⁵ Tutuisingekanga baibenee kwee kokondanga besee ingwanga kiolangee kwito. Kisha awee, kuimenyanya kuito kotolanga kwa Filenyambe. ⁶ Ne Filenyambe awee watoketanga tobangee kungwanga basa olelwa bee kitabu keya keya. Pelee ne ikomo etasi lee mokanda indee ne lee motema. Kobobo mokanda utuchianga. Kobobo motema otochanga mwecho. ⁷ Kobobo mwemo we kokwechanga ebechangee esosengwanga ebechangee esosengwanga monda mandiko monganda mwe mabwee yabechanga ko hali lee mwecho ingwanga bantu bee Israeli ndebalolanga omosa kwe omosa puluko lya Musa. Enee ne kwe komonanga lee mwecho we puluku lwake, mwecho ingwanga obechangee usuikanga. ⁸ Ekee, molemo we motema ekaungwangee ne mwecho koetanga? ⁹ Kobobo ingwanga molemo lee malipiso ebechangee ne mwecho, ne turu chingo koetanga molemo yee sambo kongesanga koeta monda mwe mwecho! ¹⁰ Ne bobo ingwanga, kelya kya ketibwanga mwecho kombala ketasi mwecho lukine monda mwe kotemwanga kuko, kwekomonanga kwe mwecho osonge zekanga. ¹¹ Kobobo ingwanga keya kyungwanga kesoetanga kebechangee ne mwecho, ne kokadili keni koeta kelya ingwanga ne kye molemo. Keta ungwangee nee mwecho. ¹² Kobobo tusuionenyanga obo, twenee mwecho koetanga. ¹³ Tusi bwe Musa, wabekangee mokanda monganda mwe puluko lyake, ingwa bobo bantu bee Israeli bahobanga obechangee oso olanga. ¹⁴ Kobobo bichebangee byabo bibechange bufungwangee. Nani bobo masu mama mwemo olya olya indee osalanga monganda mwe myocha ehee ikomo lee kalee. Inabe kuonga bololo, kwe komonanga ne monda mwe Klisitu ikesaa esolalwanga njoo. ¹⁵ Kobobo nani leno, saa esee Musa asomwanga, ikomo nakosalanga monganda mwe metemo chabo. ¹⁶ Kobobo montu nda sutu lukanga kwa Tati, ikomo lestoswanga. ¹⁷ Bobo mulume ne motema. Kwee ne motema wa Tati, kusi mianda. ¹⁸ Bobo bae basee, amosanga ne ngebo chinu chitasi kobekibwanga bololo, omonanga mwecho wa mulume. Tosoba dilishwanga monda mwe kononekanga olya olya mwecho kotokanga kolapeswanga emosa yee mwecho koyechanga kukinee, ingwanga ebechangee kolangaa kwa mulumee, awe ne motema.