¹ Kobobo nakwatange kwe keba kyane mee mwenee ingwanga singebechange lukine kwinu monda mwe ali lee kochabwa. ² Ingwa naba songochangee banu bichabwangee , mi nani ungambendesangee nee, ingwanga ochabiwangee nanee? ³ Nandekanga ingwanga naketanga ingwanga indee saa etabechangee kwinu siketange kochabwanga ne balya indee banga ingwanga basongetanga kememo. Nenee mwecho kwa jili yinu basee ingwa kememo kyomee ne kememo kelya kelya kyenuni banu basee. ⁴ Kobobo nabandeke langee banu komonanga ne bisongochwanga bikatala, ne mateso me motema, ne kwe miochi chabula. Sa kondanga kobasongchanga banu bichabwangee, kisha awe, nakondangee mochebangee upendo wabechangee kobanu. ⁵ Ingwanga kwee osee ososochwanga bichabwangee, bina songochanga tu nanee, kobobo kwe kipindi kemo, bila kobekanga bobango koetanga kwinu banu basee. ⁶ Bibi bisongochwanga byee mutu ona kobabula biso eneanga. ⁷ Kobobo indee kisha malipizi, motopaswanga komokwee lokwa ne komo abelanga ibae. Moketangee bobo ingwanga indee nda kotwananga ne bichabwanga bye koetanga. ⁸ Kobobo nasobatechanga motema kwebonge nzanga bikondwanga binu anjee kwee banga yake. ⁹ Ema indee sababu nandekanga, indee ingwanga naobangee kobapimanga ne kochebanga kunywanga bwe be kuikyanga monda mwe besee keemo. ¹⁰ Ingwanga mota mokwelangee osee, na mee indee ndomokwelee lokwa mutu ona. Kelya kesosameanga mee; indee nasokwelanga lokwa kesee kesokwelanga lokwa kwe faida yinu monda mwe mwecho wa Klisitu. ¹¹ Ena ne ingwa Shetani ndabechanga kotoketanga manu. Kobobo bae tusi batasi lokani kunipango chake. ¹² Mukinda ufungu kwangee kwanee na Tati abechangee mee kalya kee troa kosaolelanga ikomo lya Klisitu alya. ¹³ Nani bobo, sabechanga ne nyaa nane Tito alya. Bobo nabale kelangee ne kotokanga makedonia. ¹⁴ Kobobo Osekangwee Filenyambe, ingwanga monda mwa Klisitu mala esee otoangwechanga bae monda mwe kushindanga , koetelanga bae omwangasanga ilumba liachi ye misinga chaake iboa lesee. ¹⁵ Kobobo bae kwa Filenyambe, ne iluomba liachi lya Klisitu, basee asambanga balya batosangwanga ne asmbanga ne balya baso songochwanga. ¹⁶ Ko bantu indee baosongochwanga, ne ilumba kolanga Kokwa hadi Kokwa kobalya baotoswanga ilumba liachi kolanga mwecho hadi mwecho. Ni nani otweneanga byemo bibi? ¹⁷ Kobobo bae otasi bwe bantu babula basolanga ikomo lya Filenyambe kwe faida. Kisha awe, kwe bwachi bwe lokani, tosoochange monda mwa Klisitu, ingwanga bolya bosotomwanga kolanga kwa Filanyambe, kombala kwa Filenyambe.