¹ Omw'oku, bene wirhu, mushagaluke muli Nnahamwirhu. Okubayandikira byona birya kurha mbulisizi murhula, ci kwa bashinganana mwehe. ² Mumany'ebibwa, mumanye enkola maligo, mumanye n'aba cilahire. ³ Bulya rhwehe rhuli Tohara, rhwe rhucikumba Mungu n'emirhima yirhu, n'okubona efahari enyanya lya Kristo Yesu, rhurhana langaliri omubiri. ⁴ Cikwone nyehe nanka hashire oku langalira omurhima. Omuntu yeshi yeshi nka akacibona oku agwerhr cankarhuma alangalira omubiri, nyehe bwenene kulusha. ⁵ Natahiriwa olusiku lwa kali munani, ali muntu w'olubaga lw'e Israeli, w'akabila ka Benyamini, Mwebrania w'a Baebrania, enyanya ly'emyanzi y'okulama e torati, ali Farisayo. ⁶ Oku myanzi y'obu shibirizi, olya oka bulisa enyumpa ya Lulema omurhula, oku myanzi y'okuli kubonekana oku sheria ntaligwerhe . ⁷ Cikwoki bilya bintu byali bunguke emwani, nabingajire nka bushereze enyanya lya Kristu. ⁸ Nantyo, enyanya ly'okwo, nganjire ebintu byoshi kuba bushereze enyanya ly'obwinja burhagwerhi lugero bw'oku mumanya Kristu Yesu, Larha wani, olya kugerera ye napasire obushereze bw'ebintu byoshi omu kubibona nka mazi ly'o pata Kristu; ⁹ Na kandi mbonekane omu ye, ntabe n'okuli kwani nyene ebonekana okw'irhegeko, ci kulya kubonekana oku bwemere buli omu Kristu, kulya okuli kurhenga emwa Mungu, oku bwemere. ¹⁰ Lyo mumanya ye, n'obuhashe bw'okufuka kwage, n'obushange bw'amalibuko gage, nka shushanyibwa n'okufa kwage, ¹¹ Ly'ompata oku njira yoshi yoshi okuhikira ciyama y'abafu. ¹² Arhali mpu nahisire, erhi nkola mwimana; Nanga! Ci nsezize olugenzi lyo mpasha oku seza bilya enyanya labyo nsezibwe na Kristo Yesu. ¹³ MWene wirhu, ntacirhanyizi omu nye oku nkola nsezie; ci ndi nakola kantu kaguma kone; omu kuyibagira ebiri nyuma, n'oku shimbuliriza ebiri embere; ¹⁴ nsezize olugenzi mpikirire mede ye noro y'omwito mukulu gwa Nnamahanga omu Kristo Yesu. ¹⁵ Omuntyo rhwe rhuli bimana rhurhanye ebyo; na ciru mw'anka rhanya okundi omu ngasi kantu, Mungu abafunulira okwo nako. ¹⁶ Cikwoki, aho rhuhisire rhugendekere omw'oko. ¹⁷ Bene wirhu, munshimbulire, musingirize balya bagenda omu kushimbulira omufano rhwabahire. ¹⁸ Bulya banji bagenda, balya mbabwira ngasi mango emyanzi yabo, na lero mbabwire ciru n'oku milenge, oku bali bashombnyi b'omusalaba gwa Kristu. ¹⁹ Obuzinda bwabo kuli kusherera, mungu wabo eli nda, obukuze bwabo buli omu biba bonesa nshonyi, bacifinja ebintu b'igulu. ²⁰ Bulya rhwehe, emwirhu eli empingu; kurhenga yo kandi rhulangalire omu cunguzi, Larha Yesu Kristu. ²¹ OLya wana hindamule omubiri gwirhu gw'obuzamba, gushushe omubiri gwage gw'obukuze, oku bulya buhashe bwanka rhuma ayobohya ebintu byoshi bibe edako lyage.