¹ Yezu, aliyunjwire muka mucesibwa, omu kurhenga omu yordani, na muka anacimuyerekeza omw'irungu, ² omwo anacirhangulwa n'omushombanyi nsiku makumi gani. Arhalyaga bici omw'ezo nsiku, na, enyuma z'okugera kwezo nsiku, ashalika. ³ Omushombanyi anacimubwira: mpu nkaba onali mugala wa Nnamahanga, orhegeke er'ibuye guhinduke mugati. ⁴ Yezu anacimushuza: mpu biyandisirwe: ok'omuntu arhankalama oku mugati gone. ⁵ Omushombanyi, anaci muyinamula, anamuyereka omw'igohya liguma amami goshi g'omwigulu, ⁶ N'oku mubwira: nakuha obuhashe bwoshi, n'oburhwali bwoshi bw'ago mami; bulya bagampire, na nani nanagaha oyu nsimire. ⁷ Erhy'ankaba waka fukama embere zani, byoshi byankabire byawe. ⁸ Yezu amushuza: erhi biyandisirwe: oku wacikumba Nnamuzinda wawe, n'okumukolera yenene. ⁹ Omushombanyi ashubi muheka e Yerusalemu, anacimuheba enyanya ly'omunara gw'ishengero, anacimubwira erhi: nkaba oli mugala wa Nnamahanga, ocikwebage aha okwidaho; bulya biyandisirwe: ¹⁰ Oyishi rhegera ba malaika enyanya mpu bakulange; ¹¹ N'oku bayishi kugwarha omu maboko, ly'okugulu kwawe kurha sarhale okw'ibuye. ¹² Yezu anacimushuza: erhi bidesirwe: orha rhangulaga Nyakasane, Nnamahanga wawe. ¹³ Enyuma z'okumurhangula omwezo njira zoshi, omushombanyi anacija kuli naye kuhika amango ga kwanine. ¹⁴ Yezu ayambire obuhashe bwa muka, agaluka e Galilaya, n'irenge lyage lya lumira omu cihugo coshi n'eburhambi. ¹⁵ Akayigiriza omu mashengero, n'abantu boshi baci takira ye. ¹⁶ Anacija e Nanzareti, eyo yo alereragwa, n'oku bwanali bw'orhere bwage, anacidaha omw'ishengero olusiku lwa Sabato. Ana yumuka mpu asome, ¹⁷ banamuha e citabu c'omulebi Isaya. Acibungula, anarhingana aha bayandisir'erhi ¹⁸ Muka gwa Nyamuzinda ali kuli nie, bulya anshizire mpu nyalagaze omwanzi gw'akalembe oku barha cihashiri; antumire oku nfumye balya bagwerhe emirhima yavunisire, oku yalagaliza abashweke okushwekulwa kwabo, n'emihurha okubona kwabo, n'oku likula abagogomirwe, ¹⁹ Oku yalagaza omwaka gw'olukogo lwa Nnahamwirhu. ²⁰ Kandi, anacibunga ecitabu, acihereza omukozi, n'oku dahala. Abali om'ishengero boshi bamu seza kw'amasu. ²¹ Lero arhondera ababwira: ene ogu mwanzi gw'amandiko, ogu muyunvirhe, guhikirire. ²² Boshi bakagimuhamiriza; basomerwa n'emyanzi y'olukogo yakagi rhenga omu kanwa kage, n'oku derha mpu: karhali mugala wa Yosefu? ²³ Yezu ababwira: buzira karhinda mwayishi kanjirira ogu mugani: we mufumu cibuke wene; na kandi mwa yishi kambwira: jiriraga hano, omu cihugo cawe, bilya byoshi rhwayunvirhe wakagi jira e kapernaumu. ²⁴ Cikwone ayushula erhi, mubwizire okunali, nta mulebi bayankirira bwinja omu cihugo cage. ²⁵ Mubwizire okunali: hâli bakana nkana banji omu Izraeli omu mango ga Eliya, amango empingu yayigalagwa myak'isharhu na miezi ndarhu hanaba ecizombo om'wigulu lyoshi; ²⁶ Nago mango Eliya arha rhumiragwa ciru n'omuguma wabo; nkaba emwa mukazi muguma wa mukana, we Esarepta, omu cihugo ce Sidoni. ²⁷ Yali nab'ebibenzi banji omw'Izraeli omu kasanzi ka Elize, mulebi; n'omwako kasanzi ntaye wanka fumire, nkaba arhali Naamani we Siriya. ²⁸ Abali omu cishagala boshi omutula gwana bagwarha, erhi bayunva ebyo byoshi. ²⁹ Banaciyimuka, banacimuhinva omu lugo lunene, n'okumuheka kuhika okw'irhwerhwely'entondo kw'olo lugo lunene lwali yubakirwe, buzinda bamubulundulire idako. ³¹ Anacihonokera e Kapernaumu, lugo lunene lw'e Galilaya, anayigiriza, olusiku lwa sabato. ³² Basomerwa n'obworhere bwage; bulya akagi derha n'oburhwali. ³³ Anacibonekana omw'ishengero omuntu waligwerhwe n'omuzimu mubi, n'oku ka hamagaza n'izu linene: ³⁴ Ah bici rhufaninwe, Yezu w'e Nazareti? ka wayishire mpu orhuheze. Manyire wendi: muka gwa Nnamahanga. ³⁵ Yezu amushoholera, aderha: hulika, rheng'omoyo muntu. n'oyo muzimu amukweba aha karhi kw'olubaga n'okurhenga muliye, buzira okumujira ciru n'okubi. ³⁶ Boshi basomerwa, n'oku bwirana bone na nene: mwanzi muhyugo? ali arhegeka n'oburhwali n'obuhashe oku bazimu babi, bana rhenga. ³⁷ N'irenge lyage lya yalagala omu cihugo coshi. ³⁸ Omu kurhenga omw'ishengero, anacija omu nyumpa ya Simoni aligwerhe n'ishushirwa, bamuhuna oku bunguke bwage. /v 39 Amuja ho anacishoholera lir'ishushira, n'ishushira lya murhenga ko. Ho naho anaimuka abarhabala. ⁴⁰ Enyuma z'oku zikirira kwizuba, balya boshi baligwerhe abalwala baligwerhe n'endwala za ngasi lubero baka mulerhera bo. Akaheba ngasi muguma kwa maboko, n'oku bafumya. ⁴¹ Abazimu nabo bakarhenga omu bantu n'okuyakuza n'oku derha: oli mwene Nnamahanaga. Cikwone akabashokolera arhalonzagya bakaderha. bulya bali manyire oku ali kristu. ⁴² Erhi olusiku luhika, arhenga aja ahantu haguma h'irungu, olubaga lwa bantu lwanacija lwamulonza, n'okuhika ahali, balilonzize bamugwarhe, mpu aleke okucigenda. ⁴³ Cikwone anacibabwira: mpu bimpunyire manyise eyindi mirhundu omwanzi gw'akalembe gw'obwami bwa Nnamahanga; bulya ebyo byo narhumiragwa. ⁴⁴ Anakagi yigiriza omu mashengero g'Egalilaya.