¹ Yoshwa alikola mushosi, emyaka yage erhaciri minji. Nyamuzinda anamubwira, erhi: W'oyo okola mushosi, n'emyaka yawe erhaciri minyi, ecihugo cicigwasirwe okurholwa ciri cinji. ² Alaga ecihugo cisigire: amashwa g'aba Filistini goshi n'ecihugo c'aba Geshuriti. ³ Kurhenga oku lwishi lw'e Shihori elubibi lw'e Misri, kuhika e Ekroni emw'Abakanani, n'emwa Abami barhanu b'aba filistini, b'abaga e Gaza, n'e Asidodi, n'e Askoloni, n'e Gati, n'e Ekroni, n'Abaviti; ⁴ N'olunda lw'ekulyo lw'ecihugo c'abakanaani coshi, n'e Meara, cali c'abasidoni kuhika e Afeki, elubibi n'abamori, ⁵ emw'abagibaoni, n'ishiriza ly'e lebanoni kuhika Baali-Gadi omu ntambirhambi y'entondo ye Hermoni kuhika e hamati. ⁶ Ecihugo c'abasidoni, c'omu ntondo ye lebanoni n'e ye Misrefoti-Maimu, n'Abahivi boshi abisraheli bagwarhe ecihugo cabo. Abisraheli bagabe omwecocihugo nkakulya nanakubwiraga. ⁷ Eco cihugo ocigabire milala mwenda, n'ecihimbi c'omulala gwa Manase. ⁸ Bene Rubeni, na bene Gadi na cimbi ciguma c'omulala gwa Manase, bahabwa elyabo ishwa; mwambali wa Nyamuzinda Musa, ali erhya abahire ishiriza ly'olwishi lw'e Yordani, ebushoshokero bw'izuba. ⁹ Kurhonderera e Aroeri, eburhambi bw'olubanda lw'e Arnoni, n'ecishagala ciba omu lubanda lw'e Medeba kuhika e Diboni; ¹⁰ n'ebishagala byoshi bya mwami Sihoni w'Abamori, ali arhambwire e Heshiboni kuhika oku lubibi lw'Abamoni; ¹¹ babaha n'e Galadi, n'emwa Bageshuri, n'emw'Abamaaka oku ntondo ye Hermoni, le Basani kuhika e Saleka. ¹² E mwa mwami Ogi yoshi, ali arhambwire e Ataroriti n'e Edroi, aciri y'oku Barefaimu, balya boshi Musa ahimaga anabalibirha kwo. ¹³ Cikwone bene israheli barhahinvaga Abageshuri, n'aba Maaka, babera haguma n'Abisraheli kuhika ene. ¹⁴ Omulala gw'Abalawi gwone Musa arhahaga ishwa. Nkaba zira nterekero baha Nyamuzinda, Nyamahanga wab'Israheli; abalaganyize okugwo gwaba mwanya ogwo. ¹⁵ Musa aha omulala gwa Rubeni ecabo cihugo nk'oku emilala yabo yanali. ¹⁶ Olubibi lwabo lwarhonderera e Aroeri, eba omulubanda lwe Harmoni, babaha ecishagala cali omulubanda, n'ecihugo coshi cali hofi n'e Medeba. ¹⁷ n'ecishagala ce Heshiboni n'ece Diboni, n'eci Bamoti-Baali, n'ece Beti-Baali-Meoni, ¹⁸ n'e Yahasa, n'e Kedemoti, n'e Mefati, ¹⁹ n'e Kiriyatai oku ntondo eba omu lubanda. ²⁰ ne Beti- Peori, n'e ntondo ye Pisga, n'e Beti- Yeshinoti. ²¹ n'ebishagala byoshi byali omu lubanda, n'obwami bwa mwami Sihoni wa Bamori, ali arhambwire e Heshiboni, Musa amuhima n'abarhambo b'e Midiani boshi: Evi na Rekebu, na Suri, n'a Huri, na Reba, abo bo bali balengerire omu bwami bwa Sihoni mw'eco cihugo. ²² Aba Israheli bayisire, bali mwo balamu jina mwene Behori, abaga mulagwe. ²³ Olubibi lwa bwene Rubeni lwali luhisire hofi n'okulwishi lwe Yordani. Ntyo ko bene Rubeni barhambwire nk'oku e milala yabo yanali, n'ebishagala byabo, n'engo zabo. ²⁴ Musa aha bene Gadi ecabo cihugo nk'oku emilala yabo yanali: ²⁵ bahabwa ecihugo ce Yazeri, n'e bishagala bw'e Galadi byoshi, n' ecihimbi ciguma ce cihugo c'Abamoni kuhika e Aroeri, eba ishiriza ly'e Raba, ²⁶ aciribaha kurhonderera e Heshibuni kuhika e Ramati-Mispe, n'e Betonimu, na kurhenga e Mahanaimu kuhika oku lubibi lw'e Lodebari. ²⁷ N'olubanda lw'e Ebeti- Nimra, n'e Sukoti, n'e Safoni, ebyo byali by'oku bishagala bya mwami Sihoni w'e Heshiboni, olwishi lw'e Yordani, lwo lwali lubibi kuhika oku nyanja y'e Galilaya. ²⁸ Ntyo ko bene Gadi barhambwire, nk'okw'e milala yabo yanali n'e bishagala byabo, n'engo zabo. ²⁹ Musa aha ecihimbi co mulala gwa Manase ecabo cihugo oku emilala yabo yanali. ³⁰ Bahabwa ecihugo ce mahanaimu cali omu Basani, emwa mwami Ogi, n'ebishagala byoshi bye Yairi byali omu Basani byali makumi galindarhu; ³¹ n'oluhande lw'ecishagala ce Galadi, n'ece Astaroti, n'ece Edreyi, n'ebishagala bikulu bya mwami Ogi we Basani. Ebyo byoshi abihako bene Makini mugala wa Manase. ³² Ntyo kwo Musa agabire ebihugo omu lubanda lw'e Moabu, ishiriza ly'e Yordani, ebushoshokero bw'izuba bw'e Yeriko. ³³ Cikwone omy nsa arhahaga abalawi ishwa, ababwira oku okolera Nyamubaho, Nnamahanga w'Israheli gw'ogwabo mwimo nk'oku yene anabalaganyagya.