¹ Abantu b'israeli bali cigashire e Mispa, omukuderha: ntaye mulirhwe wanaciheruse omwali oku bene Benyamini. ² Olubaga lwayisha e Beteli, banaberayo embere za Nnamahanga kuhika bijingo, banashonya amazu, n'okubulaga mirenge minene, ³ na banaderha: Mashi Nnamubaho! Nnamahanga w'israeli, bulyagurhi bihisire oku habule buko buguma omu Israeli ene? ⁴ Erhibuca, olubaga lwazuka muceracera; bayubaka oluhero aho, banarhulirakwo ensirizi n'enterekero z'omunkwa. ⁵ Abana b'israeli baderha: Indi mulirhwe omu milala yoshi y'israeli orhayinamusire omu ntimanano ya Nnamubaho? bulya rhwajijire omwigasho mukali kuli ngasiye orhayinamukiri emwa Nnamubaho e Mispa, rhwadesire oku ayishi hawa okulufu. ⁶ Abana b'israeli bayunv'oburhe enyanya lya Benyamini, mwenewabo, na banaderha: ene buko buguma bwakuzirwe omu Israeli. ⁷ Gurhi rhwayishijira okuha okubo bacizire, bulya rhwacigashire Nnamubaho oku rhurhakacibaha balibirhu nka bakazi? ⁸ Baderhantya lero: kahali omuntu omu buko bwa Israeli orhayinamukaga emunda Nnamubaho ali e Mispa? Na lolaga, ntaye muntu w'emwa Yabesi omu Galadi wahisire omw'ikambi, omuntimanano. ⁹ Bajira omuganjo gw'olubaga, na harhabonekaga omuntu w'emwa Yabesi e Galadi. ¹⁰ Lero entimanano yabarhumira basirika ikumi na babirhi, n'okubaha er'irhegeko: mugende, mushurhe okubwoji bw'engorho abokala b'e Yabesi omu Galadi n'abakazi n'abana. ¹¹ Akagi ebimwajira: mwahererekeza ngasi mulume na ngasi mukazi okol'omanyire omulume. ¹² Babona omubikala be Yabesi omu Galadi, bananyere magana gani babikira barhalisagimanya mulume omukugweshera naye, na babalerha omw'ikambi ly'e shilo, liri omucihugo c'e Kanani. ¹³ Entimanano yoshi yarhum'entumwa okuganiza bene Benyamini bali okw'ibuye lye Rimoni, na okubalongeza omurhula. ¹⁴ Omwagomango bene Benyamini bagaluka, na babaha abakazi balekeraga akalamu omu bakazi b'e Yabesi omu Galadi. cikwone barhali lumire kulibo. ¹⁵ Olubaga lwayunv'oburhe okubiyerekire bene Benyamini, bulya Nnamubahoalijijire embaka omu muko ga israeli. ¹⁶ Abashosi b'entimanano baderha: gurhigi rhwajira lyorhuha abasigire abakazi, bulya abakazi ba Benyamini bayisirwe? ¹⁷ Banaderha: emisigala ya Benyamini balange omwimo gwabo, lyo buko buguma burhakihera omu Israeli. ¹⁸ Cikwone rhurhakabaha balibirhu nka bakazi, bulya abana b'israeli bacigashire, omukuderha: ahehererwe owanahane omukazi oku bene Benyamini. ¹⁹ Banaderha: lolaga, ngasi mwaka haba idinye lya Nnamubaho e Shilo, eri enyanya lya Beteli, ebushoshokero bw'omulimbwa gurhenzire e Beteli kuja e Shekemu, n'ekagarhi na Lebona. ²⁰ buzira bahan'erirhegeko oku bene Benyamini: mugende mulingire omu mizabibu, ²¹ Mwishikasingiriza, na lolaga, amango aba,nyere b'e Shilo bayishi kahuluka okusama, munarhenge omu mizabibu, munacigwarhire ngasi muguma owage omubanyere b'e Shilo amujire mukage, munacishubirire omucihugo ca Benyamini. ²² Erhi b'ishe erhi bashinjababo bakayishi mulega emundarhuli, rhwayishi babwira: murhulekerebo, bulya ntaye mulirhwe warhozire omukazi omu ntambala. Arhalimwe mwabahaga; omuntyo, mwalimwa hanwa. ²³ Ntyo kwo bene Benyamini bajijire, barhola abakazi kushimbana omubale gwabo omu basami bakagigwarha, na bizinda bagende n'okushubira omu mwimo gwabo, baciri lungula omurhundu, banalamwmwo. ²⁴ Mwonagomango abana b'israeli bashubira ngasi muguma omu buko bwage n'omu mulala gwage. ²⁵ Omwagomango harhali mwami omw'israeli. Ngasi muguma akagijira ebi analonzize.