¹ Israeli, galukira Nnamubaho, Nnamahanga wawe, bulya wahirimire omu mabi. ² Mulerhe haguma ninyu emyanzi, munayishe emwa Nnamubaho. Mumubwire: obabalire amabi goshi, na orhuyankirire bwinja! Rhwe rhwayishi kurhulira, ahali h'empanzi,omunkwa gw'orhunwa rhwirhu. ³ Omu Ashuru arhakarhuciza, rhurhayishi sokere oku biterusi, rhurhaknacibwira omukolo gw'amaboko: Nnamahanga wirhu! bulya emwawe to enfunzi ebonerwa bwonjo. ⁴ Nayishi lungula okuhemuka kwabo; nayishi bagwarhakw'obuzigire bw'okunali; bulya oburhe bwani bwabarhenzirekwo. ⁵ Nayishi yorha nka lumè kuli Israeli, bayishi shoga nka cibwiga, barhayishi meza emizi nka libani. ⁶ Amarhami gabo bayishi lumira; bayishi yorha nka muzetuni, na marashi ga libani. ⁷ Bayishi galuka batahale omu cihoho cage, bayishi ciriha engano akalamu, barhayishi shoga nka muzabibu; bayishi gwarha Irenge ly'ecinywebwa ca libani. ⁸ Efrahimu, bici nacijiraga n'enshushano? Nayishi mushuza; nayishi musinza. Nayishi muyorhera nka cetre ca lubala. Kurhenga emwani wayishi habwa amalehe. ⁹ Ngasi ogwerhe oburhimanye alange ebyo! ngasi ogwerhe obukengere ayunve! Bulya enjira za Nnamubaho ziri nshinganya, abashinganya bayishi geramwo, ci abagoma bayishi hirimamwo.