¹ Okumwaka gwakabiri gwa mwami Dario, olusiku lurhanzi lw'omwezi gwa ndarhu, akanwa ka Nnamubaho kayishira Hagai, mulebi, kuli Zorubabeli, mwene Shealtieli, murhegesi wa Yuda, na kuli Joshua, mwene Yoshasadaki, mugula mukulu, omu ebi binwa: ² Ntya kw'adesire Nnamubaho w'emirhwe: olulubaga lulilwaderha oku akasanzi karhacihika, akasanzi k'okuyubaka enyumpa ya Nnamubaho. ³ Byobyarhumire akanwa ka Nnamubaho kabayishira kugerera Hagai, mulebi, okw'ebi binwa: ⁴ kagano mango gamugwasirwe mulame omunyumpa mpambe, amango eyi nyumpa eshabusire? Ntya kw'adesire Nnamubaho w'emirhwe: mulabirize bwinjinja enjira zinyu! ⁶ Mulimwarhwera binene musarhule bitya, mulimwalya ci murhayigurha, mulimwanywa ci enyorha erhatwika; mulimwayambala ci murhayunva idurhu, oluhembo lw'oli ciginja lulilwahonera omu nshoho ntule. ⁷ Ntya kw'adesire Nnamubaho w'emirhwe: mulabirize bwinjinja enjira zinyu! ⁸ Musoke oku ntondo mulerhe emirhi, na muyubake enyumpa: Nayishi ishagalukira, nanyishi kuzibwa, kwo Nnamubaho adesire. ⁹ Mwakagilindirira binji, na lolaga, mwa habirwe binyi, mwabihebire omumwinyu, ci nabibuha. Bulyagurhi? kwo Nnamubaho w'emirhwe adesire. Enyana z'enyumpa yani eshabusire. Cikwone muharhire ngasi muntu eyage nyumpa. ¹⁰ Byobirhumire amulunga gamuyima olumè, n'idaho lwamuyima emburho. ¹¹ Nahamagire ecanda omucihugo, oku ntondo, oku ngano, oku bulo, oku mavurha, oku ngasibyoshi byakayera omw'idaho; oku bantu n'oku bishwekwa, n'oku mikolo y'amaboko. ¹² Zorubabeli, mwene Shealtieli, Yoshua, mwene Yoshasadaki, mugula mukulu, n'olubaga lwoshi, bayunva izu lya Nnamubaho, Nnamahanga wabo, ebinwa bya Hagai, mulebi, kushimbana omukolo Nnamubaho alimuhire, Nnamahanga wabo. Na olubaga lwayoboha embere za Nnamubaho. ¹³ Hagai, ntumwa ya Nnamubaho, abwira olubaga, kugerera irhegeko lya Nnamubaho: ndi hagumaninyu, kwo Nnamubaho adesire. ¹⁴ Nnamubaho azusa omurhima gwa Zorubabeli, mwene Shealtieli, mwimangizi we Yuda, na omurhima gwa Yoshua, mwene Yoshasadaki mugula mukulu, na emirhima y'abantu boshi. Bayisha banarhondera omukolo omunyumpa ya Nnamubaho w'emirhwe, Nnamahanga wabo. ¹⁵ Omunsiku mukumi gabirhi na sink z'omwezi gwa ndarhu, omwaka gwa kabiri gwa mwami Dario.